CherieCheng905的個人專頁

Blue Monday 收工需要一點衝擊！同好友嚟到尖沙咀一間日本菜已經唔係第一次來了 大家都好肚餓，所以叫咗唔少野食！首先係燒物 鮑魚同兩款唔同嘅甲羅燒店員會行埋嚟幫客人燒好食物👍🏻👍🏻甲羅燒 用嚟撈飯真係勁邪惡勁好食！成個口都有一浸蟹膏嘅香味 一款原味一款芝士😍😍😍之後就有壽司同刺身拼盤 第一次食左口魚嘅刺身!感覺好特別好鮮味！三文魚腩亦都超肥美，超滿足！😍😍 之後叫咗個海鮮炒飯 同埋溫泉蛋天婦羅隻蛋炸完都仲係流心，唔知點做到 好正😍最後係食唔晒碟炒飯要打包嘅🤣🤣當然都唔少得要啤啤佢啦 柚子啤酒甜甜地好特別！朋友就飲檸檬highball 都話好味兩個人埋單，食咗千零蚊但感覺物有所值! 食材高級 而且樣樣都整得好味 會再嚟！🤤🤤…查看更多

之前試過灣仔既野玩山店buffet 念念不忘, 知道尖沙咀有野玩田店, 唔使過海添, 即刻叫埋朋友來食個early dinner~餐廳既佈置係行森林綠色路線, 有好多大棵植物, 環境感覺好舒服!我地首先叫左個牛油果塔salad! 份量非常之多, 上面仲放左食用花, 擺盤好靚, 打卡一流! 入面既牛油果同蟹肉, 蕃茄仔, 都好夾, 好開胃! 另外隨餐上既黑糖面包都好好味呢!小食拼盤一上台就嘩左一聲! 好大碟同埋色彩繽紛, 好吸引, 有幾樣小食包括有:-咸蛋黃 牛篣條 (呢個勁好食, 外面係沾左咸蛋黃既粉, 入面係清爽既牛篣條, 無諗過可以咁夾!) -燒秋葵 – 松露醬釀雞翼 (呢個好好味, 松露醬勁多, 好香) 仲有炸蝦同埋有個海膽既東東, 都係好香口好脆! 成個拼盤都好出色有驚喜!之後再叫左個帶子意大利飯, 有成4大粒大大隻帶子, 飯既份量都好足~ 有happy hour我叫左杯mojito 朋友就叫左杯有香茅同蘋果味既飲品, 兩杯都唔錯!總括而言成餐飯都好滿足~ 環境靚~ 食材新鮮好味~ 有下次!…查看更多

興起想食台灣嘢，又來到元朗既羅東肉焿番!同友人兩個叫左一個肉焿湯, 一個蛋餅share~ 肉焿湯我會形容為 足料版既碗仔翅! 有好大粒既豬+魚肉打成既肉丸~ 湯入面本身已經有加左醋同麻油調味, 好夠味~ 湯係比較杰身果種, 如果一個人食應該會好飽架!肉鬆芝士蛋餅超好食! 必叫! 外皮係脆卜卜, 入面既芝融哂, 超正! 推介! 食完呢2樣已經飽左7成, 我地仲一人叫左一杯台式飲品, 分別係綠茶紅豆, 同仙草奶茶, 大大杯好滿足呀! 我既仙草奶茶叫左少甜覺得岩岩好~ 朋友話佢杯都好多紅豆好味~埋單人均唔使$100, 元朗區台灣菜來講覺得幾抵食! 下次會想再encore試埋佢個肉燥飯!…查看更多

呢間土耳其小店開咗唔係好耐但係網上口碑似乎唔錯 早幾日前book咗枱 店面都算細所以都建議大家要book枱小店雖小 但係裝修同埋餐具方面都好有特色叫咗個紅石榴無花果沙律 紅石榴超甜超級好食呢 而且有新鮮嘅無花果 份量都好多 作為前菜非常開胃跟住就叫咗個串燒配皮塔餅 個餅上枱嘅時候仲係好熱的 叫咗雞肉同豬肉串燒 佢有個乳酪醬跟埋 夾落個餅度食好味道跟住叫埋呢個豬手非常有驚喜 個外皮超級脆 比起出面一d德國餐廳都整得好食 👍🏻👍🏻食咗咁多嘢埋單兩個人都係四百零蚊 抵…查看更多

