vista0225的個人專頁

好耐冇試過咁有驚喜嘅韓式麵店～今次喺元朗發現呢間「自家製韓國刀削麵」，真係每一口都暖入心！我哋叫咗人氣嘅雞髀刀削麵同花蛤刀削麵，仲加咗一份手工蒸餃。先講個花蛤湯，真係太正！湯底飲得出用足料熬成，唔會有腥味，反而好清甜鮮香，蜆肉肥美，飲晒都唔夠喉～而且佢哋嘅刀削麵有咬口，掛湯力一流！雞髀嗰碗都唔輸蝕，足料到整隻雞脾直頭落晒碗，湯頭濃厚，雞肉嫩滑，最啱最近轉天氣想滋補一下。蒸餃亦都好值得一試，餡料飽滿，皮薄唔黐牙，幾款口味都有層次。配埋餐廳免費提供嘅韓式泡菜，更加有feel～…查看更多

元朗嘅朋友又有新丼飯店可以Bookmark啦～今次去咗米樂丼，主打各式燒肉丼飯，定價親民，份量又夠飽。我哋叫咗溫泉蛋大滿足丼+牛五花香蔥豚肉丼，可以一次過食到兩款主菜，超抵食～牛五花炙香濃郁，肉質唔鞋；豚肉則有微微甜味，配上滑嘟嘟溫泉蛋，撈飯一流。溏心蛋一拌開就流晒出嚟，黏住啲醬汁，成碗飯都食到最後一啖都唔會膩 🤤另外加咗吉列蝦做配菜，外脆內嫩，好香口，唔會炸到太乾。餐廳環境乾淨企理，坐得舒服。個人覺得唔一定要追求打卡靚景，實而不華、專注出品都好值得推薦！…查看更多

今次嚟到銅鑼灣瀛豐食午餐，意外地有驚喜！💥 放題套餐只係$200左右，性價比真心唔錯～ 除咗放題仲有唔試午市定食都好抵我哋叫咗午市定食＋放題升級版，加咗$148就可以任食奄仔蟹🦀！蟹膏好足，味道鮮甜～鍾意食蟹嘅朋友必加！除咗奄仔蟹，仲有原隻鮑魚、海螺、北寄貝、松葉蟹腳、魚生、魚子醬等一大堆海鮮，啲花都擺得好靚，好打卡📸呢度嘅熱食都係冇得輸，尤其嗰個美極大蝦 同埋黃金炸薯條 ，呢樣兩樣嘢真係可以無限encore😍定食方面有唔同主菜可以揀，配湯同小食，唔想只食放題都可以試吓佢哋嘅定食，份量唔欺場👍🏻 午市時間唔多人，坐得舒服，啱晒想hea住嘆個靚lunch嘅你～…查看更多

主打日式家庭風定食，平日下午人流唔多，環境舒服靜靜哋，非常適合想慢慢嘆一餐嘅朋友。今次我哋兩個人揀咗三樣唔同嘅野食：🍱燒三文魚腩定食：三文魚腩燒得剛剛好，魚油脂豐富，皮脆肉嫩，調味偏甜口但唔會膩，配埋椰菜絲同白飯，完全唔單調。🍛咖喱吉列豬扒定食：咖喱汁味道濃郁偏甜，豬扒炸得夠脆唔過火，肉質唔鞋，飯上仲有撒上香鬆，好加分！🍡燒甜薯串：外皮燒得微焦，甜薯內裡綿密香甜，有啲似日本街邊小食feel，鍾意食蕃薯一定會鍾意。每份定食都附送小食＋湯，整體份量啱啱好，食完唔會太飽但滿足。唯一小小建議係可以加返一杯飲品就完美～…查看更多

成日都話雞煲要夠鑊氣先正，今次真係俾我喺屯門搵到一間抵食又夠風味嘅雞煲店 — 住家飯 Home Food！即炒雞煲香噴噴，一坐低就聞到濃濃嘅麻辣香，好吸引🤤雞件夠滑、入晒味，重點係啲蔥蒜超香，帶少少微辣，超開胃！啤酒無限任飲（🍺飲得開心啲），仲可以再加配料打邊爐，變成火鍋模式，勁有 Feel～除咗雞煲，其他配料都新鮮，仲有爽口金菇、煙韌烏冬、滑滑豆腐，每樣都吸得湯底精華，忍唔住一碗接一碗！環境係大排檔風格，但係整潔乾淨，坐得舒服，員工都好親切，見我影相拍片仲主動介紹招牌菜，整體體驗好滿意😍…查看更多

🥢最近同朋友去咗山見台式火鍋（葵芳新都會廣場），食咗佢哋Lv4特選澳洲和牛海鮮放題，120分鐘食到飽真係食到好滿足！🍲一坐低就見到枱面超整齊，海鮮拼盤即刻上枱，有鮑魚、青口、蝦同扇貝，全部都夠新鮮，落湯即食啖啖肉！和牛方面真係唔得了，油花分布靚，輕輕一燙就入口即化，鍾意食牛嘅朋友一定要試！🫕湯底我揀咗麻辣同藥膳，辣得嚟好香，配和牛一流。配菜款式都多，魚腐、丸類、蔬菜樣樣齊。職員上菜超快，服務態度一流，仲有自助區任你拎飲品、醬料，仲有小甜品收尾，飽到上心口！…查看更多

