andrewchan.net的個人專頁

今晚在佐敦吃了一頓幾難食的上海菜，明明有幾間偏偏試間upupdupdup的上海一品香。入去前看到店內都有一定人數在食飯就決定試吓。裝修無，唔緊要，破舊，無問題，但部冷氣出風有異味，就好影響成餐飯，一路食一路索到怪味。是夜點了小籠包、上海粗炒、賽磅蟹 及 鱔糊客飯。小籠包皮厚是老店特式，但厚得來一夾就裂，肉不大香如泥得少少汁，55分。上海粗炒炒功合格，但色和味欠了點，60分。賽磅蟹炒功仍合格但無調味咁，可能預我落醋，但我是唔落醋的一位，雞白滑而蛋唔香，在無嘜調味下唔香，即淡而無味，60分。鱔糊客飯，兒時成日食。湯預左唔好飲，正常，但鱔糊連少彈的質感也沒有，恐雪了幾個世紀咁，鱔糊個汁卻不大對味，得個芽菜正常，連個飯都無飯香，質又散又濕，點呀～連米都差成咁，30分。最後埋單$250多，食連鎖快餐都好食過佢。死因是食材太差，廚師功夫合格，雖淡口，但收咁的價錢食材卻差到咁就唔得。食到成肚氣去openrice望吓，8個ok 7個唔ok，過埋今晚會有8個唔ok架啦！…查看更多

星期一晚與友人來慶賀生日。當日有 Tel remind ，ok。入座後發現枱面略細，因Atum有幾款都是用巨大的碟子盛菜。入座麵包比較失望，味道不過不失，但麵包太薄身，牛油亦是。炸甜蕃薯條配檸檬蜜糖醬味道濃甜，但不是即炸，隔了太久弄得太淋身；而份量可考慮分大細size給人選擇。精選拼盤有紅菜頭三文魚、梅酒蕃茄、水牛芝士。最出色是梅酒蕃茄，絕對要試。其餘一般。頭盤完後，侍應生主動換碟，但無換餐具，這是可以改進一拼更換，感覺會較好。主菜點了燒八爪魚米型粉，八爪魚入味彈牙配上墨汁脆片，有趣。粉內有西班牙辣肉腸粒，整晚最好食的菜式，味道豐富。甜品點了竹炭朱古力+紅桑子sorbet+竹炭綿花糖和蜜糖雪糕。前者玩味重，幾得意，後者配上了羅勒汁，有神來之筆，推薦。…查看更多

上星期六中午1時多walkin見到有許多位，有些放了牌留座，有些就沒有。侍應生帶了我們坐中間位置，言而頭頂上冷氣寫着20度，吹著風口實在有點冬，要求跟進，但該位侍應生說關了會很局，咁難道不能調位或較番暖點冷氣嗎？當時有許多位置，有空的位置可以調吧，而冷氣吹到正個頭，調番到24/25度也可以吧？侍應生的態度可以表現出盡力協調，實際也該調位，何況全場連一半也未滿。一既不理實在一肚氣，眾位友人決定離場擺吃此店。…查看更多