呢間豆奶專門店剛開張嘅時候係有d替佢擔心 淨係獨沽一味賣豆漿驚做唔住 不過好快成為熱店 連市區居民都要專程入來元朗朝聖🤭 舖面黃到發光 大大隻好豆公仔嘜頭好得意 邊明玻璃櫃有唔同口味豆奶 好多口味都好創新 包保響其他地方無見過 之前試過特濃豆奶 今日試下青瓜豆奶 望落好似好細支 但飲落都飽 可能因為真係真材實料唔係溝水哈哈 青瓜味好出但又同豆味好夾 仲飲到有細細粒青瓜嘅渣添 豆奶大部分無糖同微糖揀 今次揀左微糖覺得甜度剛好 雖然都要30蚊支唔算平 不過豆味好真實 絕對有別於坊間好稀嘅豆漿架 用飲一杯珍奶價錢但健康左！…查看更多

想飲真正嘅咖啡 響元朗一定係揀Accro 搬左新店之後今日終於有機會來了 新店走minimalist 工業風 乍看真係未必估到裡面係咖啡店呢 平日下晝3:30左右 門口已經有10人左右等緊了 留低左名去附近商場行住街等吧 過左一個鐘最後想放棄之際員工就打來話有企位 照殺！員工由帶位 落單 送上飲品都態度好好 並唔係好似上面個post 所講態度要改善喎 由於行到來滿頭大汗 叫左杯ice drip 飲 透心涼呢 淡淡嘅微酸響口腔逗留 係齋啡控先明白嘅幸福嘅感覺啊 😍 新店好靚 同舊舖係完全唔同feel 簡單水泥牆設計令人感覺好放鬆 下次要響佢12點開舖來 避開人龍先得…查看更多

想食韓國野 search 到屋企附近有呢間有石頭飯食 原來依度lunch set 只需要比主菜嘅價錢 就可以有小食 飲品 同 雪糕嘅放題！超抵食 我地叫左蒲燒鰻魚飯同泡菜五花肉溫泉蛋飯 兩個都好味份量又足 泡菜五花肉超惹味大滿足 餐廳無因為午市放題而降低主食質素 小食放題方面連比較飽嘅咖喱飯呀雞翼呀薯條呀都有 岩哂大胃王！…查看更多

來到呢間冰室會發現每台都必定會叫蝦多士 有上網做資料蒐集都會知道呢道嘅蝦多士係坪洲嘅名物 😂😂 由於唔係太肚餓 同男朋友叫左一個飯+一個蝦多士share 今次係我第2次食 一樣好味 炸得鬆脆唔油 個餡係有薯蓉 沙律醬 同大大隻蝦 好似套餐係$37 覺得幾抵 滑蛋雞扒飯 滑蛋好出色 個汁係豉油汁+燒汁嘅混合體 送飯一流 雞扒都幾嫩滑 我地一人一啖本極速就ko 左 😂 餐飲加左$10轉奶茶紅豆冰 d紅豆超級多同大粒 叫左少甜茶味剛剛好 值得一試 …查看更多

今日本來想食另一間台式餐廳但無開 轉戰呢間馬拉菜 兩個人叫左3樣野食share 分別係細滲 老鼠粉 同 玻璃魷魚通菜 細滲即係細嘅雜錦肉骨茶 d料好豐富 有豬手豬肚雞腳五花肉etc 我覺得佢藥材味好濃 d肉都幾入味 2個人share份量係適合的 而且飲完仲可以免費續湯添架 幾抵 呢個係招牌砂窩老鼠粉 其實即係銀針粉嘅煲仔飯version 佢個底會有層焦 幾香口 不過略嫌佢成個粉都無咩餸 而且個味偏淡 食到一半會覺得悶 啖啖都係得淨銀針粉咁 😂呢個炒菜唔錯 不過太油 份量比想像中多 食到味會有一層油響碟底 全餐都係肉骨茶比較好食同抵食 未必會再幫襯 …查看更多

