Minnie Duck's Profile

老闆請食團年飯，見到店名叫擔擔麵，真係好驚囉，但原來先冇期望再有超級驚喜，好耐冇寫食評都要寫。功夫燻魚：薄、脆、香、濃菊花豆腐：刀功睇到啦翠竹魚米伴粉皮：做魚米嘅功夫一眼睇得出，魚肉粉皮口感味道好正蜜汁火方：炸腐皮之類+青瓜+有密糖味嘅雲腿，用包包住食，真係味道好豐富，每人一件真係唔係好夠黃金鍋巴蟹粉：由遠處已經聞到濃烈蟹粉用鹹旦味，見到就急不及待食，食完好有罪惡感，但都仲再食牛氣沖天：將件斧頭扒咁嘅牛扒煮到好似紅酒燴牛尾咁，簡直好似魔術師變出嚟咁，每人一件真係唔夠食金絲大明蝦：最貴一道菜，因為隻蝦大到碗都裝唔落，汁係酸甜，炸薯仔絲好幼好脆，正高力雪糕：入面係雪糕，唔係豆沙，好特別…Read More

以前多數去九龍城食泰菜，原來灣仔呢間泰菜都有十年，經歷疫情後仍能堅持嘅小店，真係有佢嘅實力。食客都有外地人（我估係泰國人），亦不停有外賣速遞嚟取貨，生意幾好。豬手肉嫩入味，外皮彈牙，正炒粉絲微辣，好開胃，蝦爽口有蝦味冬蔭公湯好多料，味道酸辣度比例適中我唔知叫咩名，好似係蝦膠包住皮旦炸，未人齊叫嚟食住等，配埋啤酒味道更出生菜包，好味到要叫多碟鹹旦魚皮，好香味道濃，即炸又脆口，好味到停唔到手我冇試過食泰菜叫燒雞，但職員極力推介，未上到枱離遠已經聞到香味，啲雞皮超級脆，好似食薯片咁但啲肉又唔會乾，有驚喜如果訂枱時有講明慶祝生日可以安排芒果糯米飯生日旦糕，同時播放生日歌，非常有氣氛。…Read More

見到食評幾好，所以嚟試，有期望，但勁失望。收得呢個價錢，環境裝修竟然似快餐店，唔怪得之店舖寫住未得同意唔俾影相啦。我11:50到，職員第一時間講我哋開12:00，跟住就開始用「審問」嘅口吻同我講:你知唔知我哋今日午餐係放火鍋放題，唔係套餐，我都好有禮貌答佢，冇問題，然後由得我坐喺lift口， 又唔俾餐牌我睇，而周圍只有晚市120分鐘餐牌，完全冇午市餐牌，終於到12:00就帶我入座，然後俾餐牌我睇，完全冇任何介紹，淨係問我要咩湯底同咩餐，我一答完就收番個餐牌，唔會留底俾你睇個餐包啲乜，所以我都唔知會自動上一個牛肉併盤，所以我自己又叫咗牛肉，好彩我叫得唔多。另外，因為我同uncle去食，uncle個樣表面都睇得出超過65歲，竟要我uncle主動問有冇長者優惠，先至話有長者價，叫我uncle出示身份證就平$60，自己唔問都唔會話你知有長者優惠。之後我去自助櫃攞菜，職員用「指罵」我嘅口吻話我應該用枱上面個大碗攞菜，唔係攞出面啲碗嚟裝菜，我心諗你之前乜都冇介紹過，我以為枱上面個兜係食放題用嚟裝骨嘅兜。到12:50已經拎張單嚟，13:10就催我埋單先，仲差過食快餐。其實食物質素幾好，特別係蠔，唔會縮，但一定唔會再去受氣。…Read More

串燒係要食好多先至夠飽，所以埋單條數可以好大，但呢度點菜用app點，價錢清楚，每款食物可以獨立選擇辣度，個app一路幫你計住張單幾錢，絕對唔會失預算。呢度花甲粉真係好味，一定要食，其他串燒好味得嚟唔會過鹹，上枱熱辣辣，燒茄子唔太油，唯一係扇貝用大量粉絲蓋住，肉比較細。另外生啤做緊買二送一，平均$46一杯500ml, 啱哂酒鬼，用openrice訂枱食物9折，暫時用餐時間無限時，環境舒適，唔嘈，適合同朋友傾計。…Read More

