Foodiehk520的個人專頁

與家人在銅鑼灣牛之鍋用晚餐，選了晚市套餐（每位$298）。餐廳採用一人一鍋設計，家人可自選湯底，試了椰子雞湯與三鮮豚肉湯，前者帶淡淡椰香，後者湯入面比較重海鮮味道，適合不同口味偏好。唔一定要一齊打邊爐。肉類選擇包括美國肥牛、澳洲羊肉等，質素中規中矩，輕涮後口感尚可。海鮮區備有青口及連殼鮑魚，新鮮度合格，鮑魚彈牙感較突出。另設串燒及刺身區，建議先取海鮮類食材。另外我哋都幾鍾意啲刺身叫咗好多三文魚食，刺身都算新鮮。呢度嘅串燒都幾得意，我哋都叫咗少少，一開始以為佢嗰個盒仔係可以燒嘢食嘅，點知佢話用嚟保溫。最特別係個玉子燒係有啲焦糖喺上面嘅，其他嘅蔬菜係有啲胡椒同埋椒鹽喺上面。甜品種類較豐富，楊枝甘露甜度適中，焦糖燉蛋滑順，芝麻糯米糍即場製作。由於佢係無限時任食火鍋放題，整體用餐時間充裕，適合與家人輕鬆聚餐，建議預留空間品嚐甜品。仲有呢度比較特色嘅係榴槤忘返燕窩甜品，仲有就係榴槤同埋綠茶嘅雪糕，仲要即叫即整賣相都唔錯！ …查看更多

朋友傾咗好耐，好想食吓地道嘅韓國嘅嘢，諗起尖沙咀好多韓國餐廳林立，於是佢就推介咗呢一間排長龍嘅餐廳。我哋都要等15分鐘以上先等到位入到去見到好多韓文就覺得去咗韓國啦！一入到嚟就會有泡菜可以食，仲要係新鮮醃製嘅味道。我哋三個女仔決定嗌啲唔同嘅嘢，三個人一齊分享！牛骨湯刀削麵 $78好特別嘅刀削麵，比一般拉麵多咗一啲心思。牛骨湯好好飲。雙拼餃子 $58期待咗好耐嘅餃子終於有得食啦！有泡菜餃子同埋豬肉餃子。餃子入邊有啲粉絲好得意。五花肉泡菜煎餅 $68煎餅都有大大塊五花肉喺底嗰度，泡菜煎餅還原咗韓國嘅味道。入到去好似去咗韓國小店咁樣充滿旅行感覺。…查看更多

中午時間同同事一齊嚟呢度食台灣嘢。見到餐牌上面好多性價比高嘅台式食品，選擇好多心花怒放。正當決定唔到食咩嘅時候同事就話不如試吓呢個藥膳雞。因為期間限定，過咗就冇㗎啦！我揀咗養生藥膳雞湯，搭配加上寬面。雞湯入邊第一啖食落去就已經有濃郁嘅藥膳雞味道，十分之補。有蟲草花、紅棗，雞肉都比較鮮嫩。偷偷地食咗同事個碗一啖，佢叫咗個上品黑芝麻雞湯，黑芝麻味真係好重，好好飲。我哋跟餐叫埋佢飲品，啲飲品都可以微調口味，正常發揮！之後再加咗$15有花枝丸，同事就叫咗甜品小食。…查看更多

午飯時間，聽講朋友嚟咗觀塘搵我，於是呢，佢幫我揀咗間日本餐廳食飯。呢度係鴻圖樓嘅3樓。入邊座位舒適，同埋整體呢都係光猛嘅。午飯時間去唔需要等好耐仲有下午茶，可以選擇。不過我去到嘅時候仲係12點幾，所以就嗌午市定食。價錢喺日本嘢嚟講都算係正常嘅，選擇都幾多。午市定食加$10有兩件壽司。加$6就有飲品。於是我叫咗個特級肥牛烏冬。三文魚壽司同埋無糖可樂，$72！食物質素都幾正常！肥牛嘅份量都算多！三文魚壽司都幾新鮮！性價比都幾高。…查看更多

聽朋友介紹呢間尖沙咀嘅芝士蛋糕，芝士味好突出，於是我就決定叫朋友帶我去買返個。由於已經食完晚飯時間，所以呢只可以外賣一件返屋企。時代感嘅餐廳門口見到傳說中嘅蘿蔔蛋糕。都幾多人聽店員推介呢隻Godiva 口味都唔錯。因為我鍾意食朱古力，所以就買咗呢隻啦。返到屋企同屋企人分享，佢嘅朱古力芝士蛋糕有三重口感。蛋糕面就有Godiva朱古力🍫濃郁嘅朱古力慕絲，再慢慢食落去就有第二層係芝士蛋糕嘅味道，食到底就係一個布朗尼蛋糕嘅感覺。屋企人就不停喺度食佢個朱古力🍫同埋忌廉，佢嘅忌廉柔軟，又香滑，令人一試難忘！…查看更多