chachuichui的個人專頁

同一班朋友聚會最好就係打邊爐，今次揀左雞煲一去到呢間餐廳首先係比佢高樓景吸引左先haha,環景都幾舒服！我地叫左個小辣雞煲，濃味得泥d雞都好嫩，好好食佢既豉油配料都好多款選擇，個人幾鐘意右下個款麻辣配料。肉類我地叫左一款牛小排，五花肉同埋熟食既wasabi牛柳粒。個五花肉襯個雞煲湯底好好食，半肥瘦岩岩好佢呢度個招牌係手打丸類，叫左一樣咩都有d,果然好彈牙無令我失望 鐘意食內臟既人可以叫佢個牛柏葉同埋鵝腸，好爽脆同埋一d腥味都無，正呀！最出色既一定要試佢個新鮮炸起既芝士響鈴，咬落去仲熱同埋脆卜卜，仲唔會太油！一個人食兩件都得飲品都唔錯的因為夠大杯，西柚梳打好清新，唔會飲野飲到滯左呢間餐廳員工服務態度都好好，份量適中，價錢合理，一班人食最岩…查看更多

今日去開新蒲崗想食米線，就search到呢間小店，d特色米線好似好正咁一入到去已經有好香既酸荀味，就知唔會差得去邊，叫左換牛肉米線，湯底唔係好辣個隻，但有隻麻香味，我覺得好好食！下次去會再試埋佢其他野食…查看更多

今日同男朋友紀念日想食餐好既，就揀左大家都好耐無食過既放題，上一前食已經係幾年前，印象中係多人，同隔離枱好近，成枱都係野，同埋會成日漏單。點知今次食呢間真係改變左我既諗法。首先去到唔係好似以前咁逼滿哂人，空間感好足夠，最正係依家可以電話落單，既環保，落單快左又準左！除左電話落單，出面都有d熱食，沙律吧同埋多款野飲。刺身絕對係encore之選，魚生好新鮮，貝類鮮甜，甜蝦以為好細隻但原來唔係好欣賞佢d壽司同埋手卷整細左，等客人唔會咁快食飽同埋可以試多幾款，絕對好細心，海膽好好食呀炸物我就試左個一口芝士同埋炸貓山王，味道都好正路！雞翼控有福啦因爲雞翼都有好幾款燒法揀，我試左呢款係鹽燒，除左雞翼仲有牛舌都好高質最後當然唔小得甜品，我鐘意食雪糕食左個movenpick同埋出面都有好多「有回憶」既雪條食今次係呢度食放題令我鐘意返食放題，無論餐廳舒適度，食物質素同價錢都好值得再食多次…查看更多

今日放工去左筲箕灣，想試下鄰東大街以外既野食，就搵到呢間打冷，見佢menu好似幾多不同選擇就去左試！打冷唔小得一定會叫滷水鵝，我比較鐘意食有骨多過淨肉，鵝肉同佢個辣椒油好夾仲有點左佢其中一個招牌菜，牛油煮大蜆，呢個煮法好新鮮，一上枱有好香既牛油味！仲有多蒜多蔥多洋蔥，用泥送飯一流！大蜆都好新鮮又無沙。最後點左個通菜，炒得都好夠火候，味道剛剛好唔會太咸，好岩我口味。總括泥講呢間餐廳唔係淨係得打冷菜，仲有好多家常便飯既菜式比你揀，食物水平都頗高。另帶一提既係員工都老闆娘都好好人…查看更多

今日放工約左朋友係尖沙咀食飯，大家都唔係好肚餓同埋想搵個地方傾計。Search到呢間係美麗華商場入面, 食物由沙律、多士去到意粉都有，野飲都多好選擇！我地叫左個沙律同埋豬面肉薯仔多士。呢個沙律好開胃，酸度調較得岩岩好。雞肉好嫩仲有d香草，份量都幾多所以唔會唔夠飽！呢份個炒蛋好滑，煙豬面肉小小煙熏味仲脆脆地，同個滑蛋多士好夾。另外我覺得出色既係佢地既飲品，我叫左杯espresso, 係巴西豆好甘香、朋友叫左杯熱朱古力，飲得出唔係用粉沖，拉花仲拉得好靚，實在係好有誠意！最後仲試埋佢個craft beer,味道fruity易入口最後試埋佢個甜品，咖啡味都幾濃都唔會太漏，配搭好新鮮餐廳環境都好舒適…查看更多

