Rita.W的個人專頁

一直都很喜歡食雞蛋仔, 但愈來愈少地方有近年只是係新年時在良景街市對開買到, 當時大排長龍 想一再回味雞蛋仔, 找到華都這間店放工時間, 大家都在這裡買小食款式很多, 炸 蒸 煮 烤都有!!!雞蛋仔($12)是即整的, 大概5分鐘, 再用風吹吹就交到我既手上拎上手, 熱辣辣 食落脆卜卜, 好有蛋味, 好香 [[之前食過好像蒸, 淋既雞蛋仔, 真係驚驚地]]如果個蛋漿多少少, 更實心的會更好 太好味, 小朋友都搶住食, 好想再食多一底 …查看更多

之前經過一次, 望左兩望唔肯定係唔係出名既半熟蛋糕 (因為非大型商場)今次再經過, 原來係台灣諾亞蛋糕平時食怕左連鎖店既蛋糕, 試下溶心蛋糕, 不至於好好食但幾特別! 我買左個芒果芝士溶心蛋糕 ($138)員工會問我返屋企要幾耐, 如果超過半小時就會比個冰包我另外, 包裝盒內有餐具! (同我講左, 但掉盒先記得XD)另外因為不加防腐劑, 2日內要食晒!盒外有教最佳食法!雖然蛋糕不算大, 但3個大人都食唔晒, 分左2日食!芒果只係面個層, 真係好甜!!!!! 芝士溶心蛋糕, 圓圈分配大概係內面溶心佔3/4, 芝士蛋糕佔1/4整體不算很甜, 溶心口感好滑、挺身似吉士醬 (店舖亦有吉士泡芺出售$18)溶心情況不是一切就流晒醬出黎! (比較漿, 我比較喜歡似流心 )另外, 1/4的芝士蛋糕(似紐約芝士!?但比較鬆口) 就帶出"芝士"味不過略嫌不夠芝士味同硬身, 如果芝士蛋糕比重佔多少少, 膩DD會更好味! (個人口味 )…查看更多

OT食咩好呢!?? 想食粥, 就正斗啦叫左3料粥 ($78) , 點左皮蛋、豬潤同豬肚 (本身想叫魚片唔係豬肚, 未收線想更正已經話入左單, 無得改 ) 粥好足料, 仲有食剩左, 但價錢好貴, $78略有不值碗粥都幾大碗, 亦都好足料, 豬肚豬潤各3片, 皮蛋應該係半隻第一口食粥好綿都又好似無米粥, 味精味重左少少, 食到最後碗粥已經好"水"皮蛋, 好透 唔係好咸, 好味食豬潤好怕有異味, 好彩係幾好味爽口, 味道沒有很重, 可以接受!豬肚, 好怕個豬肚色已經變黑, 亦好彩都好爽口芝麻糊($36)比到驚喜我!!!平時去酒樓, 相若價錢既芝麻糊都係粉開, 而且好稀但正斗芝麻糊一粒粒黑芝麻磨粉既口感 (影出黎真係一粒粒粉磨!), 亦都好"結"甜品黎講, 芝麻糊甜度正常 …查看更多

原本想食青森, 點知星期一休息:(見五右衛門咁多好評又唔洗等位, 就試下啦!7點半左右入到去坐, 大概3分1 滿座侍應好勤力, 亦不斷加水有幾種SET餐選擇, 入到去發現食滿$250有85折我地2個人都係叫左有PIZZA同意粉既SET太肚餓唔記得影, 最後2塊併埋一齊影一個係海鮮, 一個係夏威夷我自己好喜歡吃酥批, 夏威夷酥批好好味, 芝士仲可以拉出黎海鮮就非常一般, 感覺淨係食到酥批, 基本上配料非常少北海道湯意粉上菜時牛油都未溶, 個湯底有少少芝士味成碗意粉好膩, 但唔知點解唔夠味!?麵身比較硬, 薯仔係生, 薯仔係生, 薯仔係生!!!!!!!!我無去換, 因為成碗意粉已經好膩, 食埋薯仔會好肥, 就算數唔想麻煩配料少既問題又出現了, 我數過有3粒比粟米大少少既帶子墨魚汁意粉, 味道一般, 有墨汁味.....同普通連鎖店無分別但呢碟意粉非常油, 食到尾都有好多油所以呢一餐食左好多「油」......我又去數過, 總共有4粒墨魚圈!!好立克紅豆冰沒有好立克味, 只有甜味…查看更多

