cheukki_yoshiki的個人專頁

女收銀員目無表情，落單全程惜字如金，亦無眼神接觸，收錢無笑容，找錢俾單你唔會講多謝，同機械人一樣，完全半粒字都無講過。星期日現場極多人，企喺店旁邊等叫號碼，留意到黑衣男店員幾有禮貌，細心為客人介紹自家製雲尼拿泡沫，擠得漂亮亦用火槍小心烘烤表面。然後聽到白衣男店員叫號，拎單走到佢面前，見有另一對情侶點同一杯飲品，白衣男店員原本想叫呢對情侶拎飲品先，見到我籌號竟然質問我：點解頭先叫妳個號碼唔應？！其實我可以讓俾情侶先，亦唔介意等你沖下一杯俾我，但咁惡劣既態度，絕對唔會再幫襯！而且店內開到音樂勁大聲，你要有氣氛就怪客人無聽力，咁大家真係考慮下要唔要黎體驗。講番杯飲品，全杯塞滿橙皮雜果，飲落似橙汁，碎冰裝在杯上面分層，係唔會令到飲品變淡，亦無冰凍到牙痛既感覺，但6至7啖已經飲完。然後上2層買另一間多人幫襯既飲品店，26蚊大大杯提子檸茶仲好飲，又夠凍又有果肉，而且有基本禮貌，起碼會講多謝，一樣要等叫號，但唔駛受氣！…查看更多

上1年好好多，飲品野食服務仲正常，菠蘿包又香又軟，中間塊雞排外脆內嫰又夠熱今年開始炒晒車，菠蘿包個面又濕又唔脆，雞排得半塊，下午茶個公仔麵根本未煮開，啲麵又硬，餐肉得1塊（明明餐單圖片有2塊）係杯凍檸茶保持到水準，有4片檸檬，但成杯都係冰，飲3啖就成杯無晒，最過份係個阿姐行過就收走我碗麵，莫講話問下我食完未，佢直情連望都無望過我🤬佢隻手套已經摸過碗邊，又將我碗麵叠左喺其他污糟碟度，無理由叫佢俾番碗麵我😡以後唔會再幫襯！最衰劣評無得俾負分，真心連1粒星都唔想俾！…查看更多

星期六2點半去試，叫左個荷香牛仔骨飯，等左15分鐘，左右兩枱客都上到滿桌食物（佢地同我同時入坐兼落單），我問紅眼鏡阿姐個飯仲要等幾耐，佢話我果個係即叫即整，應該就有，仲叫我下次唔清楚就問佢地啲職員邊樣唔駛等！😑佢講完呢句就即刻上個飯俾我，牛仔骨又韌又柴又死咸，淨係食到成口味精，飲晒成壺茶都無用，最重要係個飯又油又生米骨！😑另一枱落order，紅眼鏡阿姐用勁清楚聲線話「呢個係即叫即整，唔好催我呀下」！隔5分鐘仲鬧另一個女食客，又勁勞氣咁同個客講話自己「好聲好氣」😑😑當日天氣34度，個場冷氣完全唔覺有開，仲望到我張枱既防疫隔板上全部都係千年污漬😑😑😑總結：服務態度差，環境污糟，唔衛生，難食，熱…查看更多