今次去咗安平燒肉食吓佢哋嘅全新日本A4和牛套餐，餐廳位於荃灣大鴻輝中心，裝修寬敞舒服，啱晒打卡同聚餐。套餐內容真係幾豐富，最有驚喜係檸檬牛舌，唔止上枱有沙漏，仲有店員幫手切片教你點樣燒，服務好貼心。A4和牛拼盤就包括咗肩胛位同三角牛，油花靚，肉質細緻，輕輕燒香已經好夠味。仲試咗鰻魚、巨蝦、生蠔同帆立貝等海鮮，全部都新鮮彈牙，特別鍾意黑蒜油燒巨蝦，香氣十足。迎客清雞湯都有驚喜，用蠟燭保溫上枱，味道清甜夠晒暖胃。整體嚟講食材質素高，上菜快，員工有禮又主動。今次真係食得滿意，下次會再帶朋友一齊嚟慢慢燒返餐！…查看更多

今次嚟到位於濕地公園附近嘅【小茶角】，環境舒服寬敞，仲係Pet-friendly & Baby-friendly，好啱一家大細或毛孩家庭一齊Chill住食Brunch！牛魔王套餐：用牛角包夾住炒蛋同芝士，邪惡又香口，薯角炸得脆卜卜，仲有清新沙律中和一下，配搭好平衡～蒜香白酒藍青口：青口新鮮唔腥，白酒蒜香超惹味，鍾意食海鮮嘅一定要試！燒烤豬肋骨：肉質鬆化，醬汁甜中帶煙燻味，好啱配炸薯角！焦糖香蕉窩夫：外脆內鬆，加埋香滑雪糕，甜品控必點！飲品方面我揀咗 開心果朱古力， 真係超級正超級好飲呢個嘢，完美收尾！整體用餐體驗好滿意，食物質素有驚喜，環境又打卡able，會想再嚟～…查看更多

最近同朋友去咗尖沙咀一間素菜館「慈素小聚」，地點方便又舒服，裝修唔係傳統果種，幾有feel！北京片皮鴨 $128呢個真係要讚，外表好似真鴨咁，啲皮脆卜卜，加埋青瓜、椒絲、醬汁再包埋薄餅一齊食，個感覺勁似真係食緊片皮鴨，好玩又好味！香芒天婦羅炸豆腐 $88炸得超香脆，入面滑滑地，加埋芒果醬一齊食，酸酸甜甜又清新，幾有驚喜！香煎腐皮卷 $58呢個我同朋友都超like！煎到金黃金黃，餡料酸酸甜甜，冇油膩感，好爽口，好啱夏天食！桂圓南棗 $48甜品時間～紅棗、桂圓、杞子啱啱好甜，飲落舒服又暖胃！花生鹹蛋湯圓 $28湯圓煙煙韌韌，鹹蛋加花生餡好香濃，配埋薑糖水，好滿足！總結：整體感覺好唔錯，特別係片皮鴨真係有驚喜～鍾意試新嘢嘅朋友可以一試！…查看更多

最近去咗牛頭角呢間【Burger Shot】試吓佢哋嘅漢堡套餐，Lunch Set 包薯條+飲品，性價比唔錯！我點咗：雙層手打牛肉芝士漢堡：牛味香濃，漢堡扒夠厚，芝士溶得啱啱好，夾埋生菜番茄好juicy！炸蝦漢堡：外脆內嫩，蝦餅大件夠實淨，醬汁同生菜夾得好好味，唔會膩。加配炸物拼盤：炸豬扒 + 炸魷魚圈，炸粉唔厚，食落唔油膩，配埋佢個他他醬仲惹味。薯條係粗身款，好有口感，炸得乾身唔油，啱晒鐘意食脆口嘢嘅人！環境係戶外開放式座位，天氣好嗰陣坐住慢慢食真係幾寫意～…查看更多