上海豆漿大王係屯門友由細食到大既老店但近年不停加價就真係好少食上星期日經過好多人排隊, 放棄左排隊今星期日終於試左!!栥飯($15)我淨係食呢一間店因為佢整體係「岩岩好」, 好好味!!糯米既軟度, 油炸鬼既脆度配合肉鬆, 加上多配料少飯真係無得輸!!!但比以前失色左少少, 飯多左豆漿味, 其他配料少左, 如榨菜酸辣湯($17), 酸辣湯已溝水 (苦笑)將原本味道溝淡左, 唔酸唔辣, 有好多配料, 用其他配料拎返少少分我叫「姐姐」比多個碗仔我, 「姐姐」好好人咁比多少少4份1既酸辣湯我呢碗係未溝水, 「結」D, 味道當然重返少少, 好味亦多一倍雞翼麵要榨菜($28), 麵既份量多, 雞翼份量少左 (以前有3隻全翼, 宜家得2隻, 仲要好細隻)雞翼真係好好味, 炸得岩岩好, 唔會太「lon」榨菜好爽口, 上海麵配榨菜真係正!多年既老店, 有一定既質素宜家比以前偷工減料左, 但老店的味道還在希望老店可以維持住, 唔好退步好多!…查看更多

突然想食泰國菜, 就去左九龍城「搵食」原本問了朋友有咩推薦, 最後因為太熱隨意入左一間兩個人點左4個餸, 真係飽到坐車都想嘔..... 環境一般, 好迫, 坐圓椅, 同後面枱背貼背, 坐得唔係咁舒服 椰青 ($28), 多汁, 厚肉, 清甜估計太多人點, 唔會積儲貨, 所以很新鮮!!!我見隔離枱有送蝦餅, 我當然都問下有無 佢新鮮開左一包, 唔算好濃味, 部分幾塊淋左唔會特登買一包, 因為其他店更好味 (佢門口賣一包$12)生蝦 ($85), 大概6隻左右, 蝦肉身比較厚肉 配上生蒜好味略嫌被汁同配料蓋過左個味, 不過整體不錯有6隻細炸蝦伴碟馬拉盞椰菜苗 ($68)個汁咸左少少, 蝦醬味唔係好重但我覺得椰菜苗比較少有, 可以一試椰青咖哩海鮮 ($138)開頭食覺得好有創意因為椰青的果肉用作材料但我比較喜歡食新鮮椰青的新鮮果肉有墨魚肉, 蝦, 菜等等 (但海鮮好少, 最多係菜同過多椰肉)但其實汁比較多, 我地食晒全部餸發現椰青有一半係汁, 好膩如果再食, 不會再點呢個餸!蒜蓉包($26), 有5大片, 沾咖哩汁左得, 直接食又得, 好味!金邊粉($58), 失望, 炒得不均勻, 味道很淡材料很少, 有2, 3粒蝦肉, 但肉身霉霉地…查看更多

