Sheep Yeung的個人專頁

心血來潮，今天就是想食火鍋，就到了一直放在wish list 的餐廳找，就去了尚鮮。訂咗7:30，不係冬天旺季都已經有8成滿。首先點個湯底，我哋叫咗個鴛鴦鍋底，一邊係血池麻辣湯，拼牛肝菌昆布湯。呢個牛肝菌昆布湯非常好味，同埋鮮甜，可以係打邊爐之前先飲一碗。然後我們就點其他食物，有鮮鯇魚片，薄片豚肉，生蠔，羽衣甘藍，加個牛3拼。食物來之前，先給我們調味配料，自己可以按個人口味調配。先講下啲食物，但覺得全部都好好味，特別係嗰個牛三拼，每款都好新鮮，未食錢就咁睇啲肉，見到d牛，已經覺得好新鮮，點知熟左，真係好好味不能夠停下來。另外，鮮魚片好爽口，一食就知道係新鮮食材。生蠔都係好鮮甜，今次試左擺係辣嘅湯底，又有一番景象，可以一試。仲有，我平時只會當salad 食既羽衣甘藍，今次係第一次打邊爐，好好好味，配合牛肝菌湯，簡直一流！總括嚟講，所有食物都好新鮮，值得回購！…查看更多

突然掛住泰國的菜色，就相約朋友係尖沙咀食泰國菜，最後選擇咗呢間我們都未試過的新泰。一出lift 就見到好有泰國風格的裝潢，好似真係去左泰國咁😊店內都充滿泰國味😍😍😍由於我同朋友都食了下午茶，所以不太餓，打開餐牌就點了有推介的，咁岩我想食生菜包，平時的餐廳都係豬肉的，但呢度有魚肉，就一於試下啦，另外再點了日本南瓜焗海鮮飯。大概等了15分鐘，上菜了🤩原來魚肉生菜包係成條魚咁，非常有誠意，係切粒既魚爆左加醬料了一齊炒，酸酸甜甜，好開胃又唔熱氣，呢味菜我係其他餐廳未試過，我同朋友都停不了口，真係好好味，除左切粒外，食到最尾仲有d魚肉係可以自己起埋出來食埋去，我們太中意食，成條魚清唒。另一味菜係日本南瓜海鮮飯，呢個都好有驚喜，整個南瓜上，中間係好多南瓜，有多種不同的海鮮（魷魚，青口，蝦...)，個汁好好味，不會好濟，好足料。我們只點了两個菜，好足料，份量也頗大，好滿足的一晚下次會再約多d朋友，想試更多菜式，一定會再次光臨。…查看更多

星期六，相約朋友行完K11就找地方食晚餐，一出K11就見到對面有間居酒屋，我們對日本野情有獨鍾，就去看看，餐廳好有日本裝潢風味，加上又不使等位，即時入座。後來我們先知道原來長沙灣係总店，尖沙咀係分店，所以有很多熟客都到新店光臨。我們點了好幾款刺身，有深海池魚王，有分薄切同厚切，我們比較中意薄切，點了中間的少酸辣汁，非常好味，值得一試。另外點了三文魚刺身及油甘魚腩，刺身非常新鮮，而且肥美，放在口內有即融化的感覺。深海池魚刺身來到居酒屋，又怎可錯過燒物，我們一向至愛的鹽燒牛舌，脆口，肉汁鎖喺裏面，真心推薦。串燒仲叫了 “黑蒜豚肉”，平時比較少食到，味道不會太濃，呢個真係一定要試！芝士年糕又點少得，唔油膩，同平時炸個d好不同，呢個感覺係烤似的。最後，蔥吞拿魚蓉壽司，呢個真心推薦，飯內面都有蔥，食起來好有口感。整體，我們非常推薦呢間居酒屋，會再次回購，也可能成為我新的飯堂呢…查看更多

大概12點45分，我們一行6日無book位，就衝左是日午餐地點。我完全無概念食什麼菜式就同同事坐低左。有lunch menu, 原來係咩都有，三文治，日式烏東，泰式冬蔭公米粉...我們就分別點了牛肉湯烏東，火腿芝士三明治，同埋和牛漢堡，加左薯條，每個餐包一杯野飲。黑椒牛肉湯烏東，好香，味道都不錯，牛肉好嫩滑，总括係幾好。雲吞冬蔭公米粉，呢個都做得幾出色，有泰國的味道，份量都好足。呢個三明治本來無特別期望，點知有驚喜，係同cafe 的三明治不同，芝士好juicy，薯條又脆口。总括，食物不錯，又有不同菜色選擇，不過性價比就不太高。如果想找間可以靜靜地的餐廳，呢間係一個不錯的選擇。…查看更多

每日係銅鑼灣經過幸福堂，都要排好長龍，所以一直都未試到。今日入到元朗，竟然見到新開的幸福堂，又不係好多人排隊，所以就買來試試。點知，到我買時，原來要第30分鐘😖最後等左40分鐘😖😖😖不過見到杯黑糖珍珠鮮奶，心情即刻變好，個底係熱既，應該全部都係即炒的黑糖。個人鍾意飲用鮮奶，會香滑好多，加上細細粒既珍珠好有口感。整體不太甜，味道岩岩好，如果下就不使排咁耐，會再次光顧…查看更多