1. 一般火鍋湯底都係鹹味或辣，但呢個鹵水湯底偏甜，食唔慣會覺得少少怪，食耐咗就接受到，但唔屬於一試難忘或者覺得好正嗰種，亦冇衝動會飲番碗😂2. 肉類切得比較薄，要打孖一齊淥同食先至夠口感，肉質味道合格3. 潮汕汁醃嘅前菜小食，部份係生食，我自己接受唔到，輕輕灼一灼先食都 OK4. 海鮮類係新鮮，鱔片厚度適中味道鮮，任食係抵食5. 任食熟食有鹵水鵝、薰蹄、辣酒煮花螺、炒蟶子、反沙芋…等等都算係中價小食激讚：放題嚟講啤酒夠凍，120分鐘後因為冇人等位，亦冇催我交枱，我可以同朋友淨係攞啤酒飲繼續傾計，服務上真係算係咁 。…Read More

其實睇其他人嘅食評已經介紹得好清楚，我再寫係想介紹俾我嘅followers知有呢個好地方，同埋代表我親身去過，證實大家寫嘅食評都係事實，多謝大家嘅好介紹。請注意，由7月11日至20日裝修緊，要遲啲先至可以再去。$448一位，經openrice訂有9折，另外每位要落按金$200，唔去先至扣數，weekend brunch 12:00至15:30。我係海鮮控，所以集中任食海鮮，龍蝦鉗都好易拆殼如果係芝士控就勁開心，切好哂，好過好多酒店要客人自己切沙律勁多款式甜品就少啲，但切得好大件，食唔到咁多款Pizza用石爐燒，所以有少少燶邊，但即叫即焗，熱辣辣香噴噴，統一尺寸，如果得2個人去，食哂就食唔到其他嘢main course 我就冇加錢求其叫兩個意粉，因為我都係想食海鮮，而少少辣呢款蒜香意粉我就勁鐘意食總結，一定會再去…Read More

女人街好多食店，呢間好近街頭（即先達對面），就揀呢間試吓啦。～牛𦟌（牛肉）好腍好入味～牛筋軟硬適中，有咬口但唔硬～粗麵上枱後等一陣先食就冇咁硬～湯底唔似台灣食嘅牛肉麵咁濃牛味，帶有少少類似藥材嘅味道，都好味～手撕雞再多少少麻油會更好～牛𦟌筋頭汁濃唔鹹，正👍～凍奶茶冇冰，唔會越飲越淡結論：可以再去…Read More

之前book mark咗諗住搵日去食串燒飲啤酒，咁啱琴日想飲湯，見呢度有松草花花膠雞湯麵，即管試咗湯麵先，竟然超級驚喜。～花膠係花膠筒，有2隻，唔係急凍打邊爐嗰啲～淮山麵爽口～松草花花膠雞湯濃味，加咗麵都冇啖到～椰子雞湯非常鮮甜～雞皮雞肉都好有雞味🤣～+6一碟嘅拍青瓜勁大碟店外有一張枱，啱哂要食煙嘅客人，啤酒都好平，大枝Asahi只係$28，過程中都有好多人叫外賣，相信質素有保證，下次再試吓啲串燒先😊。…Read More

好難相信喺銅鑼灣有一間食店環境舒適，價錢平，招呼好，第一次去已經可以好快同職員打成一片，串燒套餐$198一位，任飲泰國象啤、青島、Sake、紅酒、白酒三小時$98一位，絕對超值。燒蕃茄仔，甜而不膩爽，Juicy香，唔燶，燒得剛剛好蝦大隻，燒得好香扇貝大隻，個汁好好味燒豬腩肉堅Juicy, 腍，唔硬魷魚有驚喜，腍身，唔乾硬，配七味粉，餸酒一流鰻魚炒飯香噴噴魚柳好滑食店座位唔多，如果大班人去，分分鐘可以包場…Read More