之前BOSS已經帶過我黎桂月食一次, 今次我帶朋友帶回味一次一早已訂位, 不過當天掛緊3號風球, 所以得一半枱滿座 (全場約得30至40座位)我們點的是Lunch Set自選2款迷你飯 (HK$168再加一), 約有八款左右 (忘記影餐牌)(生食)有吞拿魚飯, 三文魚飯, 時令壽司飯, (熟食) 鰻魚飯, 牛肉飯, 雞飯 (其他款式已忘記><)前菜有沙律 (用黑醋), 燉蛋, 溫度暖, 味道比較清, 我覺得剛剛好 (食到有冬菇, 雞肉)朋友食前菜已經話好日本feel主菜我點左時令壽司飯同鰻魚飯**時令壽司飯有一粒帶子, 2片三文魚, 1隻生蝦生蝦同帶子不夠肥美, 但勝在夠新鮮!三文魚又肥美又新鮮, 有少少蓋左前2款所以我覺得先食帶子>蝦>三文魚比較好XDDD**鰻魚飯超級好味, 重點落左去個汁度鰻魚都有點厚度, 不像壽司店薄薄一片一片已經食左大半碗飯, 加左紫菜在配料完全係錦上添花 哈哈**麵豉湯 不是味精湯, (我將重點放左去2款迷你飯上, 忽略左麵豉湯.....HAHA)食到一粒飯都無剩嫁, 好好味!!!一係要咖啡茶, 一係要甜品我梗係要甜品啦, 桃味雪芭, 又係好好味, 絕非藥水味(之前我食過薑味雪糕, 今次轉左款, 好想再食)…查看更多

原本想食巴蜀風, 休息無開, 又無得食冰點, 只好是但入一間唔知係唔係獨市生意咁濟 好多人食雲川燒(新店大鋪), 之前係細鋪食過串燒OK, 今次無試我點左豬扒麻中辣同豬大腸酸中辣好啦, 我碗「垃圾」薯粉黎啦, 薯粉已經唔入味, 有少少硬 (因為想快速逃走, 無影到相)豬扒係暖既, 一早炸定, 唔脆同淋 (點解餐牌仲有 字?????), 麻辣可以接受, 但只能說入到口........豬大腸比不上車仔麵店, 部分已黑黑地, 酸辣無酸辣味, 湯底有D一舊舊白色野, 唔知係唔係豬腸既腸定係咩...... 可以講, 就算係獨市都唔會再黎食垃圾!!!!!!!!!!!!! …查看更多

點心友, 可以話係我屯門最喜愛既點心食堂之一總係1至2星期去一次!!!不過點心友質素比較唔穩定, 時好時壞, 4,5次總有一次唔太好食我發現午市會比較好食, 可能專注點心較多!!!本身唔係食「7」, 仲有「差」燒餐包, 不過賣晒!埋單$218蚊 3個人好味之選咖喱魷魚, 今次咖喱汁好辣, 好入味, 同埋好爽口(之前食過霉霉地口感)腐皮卷我每次都會點蝦肉非常足料, 外皮好脆, 正所謂啖啖肉 燒賣一般魚翅餃, 第一次以為唔熟, 叫佢再蒸過第二次再黎, 又係好難食, 點解呢點解呢?? 我之前食係一舊肉, 有雲耳, 類似魚翅既野, 口感好好, 較乾身, 好實既感覺但今次咬落去好似一舊肥豬肉, 好淋, 個皮已經爛晒, 好難食(估計係失準, 之前食係好食既, 下次比多次機會佢 會再試)  蝦腸, 可能已經都晚市, 天氣又熱, 蝦已經霉霉地......:(排骨鳳爪煲仔飯, 多左火喉同埋排骨好食左, 其實同佢地26蚊既飯係一樣, 一樣只係煲上定碗上 (我覺得XD)沙薑雞腳 真係好難食視覺上已經甩晒骨, 好淋, 煮左好耐無人點咁, 爛晒同黑左, 味就差唔多, 但唔會再點最後, 可以佢地習慣性趕人地走, 我地未黎齊D野就問我地打唔打包, 仲2次想收我地既碗明明出面無人等位, 8點唔夠未到收工時間, 點解要咁趕@@…查看更多

