Agnes940509的個人專頁

八號風球的星期日，同朋友係睇戲前黎outback下午茶☕️（太掛住個黑糖麵包😂每次都係因為黑糖麵包黎食outback🙈）意外發現下午茶十分之抵食💕雖然飲品同黑糖麵包要另外加錢order，不過埋單每人都唔洗100蚊😆比平時抵食食物維持一貫水準啦～份量比一般細，但係下午茶時間食就啱啱好啦黑糖麵包都仲係我嘅最愛😋必點呀雖然因天氣影響餐廳少左侍應，但客人都少左好多，所以服務冇受影響。反而咁少人，用餐過程同氣氛好好😋…查看更多

係秋風同柔和嘅陽光下，同三五知己飲住「小確幸」傾計係真係忙碌生活中嘅小確幸💕小確幸有齊我鐘意嘅芋頭同紅豆，配上小珍珠😋就係鹿角巷嘅小確幸另外，朋友order嘅點糖鹿丸鮮奶都非常好飲💕😋…查看更多

朋友放假黎觀塘一齊食Lunch，由於朋友12點就到左唔洗等位就入得。入座5分鐘左右，經理 (白恤衫男人) 見到坐位仲係得我朋友一個就不停催促，要我地開啲黎齊⋯⋯ 係15分鐘就催左3次以上ಠ_ಠ就算朋友已經幫我地落曬order都仲不停催沾麵叫左唔耐就上枱，味道同賣相都幾好糖心蛋非常好食啲麵幾有咬口豚角都幾好食，我碗麵嘅豚角肥瘦適中朋友碗麵嘅豚角就太肥，好大部分都食唔落湯唔太熱另外，朋友食到最尾先發現佢碗麵少左隻蛋。不過由於就食完都無從證明，就無叫人比返⋯⋯唔知係咪因爲繁忙時間，我地仲食緊最後幾啖，已經有人黎想幫我地收碗:(一放最後一啖入口就有人黎問收得碗未⋯⋯ 總括黎講，食物係唔錯嘅 (如果湯夠熱會好好多)；另外，如果員工同經理唔係咁趕咁催促會好好多雖然明白係繁忙時間，但係不停被催促嘅感覺實在令人不滿，希望佢地以後有所改善～…查看更多

朋友之前已經食過萬發，覺得好好食😂所以慶祝生日都黎食萬發由於我地有預早訂位，黎到唔洗等就有得入座～一坐低我地幾個女仔就不停講野，完全唔記得要睇menu🙈好彩都冇人吹我地伙記過黎幫我地落單，我地先即刻 openrice 下其他人有咩推薦就照叫好彩有大家啲食評先唔洗慢慢諗食咩落左單唔算好耐就上左第一個菜，佢係我今晚最最最鐘意嘅一個菜黑椒薯仔牛柳粒必叫呀！！！薯仔同牛柳都好好食🤤下次我一定會再叫其他幾樣都幾好食，不過都比唔上黑椒薯仔牛柳粒總括黎講，萬發嘅CP值都幾高。環境幾乾淨，食物好好食又唔貴😂…查看更多

之前Lunch Time係觀塘apm食過幾次，一直以為佢冇分店估唔到今日係九龍灣上完堂會見到錦麗因爲8點半先去食，所以唔洗好似Lunch time咁要等位Order左熟牛肉河值得推薦如果第一次黎就最好叫 綜合 嘅～一次過試曬生熟牛肉同肉丸…查看更多

今日同事黎東廣場食lunch，再一次黎食My Burger今次order左炸魚漢堡($48)加$20嘅 set A就有薯條加野飲～見今日order左炸野就飲杯玄米茶係cashier落order同比錢後先會即製，所以個包黎到面前嘅時候超熱要放一陣先食😂熱辣辣嘅包同薯條好炸魚堡幾好食都好飽而且價錢唔貴～不過weekday lunch time 真係好多人，所以都幾迫坐得冇咁舒服不過既然價錢、裝修同埋飾物質素都唔錯，難怪咁多人會來食lunch下次再黎就試吓軟殼蟹burger😍…查看更多