服務員好醒目，見到我哋望一望天花，立即主動過嚟問我哋係咪冷氣機滴水，好細心，服務一流。經openrice訂枱，叫set 有85折，正價餐牌半價，最後揀咗一個二人餐$498兩款包都外脆內軟，淺色味道多層次，深色麵包味濃，各有特色，蘑菇湯唔太濃，味道合格薯條係即炸，冇芝士，有黑松露喺薯條上面同醬汁入面，好香好味安格斯肉眼牛扒叫咗5成，結果係7成，幸好肉質唔差，有牛味，份量夠虎蝦龍蝦汁意大利飯，飯太腍 ，冇意大利飯嘅咬口，龍蝦汁好咪味，蝦就偏瘦削，冇乜肉西班牙咖啡合格Oreo奶昔合格芝麻雪糕唔甜，仲有少少苦嘅味道，唔係人人啱食結論，係一個約會嘅好地方，食物合格…Read More

主餐雖然失禮，但我認為俾得$328一位，我一心係去食燒和牛同海鮮，見有咁多like, 所以決定一試。一入門口就見到雪糕有Movenpick, 已經開心咗再行入去，見到冷盤海鮮，啲蟹膏爆滿，幾乎想夾埋先至入座🤣當然仲有沙律、甜品任飲有日本麥啤同無酒精飲品主茶質素都好好，我叫咗牛扒同羊膝到我最期待嘅燒海鮮同燒和牛，有鮑魚、蟶子、有殼蠔、大蚌、蜆、象拔蚌仔……等等，都有串燒蔬菜類，係有專人燒，自己排隊攞，真係任攞任食，熱辣辣，好味。…Read More

首先吸引係可以任食4小時，可以同朋友歡聚暢談，係市面極少數嘅放題。再睇埋個餐，一人一份嘅主食都好正，有龍蝦半隻、花膠鮑魚、翅／湯、乳鴿半隻、一杯Movenpick雪糕，而其他任食或冷盤，小菜都好多款式，黑松露帶子炒旦必食，啤酒係百威，汽水係七喜／百事，仲有橙汁。環境一流，全海景，枱與枱之間距離好遠，非常舒服。訂座：每晚放題限額唔多，要預早打電話去訂，玩場付款每位$276全包（唔包任飲），openrice買劵就$275全包加送一杯飲品（必須要一日前買，唔可以即日買），另外可以加$30任飲橙汁+汽水，或另加$40任飲百威啤酒+橙汁+汽水。總之，如果想同朋友傾足食足4個鐘，呢度絕對一流。…Read More

開頭見到灣仔區午餐任食火鍋$148，樓下門口又普通，都做咗心理，食店可能環境一般，食物合格都算，結果完全係超值。環境:枱夠大，每枱距離都寛敞，同朋友傾計都非常舒服服務:全部員工都有禮，有介紹點樣攞食物同飲品，亦有適時收碟。食物:一人一鍋湯底，係麻辣、日式或韓式湯底，有辣有唔辣，好正，以為揀最平嘅餐$148，仲要冇加一啲牛肉都唔會太好，結果係樣靚牛肉味夠，唔太肥，其他食物款式都好多好多，仲有韓國啤酒任飲，韓國雪糕任食，絕冇取巧，一定會再去。…Read More

抱住只求合格嘅心態嚟食，原來有驚喜，以下係我第一身感受，希望唔會令到食店服務員難做。最初係睇到openrice嘅相片，以為係17:30至20:30，$188，於是我就訂咗17:30到，但原來已經冇咗，最新係任食兩個鐘，由於我有朋友18:00先收工，我即時想起身先，等齊人先再嚟，竟然服務員話天氣熱，而且冇客等緊枱，俾我坐喺度涼著冷氣等人齊先至叫食物，大熱天時遇到良心姐姐，窩心指數爆燈。食評：點心絕對係即叫即蒸即炸，堅正，火鍋合格，以任食嘅牛肉嚟講算高質。必食：蝦餃，菜苗餃，燒賣，炸春卷火鍋：肩胛牛肉，墨魚滑，廣島蠔…Read More

樓上一樓餐廳梳化好寬敞，坐到唔捨得走，好適合想傾計嘅飯局。餐湯味道合格，但唔熱，餐包直頭凍到硬，冇香味，沙律外觀唔吸引，好求其。可能一開始已經打哂折扣，對主菜冇哂期望，但原來反而有驚喜。牛扒熱騰騰，大大件，我要嘅Medium剛剛好，冇血水，牛味濃，肉質嫩，薯角香脆，幾飽都想食哂佢，伴菜色澤靚又爽脆，比起沙律好好多。雞皮煎得好脆，肉質保持到嫩滑，正。結論：如果頭盤可以改善埋，一星期去一次都可以😍。…Read More