今日探石籬朋友 呢邊食野都係石籬商場為主 我地食晏時間尚早 唔算多人 lunchtime 餐牌好多選擇 有焗飯/意粉/拉面 etc 比較肚餓嘅我揀左呢個墨西哥辣肉醬意粉 肉醬夠惹味 辣度係適中嘅 意粉亦唔會煮得過淋 夠彈牙 如果可以多dd 芝士就好啦🙉 食完大滿足…查看更多

呢日響銅鑼灣有個空檔要搵個地方攝下時間 上網search 到呢間cafe 嘅相好吸引 係一間好有台灣/日本簡約feel 嘅cafe 響疫情之下絕對可以好好放空 幻想自己去左個小旅行 哈哈cafe位置係橫街嘅轉角位 好靜局 舒適由於食飽左 叫左long black 消下滯 意外地好高質素 咖啡有好濃郁嘅果香 淡淡嘅酸味感覺剛剛好 而且溫度控制都好好 索價$35 比同區一般cafe 平呢 睇下劇 好悠閑地渡過左一小時…查看更多

溜冰場隔離嘅景觀餐廳 次次來食都覺得環境好chill 平時多數會叫意粉 今日心血來潮好想食pizza 就叫左個lunchset 入面嘅菠菜煙肉意式pizza ~ 份量一點都唔少 長形咁切開左都有5-6件 但今日好肚餓 有信心可以ko 哈哈Pizza 應該係即燒的 上台超熱 一口咬落去 天呀 好chewy 嘅dough 係香港少有嘅高質素 每一啖都充滿左面粉嘅香味 根本dough 就係pizza嘅靈魂啊！之前都有食過佢其他pizza 印象最深刻係佢一d都唔會乾 入口好舒服跟餐可選的ABC 即是Apple + beetroot + carrot 真係好喜歡呢杯飲品 天然嘅味道 無人工甜味 飲完好refresh 😍😍…查看更多

呢間cafe網上出現率好高 終於有機會來試了 平日都好多人等 同朋友lunchtime來到都等左大約半個鐘先有位入座 (也主要因為限聚令安排吧！）不過響門口傾下計時間好快過 一早就鎖定要食呢個好似九宮格咁嘅日式便當 🍱 來到上台好精緻好靚賞心悅目 😍😍 唔好睇少d配菜個份量細細碟咁 其實食哂真係好豐富好飽 食物都食得出原味道 無味精/好重嘅調味 有蕃薯仔 南瓜薯餅同埋綠茶蕨餅好日式好滿足 腐皮烏冬都好大碗 如果烏冬可以煙韌少少就好了 呢個質感係偏淋的 加20蚊叫左杯抹茶latte 都幾香滑 見到佢有燕麥奶smoothie 好想試呀 但今日天氣涼浸浸都係飲熱野舒服d 下次有機會再試！…查看更多

平時通常來食lunch/dinner 今日係試左下午茶 menu上選擇好多 有light d 既沙律 又有飽肚既意粉/pizza 又有甜品 價錢$60幾至 $70幾不等 男朋友減肥食雞胸藜麥沙律 佢話味道唔錯 而且有蕃茄仔 雞蛋等 都飽肚 我就食呢個朱古力綿花糖pastry 仲有雪糕添 我覺得味道唔錯 綿花糖燒到個面脆卜卜 同融左既朱古力好夾 加6蚊有青檸梳打飲 大大杯 爽😋😋…查看更多

今日荃灣行山之前先食個豐富早餐 疫情下見到舖面每張台都隔左超過1.5米距離 員工探熱同安排入座都十分認真 抵讚！叫左五香肉丁通粉配炒蛋多士 塊多士又厚又超級鬆軟好正 蛋都炒得好香滑 通粉份量足 湯夠味 叫左凍華田飲都好濃 滿足的早餐！…查看更多