之前朋友推介呢間打邊爐，因為今日係假期既關係，8點打後已經full booking,所以就早d去食個早晚飯。呢間邊爐係走精緻路線，所以除左邊爐之外，都有好多由日本空運過來既刺身同埋唔同既紅酒白酒，甚至清酒比人配搭！我地一開始就叫左個刺身拼盤做頭盤，個拼盤入面有鱆紅魚、帶子、泰式生蝦同汁煮鮑魚，帶子同鱆紅魚相當新鮮，味道鮮甜，而鮑魚既口感都好爽脆，生蝦都好細心地配有泰式生蝦醬，整體質素相當不錯！之後到主菜打邊爐，我地叫左個姬松茸冬瓜湯拼麻辣湯底，冬瓜湯鮮甜，麻辣唔會太辣，適合唔太食得辣既朋友。D調味料都好不錯，有芝麻同埋薑揀，其他地方好小有。我地叫左幾樣野 - 呢個手切安格斯牛肉味夠濃，脂肪比例岩岩好四寶丸有蝦丸、墨魚丸、豬肉丸同牛丸。蝦丸同墨魚丸都好彈牙，牛肉入面仲有d咸蛋黃，味道都幾夾，好有驚喜！響鈴仲係熱既，岩岩炸起所以好好食！蝦滑釀冬菇好足料!菜既份量好都多,而且仲有好幾款既蔬菜比你揀，唔洗淨係食一款咁悶。總括泥講食材好新鮮，自製丸類都好有心機，整體質素好不錯，下次會叫多d朋友一齊泥試埋d酒…查看更多

One of our friends recommended this restaurant for its good food, nice atmosphere, friendly staff and of course their signature cocktails! It was a girls night out and the portion were just right for sharing. All of us loved the food and drinks we ordered. We sat right below the speaker tho and the music was a bit loud for us to chat, other than that it was overall an amazing experience! I would recommend to couple and friends night out. …查看更多

終於等到係市區開左，唔洗係機場先食到啦！呢日經過旺角，醒起大力水手炸雞開左啦！人流唔係好多，叫左個一人餐，水準一樣唔會令人失望 隻雞岩岩炸完熱辣辣，雞皮爽脆又keep得住d肉汁，一d都唔乾！薯條都好好食，都係新鮮炸完出泥…查看更多

難得去九龍灣，撞正落大雨，原先想食無乜幾多間既美心皇宮，竟然又遇著裝修，同朋友飢寒交逼之下，發現德褔原來有間simply life，仲要午飯時間唔使排隊，我同朋友見到，9秒9狗衝入去食得simply life都唔係為左睇佢餐單有冇轉到，而係味道間間都一致而穩定，我叫左水波蛋，菠菜，muffin，蛋係流心，醬汁咸淡適中，包夠鬆軟，仲要有d藜麥係面頭，夠健康，食過都知，大大碟，有前菜加凍飲都係一百中，哩d西餐邊度搵？…查看更多

經過呢頭搵輕便野食，呢間分店係上樓，所以無咁多人。價錢親民就唔洗講，因為人流小所以服務都好d, 比較多一家大細食。今次我地叫左幾個小食share,個人覺得雞翼係必點其他野食都不錯，要share，要平，唔要人多就呢間分店就岩！…查看更多

呢期母親節限定既母親節蛋糕，心型好靚，士多啤梨又大粒又甜，蛋糕反而唔會太甜。其實呢頭有好多蛋糕店，但呢間係我地同事生日既經濟實惠之選！個個OL同事食完都讚因爲又靚又好食…查看更多

成班人食飯，除左打邊爐，其次係放題，叫多左可以share，又可以唔使就大家口味，各有各叫講到日式放題，一開始梗係食剌身做熱身，大喜屋咁旺場，剌身消耗快，所以新鮮就一定架啦，三文魚夠油香，蝦夠甜，螺夠爽，我地叫左幾輪先開始叫熱食，串燒水準亦都無投訴，蝦，雞翼，羊架，上枱全部熱辣辣，解凍功夫做得足，所以無雪味，最後食到飽飽梗係食埋個雪糕先走人啦…查看更多

已經泥呢間食過好幾次，有好多餸揀，想做小食又得，加麵當正餐又得今次唔係好餓所以揀左四餸：鮮牛丸，白菜仔，白蘿蔔，萵筍-BB辣。其實之前食覺得麻辣小辣會好食d, 但自己就一要配野飲…查看更多

朋友生日，搵左間靚景既地方慶祝，哩間食高級川菜，所以口味同江湖菜有好大分別，無論係擺盤，調味或者用料第一道水豆豉伴蘆筍，蘆筍爽嫩，味道清淡，伴以磨得幼滑既豆豉醬，互相平衡，第二道香芒山葵蝦球，蝦球火喉掌握不錯，肉質夠厚，口感爽脆，碼係蝦球既山葵汁同芒果醬出奇地配合第三道水煮牛肉，紅油香而不辣，花椒麻而不痺，對於唔嗜辣既人相當適合，牛肉油脂味重，整體味道跟一般水煮牛肉，截然不同最後川蜀烤雞，原隻堂切，觀賞度十足，皮脆肉嫩，足夠掌勺的功力…查看更多

同男朋友去黃埔行完街街，唔知食乜好，我同佢突然都想食辣，上次係十二味食完覺得唔錯，決定再食黃埔哩一間雖然最出名係烤魚，其實小菜亦都有番一定水準，注意番佢d碟頭都唔細，所以點菜既時候要留意番，唔好浪費喔，我地今次淨係叫左毛血旺，兩個人食都已經好夠，入面好足料，經典既配料，餐肉，柏葉，肥腸，豬紅，豬皮，魷魚，一應俱全，花椒夠麻，紅油夠香，用泥撈飯更加好食，可惜佢而家d啤酒轉曬細支裝，飲起上泥，唔夠暢快…查看更多