今日收工7點幾路過清風街，見到有間轉角位半開放式既日式餐廳就入去試試，同男朋友每人叫左個滑蛋豬扒飯。我地坐吧枱，望住個帶口罩既小鮮肉師傅煮野食，咁細個就出野食快靚正，抵讚！價錢方面係呢區算中等，食物質素都唔錯，吉列豬扒有咬口，外脆內軟，配滑蛋汁好好送飯，亦有建議食法，將pan冼落個飯到，但係我地手笨腳笨唔成功總括而言體驗都唔錯，會有下一次再幫襯，但比較詫異，可能我地坐緊收銀位，比較近出餐位聽到員工交談，有一個帶眼鏡樓面(比較熟手及指揮同事工作）一直鬧另外位樓面女仔(新手及不熟識流程），大約內容係女仔希望抹乾淨飲水杯再擺上自取架，但眼鏡樓面一直鬧及勸退女仔不要多管閒事，並強調「做更多野都唔會加人工，唔需要抹」令做到一半既女仔進退兩難最後都係接受左指令。埋單時樓面只有眼鏡樓面一個，但佢背向餐廳企係門口撳電話，叫左幾次先幫我地埋單，餐後我同男朋友都不解及不滿意樓面男士既行為。…查看更多
以上食評乃用戶個人意見 , 並不代表OpenRice之觀點。
讚好
推介美食
黃金黑豚豬扒PAN丼
用餐日期
2025-11-15
等候時間
5 分鐘 (堂食)
人均消費
$100