喺銅鑼灣返工，周圍睇吓有咩好食，有同事話想食日本菜，呢間天扶良一直都係我既list，今日就一於去試吓。我們12點30半到，已經好多人，我們坐係bar枱，有個日本師傅即場炸天婦羅。個waitress 見到我們好迷惘就介紹比我們。最後我們想分別食到天婦羅同埋壽司，一人點左個自選16件。有介紹我們點一些時令的食才，咁我們就好期待食物。先有前菜，有蒸蛋，特別盛讚黑豆，好甜好好味。另外，日本師傅就根據我地點嘅天婦羅，每件炸，再一件一件上到我們前面的盤，我們急不及待就品嚐，真係好味到不能形容，去咗有蝦，不同時令既魚，天婦羅粟子係我們一致認同好甜好正。同平時既粟子係有分別。除咗天婦羅，我們重點左一個自選16件壽司set，都係一樣無得輸，蟹肉棒，海膽非常好食！最後，餐茶個杯咖啡都係好好好飲！一致認同，誠意推薦，呢個價錢食到即炸天婦羅，值得一試…查看更多

青衣城2期新開張，作為青衣既居民一定要來朝聖，2期開了很多不同既新店，不同菜色都有。BOXING DAY就同埋媽媽妹妹一齊來試食呢間Mee...lemongrass，可能食中午又係新開張，已經有人龍，不過都好快等左15分鐘就可以入坐。係等候既時間，已經睇好餐牌，分別叫左2個無骨海南雞喇沙同埋一個無骨海南雞飯，仲有一杯手拉奶茶。等了5分鐘就到了，一個午餐SET包了一碟海南雞 & 喇沙，仲有前菜沙律同埋點品 。海南雞係無骨，方便食用，個人好中意個喇沙 (mix 米粉 & 麵)，不係太辣，家人都一致覺得好味。海南雞飯也到了。我們另外加錢點了個手拉奶茶，同平時既奶茶係有分別，呢個會甜少少，不過會滑D。總括，我們會再次光臨。…查看更多

一向都知元朗有好多日本餐廳，今日於朋友引領下就試新餐廳，原本以為只係食丼，但原來有好多選擇。我們點了店排名第三的松露海膽帶子卷，多款壽司，赤蝦特別出色，好肥美好大隻又鮮甜，仲有鰻魚玉子燒 & 出名的刺身丼。總括來講，刺身新鮮，價錢合理，下次會再光臨…查看更多

同朋友上完堂，心血來潮想去cafe坐下，聚舊一番，我們由油麻地行行下去到佐敦，突然見到有一間cafe坐滿好多人，係佐敦那條不多人行的街都可以咁多人，我們就不理衝入去試下。cafe外已聞到好香的咖啡， 感覺似係精品咖啡店，由於我有點餓，我就點了"芝士三文魚牛角包" 及Caffe Latte。意外係佐敦發現呢間cafe，地方不太大但可以同朋友傾計無壓力被人迫走，香港真係好難可以找到一間無人企係你後面等位的coffee shop！唯一美中不足的係個牛角包不夠飽，女的我都只係好岩岩好，男仔可能未必夠。…查看更多

慶祝摯友生日，當然要找美景加美食！今次選擇到The One 的鐵板燒海賀，一入到大堂，見到好靚的風景，仲有好香的鐵板燒未食已經抱有期望！午餐分別有semi buffet 或者定食，我們看了一轉buffet的款式，不想唸就直接點了"龍蝦及牛肉定食"，先來沙律開胃！第一個主菜係"法國鵝肝"，煎得岩岩好，配上白色的醬汁第二主菜係"波士頓龍蝦"半隻，肉會起哂，仲有龍蝦膏做汁，份外美味，半隻真係不夠呢！最後就係"美國牛肉厚燒"，本來不多好牛的我都覺得燒得岩岩好，肉汁完全鎖住！非常滿足的一個午餐！…查看更多

聽聞呢間日本餐廳出名烏賊船，唸住同同事午餐先試一試水準，大概1點到，日式餐廳裝潢，不太多人，感覺好舒服！午餐選擇不太多，但已經足夠，我們分別都點了魚生角切飯，仲可選擇生蛋或熟蛋，侍應親切解答生蛋會相對較滑。魚生非常新鮮，加上生蛋，真係好好味，會再相約同事來食！…查看更多

銅鑼灣有太多好味的日本餐廳，想試新野就上網搜尋美食，就見到呢間好多好評，就相約朋友一試！幸好我們有預約，如果不係好大機會無位，大概12點45分到，已經全滿！侍應服務親切，最特別係對筷子，要自己套上前面尖位，應該係高級日本餐廳的高衛生標準！我點了蟹肉三色定食(主要因為有我大愛的海膽)，前菜先上蒸蛋，好好味到主角上場，未食已被眼球吸引住，新鮮的食材加上顏色的搭配，太美了！一試之下，真係好好味，我一口也沒有剩下來！一定會再次光臨！…查看更多

朋友住天水圍，就相約係元朗覓食。中午大概一點到達，已經出現人龍，等了大概30分鐘就可以入座。我們叫了蒲燒鰻魚飯，飯和鰻魚都非常有水準鰻魚同平時的不同，會有口感同埋有小小焦，支持用心製作的小店！…查看更多