之前已經食過幾次, 好耐無食, 就試下先!食用晚飯時間尚早, 8點就去食過甜品先!!叫左榴槤味既甜品, 不過唔知點解, 2個甜品既榴槤味好都淡唔係當造?? 時間太早?? 不知道XD榴槤雪香 ($32)入面有榴槤肉, 汁都係用榴槤打成, 入面有D透明爆爆豆雖然深井X記好味好多, 但甜在心都可以接受!我覺得透明爆爆豆真係好有口感 雖然個汁榴槤味淡左D, 不過可以用榴槤肉補救返榴槤綿綿冰 ($34?)呢個真係好一般, 榴槤味吃不到, 芒果醬也沒有特別, 反而吃到雪味 綿綿冰是一片片的, 冰當中有少許一條條黑色的痕, 不過沒有深究是什麼失望…查看更多

沒有訂位, 等左25分鐘左右, 不過幾分鐘就已經送餐, 勁快!!!我地叫左3個海南雞飯 應該係2份係雞腿, 1份係雞翼位置有3個醬, 豉油/泰式辣醬/薑蓉汁(?), 冬瓜湯, 薏米水, 雞油飯, 同主餐冬瓜湯好清, 有舊冬瓜係入面, 好味!!!雞油飯, 其實口感同白飯一樣, 但有雞油味, 一點也不油 薏米水......沒有味 不過沒有影響XD主餐海南雞, 超滑, 油已經變成啫哩, 凍食一流! 而且接近沒有骨, 全部都是滑滑的肉 午餐98蚊 再加一 不過環境就比較嘈同埋結帳比較耐…查看更多

食甜品諗起甜牙牙, 開左咁耐都未試下就試下啦!點左個士多啤梨花花杯竟然係士多啤梨刨冰.......士多啤梨一係無味, 一係酸!刨冰唔洗講, 冰又大粒又無味我地真係坐到等佢溶先走, 無錯, 唔係食完先走, 係溶左先走:(:(可以用難食形容!!!!! …查看更多

潮流興食韓國野, 我又食下韓國甜品先!韓冰有好多位, 不過都已經爆場, 連韓國人都黎食!我未係韓國食過, 唔知係唔係一樣味道!!!去到睇下餐牌, 員工都好有禮貌同笑容話拎埋餐牌去位度睇! 唔洗企係度, 服務態度好好 點左芝士脆波 (唔記得咩名XD)好好味, 不過就似熱辣辣既牛油豬仔包上面加一層芝士年糕!對我黎講, 比較新式食法, 年糕黏黏地配上脆既包, 很好味亦好肥XD限定既綠茶飲品綠茶冰真係好冰!!!! 不過唔甜唔苦, 味道適中, 好味!飲到一半以為冰會無味, 再攪一攪, 混合埋D CREAM, 又可以飲!飲到最後都係有綠茶味!雖然價錢略貴, 但我都會再去食 …查看更多

見到很多人排隊, 就跟住一齊排隊XD以海港城黎講, 呢間價錢係適中亦唔抱太大期望去食!生牛肉+牛展河, 其實食唔到有牛味個湯同配料已經蓋過左牛味, 所以非常一般!不過就各有4塊左右, 比足份量!!呢個好像係沙律系?上菜時我地都以為比錯 HAHA不過椰菜一粒一粒, 未見過, 好特別配埋「立」腸, 好食!!!軟殼蟹卷, 唔係新鮮炸, 好硬同個皮黏到實一實......:(…查看更多

行過元朗搵下午茶, 見到呢個鋪位原先係日本餐廳, 變左冰室就試下啦打開餐牌, 都幾多選擇點左豬扒包餐同炸雞肶!個豬扒包餐少薯條 (忍唔住食左2條), 同埋薯條炸得唔脆而豬扒包就無咩肥肉, 適量沙津醬, 都唔錯! (但配料比較少)炸雞肶是比較少見的餐 (通常大家樂果D都係豉油為主)個皮炸得好脆, 不過就無咩肉, 亦都不算油膩, 幾好味!沙津就唔係好得, 淋同唔新鮮!!茶沒有拍照, 但我飲熱朱古力加煉奶好好味!!!下午茶約30蚊, 有香港既特色!都係唔錯既選擇!  …查看更多