今次去 CARVER 嘆扒房，整個體驗都超滿意！餐廳環境高級有氣氛，啱晒慶祝特別日子，而且如果係 OpenRice 預訂，仲會 送一份DIY生日餅乾，可以自己畫設計，打卡一流！🥗 前菜方面，我哋試咗 Superfood Salad 同 Classic Caprese Salad，健康又清新！Superfood Salad 裡面有牛油果、藜麥、蘆筍等超級食物，口感豐富又開胃；Caprese Salad 用咗黃番茄配水牛芝士，再加埋香草醬，簡單但味道層次超足。🥩 主菜當然係牛扒！ 我哋點咗 USDA Prime Striploin 280g，外脆內嫩，肉香濃郁，熟成得啱啱好。而 45-Days Bone-in Rib Eye 更加係重點推介，油花分布完美，每一口都係濃濃牛香，完全唔需要額外醬汁都已經好夠味！🍽 配菜 選咗 Hand Cut Chips、Mac and Cheese、Black Truffle Mashed Potato，薯片香脆唔油膩，Mac and Cheese 奶香濃郁，黑松露薯蓉味道超突出，配牛扒真係一流！🍰 甜品環節 超驚喜！試咗 芒果奶凍 同 拿破崙，芒果奶凍有清新果香，口感細滑，拿破崙外脆內軟，甜而不膩。💡 重點推介！ OpenRice 預訂會送 DIY 生日餅乾，有齊糖霜筆同裝飾，可以自己設計專屬餅乾，打卡加分！超適合生日、紀念日或者情侶約會嚟慶祝～整體嚟講，CARVER 絕對係高級扒房之選，牛扒水準超高，環境夠靚，甜品有驚喜，仲有生日小禮物，CP值極高，推薦大家去試！🔥🔥🔥…查看更多

今日嚟到旺角依間點心到食點心同小菜😋👍🏻餐牌好多選擇超多點心揀，仲有好多唔同小菜！魚香茄子:配以蒜泥、蔥花等調料,增添了鮮香麻辣的魚香風味口感軟嫩入味,清新爽口,是一道非常開胃的下飯菜粉絲蒸蟶子:新鮮肥美的蟶子,配以細滑柔軟的粉絲一起蒸煮粉絲吸收了蟶子的鮮甜汁液,口感嫩滑彈牙流心黑沙包:外皮金黃酥脆,切開後流出濃郁的黑芝麻餡料餡料香滑綿密,恰到好處的甜度,令人回味無窮 總的來說,這三道菜色香味俱全,無論是茄子、蟶子還是黑沙包,都展現了中式烹飪的精髓…查看更多

試咗幾款招牌熱賣之選，CP值相當唔錯！【蕃茄牛脷焗飯】用上厚切牛脷，炆得夠腍，咬落去完全唔鞋口，加上蕃茄酸甜開胃，鋪滿芝士焗到微焦，香噴噴超邪惡！【龍蝦海鮮湯飯】呢個湯底一入口就知有心機，濃郁creamy得嚟又帶少少辛辣，入面仲有足料龍蝦肉、鮮蝦、魷魚圈，好有驚喜！【西多士】厚厚一件，煎得金黃酥脆，內層鬆軟冇油膩感，配埋牛油同糖漿真係超邪惡，甜品控必點！【餐湯＋沙律】羅宋湯用料十足，酸酸甜甜好開胃，沙律新鮮爽脆，配上千島醬好開胃。整體嚟講，$200兩個人食得飽飽哋，環境乾淨企理，店員親切有禮～無論lunch定下午茶都係個唔錯選擇！…查看更多

今日想食打邊爐同朋友嚟咗依間海上鮮海鮮和牛涮涮鍋，叫咗B set日本 A3 黑毛和牛同日本米豚肉放題仲有海鮮盛盤！😋賣相非常吸引，好適合打卡！日本 A3 黑毛和牛肉質:A3 黑毛和牛的肉質非常柔軟，入口即化。油花分佈均勻，讓每一口都充滿濃郁的肉香。肉的自然風味濃郁，搭配火鍋湯底，能夠提升整體的味道，讓人回味無窮。日本米豚肉肉質: 米豚肉質地柔軟，脂肪分佈均勻，入口滑嫩，帶有自然的甜味。豚肉的鮮美與湯底相互融合，讓整體味道更加豐富。海鮮盛盤包含各種新鮮的海鮮，有蝦、蟹、貝類和生蠔，搭配濃郁的湯底，讓人一口接一口。新鮮的海鮮肉質鮮嫩，口感滑順，帶有海洋的鮮甜味。湯底選擇多樣:有日式海草美顏鍋、泰式湯鍋、芝士湯蕃茄鍋咖喱湯鍋同麻辣仙鍋，這些湯底能夠突出豚肉的鮮味。可以根據個人口味選擇不同的調味料，如醬油、芝麻醬或醋，增添風味。配料如娃娃菜、香菇和豆腐等，這些配料不僅增加了火鍋的層次感，還能平衡豚肉的油膩感。…查看更多

食咗佢哋幾款主打：醬燒牛肉飯卷：韓式style嘅紫菜飯卷，餡料勁足，牛肉醃得好入味，咬落去仲有啲微甜，好開胃～煙三文魚沙律：好清新，三文魚片大片又冇腥味，配埋酸酸地嘅洋蔥同沙律醬，夏天食真係啱晒！燒慢煮雞腿紫蘇拌飯：雞腿嫩滑，紫蘇味唔會太搶，平衡得好好～開唔開心試咗先知嘅開心果窩夫：名副其實，窩夫外脆內軟，加埋抹茶醬、開心果碎同雪糕，甜而不膩，食完真係開心咗！柚子梳打 / 青柑柚子梳打：清新解膩，飲完成個人涼晒～食物擺盤靚，份量唔少，坐得舒服又好影相，係個值得一去再去嘅Cafe！…查看更多