係樂富同朋友一齊睇完中醫都搵下附近有咩好食～search到宜間冰室幾靚咁食評睇落唔錯就決定來試一下啦冰室嘅裝修真係好靚好友香港特色好有懷舊feel～最重要嘅係啲員工好Nice 特別係個女經理，好有笑容😂可能平時見得太多黑面員工，所以覺得好surprise 😃餐牌係乒乓球拍做嘅～見你咁得意忍唔住都影咗個餐牌😂今晚我同朋友一齊叫餸食飯叫咗好多餸食有啲好味直頭想encore，連平時努力減肥嘅朋友都忍唔住食多咗😂我就最鍾意依個黑椒炒牛柳粒喇估唔到喺茶餐廳都會咁有鑊氣。攞嚟送飯一流呀！宜個直情encore左黎同朋友share做聽日返工嘅lunch我覺得叮完再食都一樣好食個雞煲好正架我哋成枱人一上菜好快就清曬個熱辣辣嘅雞煲個湯我覺得唔重味精，可能冇味精添，飲唔會口渴叫咗杯蛋白杏仁茶同紅豆冰，那杯都好好飲特別係杯杏仁茶，下次再黎一定會再叫過紅豆冰就係正常嘅水準，最值得一讚嘅係我叫「走飲筒」嘅時候佢哋都好樂意唔似有啲餐廳俾咗你叫你自己拎走啲飲筒總體來講我覺得依度值得再去下次試吓其他分店睇吓啲水準係咪同九龍塘依間一樣咁高先…查看更多

尋日去尖沙咀睇完 Spider-Man: Homecoming，行過見到平日好多人排隊嘅Potato corner 居然唔係好多人排隊喎啱曬怕排隊嘅我咁當然係去左買黎試下啦即叫即炸～到我手嘅時候仲熱辣辣炸野當然係要襯熱食嫁啦～我就鐘意食芝士味多啲，朋友就比較鐘意忌廉洋蔥另外兩隻味睇落就無好吸引我～不過下次都應該會試下經過唔太多人嘅我覺得值得一試，如果唔太飽嘅可以再買隔離嘅媽咪雞蛋仔可以同朋友開心share下…查看更多

Happy Friday 最好就係同BFF一齊飲飲食食同吹下水啦～ 大家大學畢業之後都返曬工，未約到一齊去韓國食韓燒就係香港食左先啦梗係係openrice睇到宜間韓燒多好評，又係旺角咁方便，所以一早就book好左星期五放工黎食韓燒一去到就有得入座仲好快手咁上左餐前小菜同菜比我地大家一到齊就開始瘋狂點野食好似餓左好耐咁～當然唔少得要飲酒啦happy Friday 點可以少左酒呢！一叫完野食，侍應姐姐就上左啲夾燒肉嘅菜比我地，仲好細仔咁介紹比我地聽食燒肉嘅時候用菜食着肉同其他配料會仲好食。再同我地講會上左啲涼嘅菜先蝦同鮑魚話咁快就送到我因為敏感冇食到蝦，不過朋友話好正同係韓國食嘅一樣咁好食喎之後我最期待嘅燒肉終於岀現啦超級長，係我手嘅兩倍呀！之後侍應仲幫我地剪成一片片，方便我地燒黎食因為我地叫嘅係冇調味嘅燒肉，侍應就suggest 我地點前面嘅sauce；如果有調味嘅肉就點後面淺啡色嘅sauce燒好嘅肉點sauce再夾係蔬菜裹面一齊食諗到都流口水，好想再去食過除左牛肉吸引之外，佢地嘅帶子都好正我地四個女仔食左2盆啲帶子好滑，啱曬鍾意食海鮮嘅人食完第一round，我地仲係食唔停口，又叫多左啲熟食同牛扒牛扒好大塊，黎嘅時候仲已經切好左食左咁多燒肉，我地就叫左個人蔘雞湯做ending:)侍應將一鍋湯上枱之後就幫我地分好曬食左2個幾鐘，我地終於收手飽到食唔落～「減肥」都係留返聽日先啦🙈…查看更多