wernotslim的個人專頁

好耐冇食過鐵板燒，鐵板燒煮嘅嘢好似都特別好食 😋 第一次食板神，食物質素好高，師傅對每樣嘢食都好講究，而且好細心😍每一樣都會講解，應該點咩醬，點樣食法👻由第一道去到最尾嗰道，都好好食～帶子、赤貝、鱈魚都好好食 😋 最驚喜係龍蝦，煎完拆晒肉擺上碟，師傅會特別用龍蝦糕煮返個龍蝦汁，再淋上龍蝦，第一啖好食到傻😱麵豉湯用龍蝦頭去煲，略嫌麵豉味比較重，飲唔到龍蝦味🤣師傅最後仲煎左有丹麥藍罐曲奇味嘅麵包，真係好似㗎！性價比高，又坐得舒服😻…查看更多

一開始完全係為咗醬油蟹去食🦀 好多膏，好有味，係一啖都唔想淨幾好食🤩以前喺另一間連鎖韓燒食過超級鹹，真心似飲豉油，食完仲有少少肚疤，令到我本身仲驚驚地😦今次食完下次一定會再去！本家嘅姨姨會serve晒你所有嘢，嗌完嘢食之後，啲前菜多到不得了，每樣都好好味！嗰日serve我哋係一個韓國姨姨，佢好努力同我哋講廣東話，好得意😍 不過可能生意好忙所以所有肉都好快俾佢燒哂🤣燒完就擺喺一邊，食得唔夠快啲肉就會凍咗🙂食蟹嘅時候，佢將啲飯撈埋蟹膏擺落蟹蓋，食完呢個已經有啲濟，不過真係好好食～如果兩三個人去食，嗌一份醬油蟹，就可以唔使點嗌主食，另加一兩份肉就得🤍…查看更多

首先覺得稍微overrated..糯米窩夫外面唔夠脆，牛奶雪條唔夠牛奶，冇其他人講到咁特別同一試難忘😂冇嗰種我下次要再叫嘅想法🤨但係雞蛋布甸係好食嘅，加埋咖啡都幾特別，布甸中和咗咖啡嘅澀，咖啡又令布甸冇咁甜，裝飾同擺盤都好靚😝同埋唔知係咪因為嗰日客人多（聽講佢日日都好多人），咖啡拉花可以更好，好似有少少唔夠清晰～Overall, 環境舒服，店員態度都好好，嗰日冷氣好大，都會肯幫你閂細冷氣，但keep住有人排隊，所以比較難食完仲可以chill下傾偈飲咖啡🙈*佢哋只收現金*…查看更多

蟹膏粉皮set一定要preorder!!! 十幾舊白膏撈埋有蟹膏嘅粉皮真係超好食🤤食咗好多唔同大閘蟹嘅菜式，蟹粉小籠包、鍋巴、蟹粉鍋飯，都好值得一食🥰蟹粉拌麵覺得反而無好驚喜🤣麵底加咗麻油同醋，蟹粉另上，視覺效果好好，蟹粉都好食，只係撈埋個面硬係爭咁啲嘢🤣不過夠果腹～除咗大閘蟹菜式，仲叫咗其他嘢，砂鍋雲吞雞超好食，但係因為分咗先上，所以影唔到相～不過雲吞皮薄好足料，雞嘅精華出晒嚟，個湯好濃郁🤩蜜汁火舫都超級特別，蜜汁包住金華火腿，裏面夾住塊脆脆，口感好脆味道就有咸咸甜甜😝最後仲每人嗌左杯薑茶，夠辣，夠晒暖！留園雅敍長期好多人，所以一定要準時到，雖然到咗都未必即刻入得，但係遲到就可能會冇咗張枱🤣🤣…查看更多

-第一件事最令人讚嘆就係成個佈置，超級靚同有心思～🤩成個餐廳都係花花，仲要有紅玫瑰粉紅玫瑰🌹，連天花板都係花花，周圍都係打卡位，坐喺邊都影到靚相❣️食物方面都係非常之驚喜，平時對cafe嘅食物都好有保留，今次食咗兩樣：紫醉金迷（海鮮risotto）🦄同二重奏忌廉煙肉芝士貓耳朵（carbonara）🐱，賣相好精緻，味道啱啱好，稍微覺得大蝦唔夠新鮮，但係總括食物係會令人食唔停口🙈 飲品都好靚，碟豆花綠茶比較清新，如果怕膩就可以叫呢個～榛子朱古力好好飲，夠濃郁，但係如果兩杯嘢飲可以少冰就更好🤣Overall CP值超高，仲可以帶寵物真係加哂分！-…查看更多