chy_angela的個人專頁

第一次嘗試呢一間燒肉放題，有意外嘅驚喜，環境好獨立，雖然旁邊有其他人，但都不覺得很嘈，而且沒有燒烤那種味道充滿，相信係抽風系統不錯。我哋選擇了Level 2，所選嘅牛肉有好重牛肉味，牛肉種類很多，也有少量海鮮，如青口，蜆，帶子。帶子好大粒，好好味，其他食品，有最基本嘅生果，菜，墨魚仔，同埋中華沙律等等嘅前菜，食物種類都頗多。至於服務，初次感受到五星級嘅服務，經理Yuki親自為我們燒肉，還教我們怎樣燒才是最好味。最後我們食到好飽，好滿足。多謝Yuki 給我們一家有一個好好嘅晚餐體驗。…查看更多

我們一行12人，其中一個是傷殘人士，完全食唔到野，但佢哋依然要照收一個錢，總之高過90 cm就要收錢，佢哋個腦係咪唔識轉彎，一成不變，仲叫我地唔好帶佢出嚟，咁樣係咪歧視佢，一間只係識搵錢嘅食肆，不會顧及客人的感受，以後都唔會再幫襯呢間野。…查看更多

看見OpenRice評語不錯，又適逢我的生日，就和家人共3人一起試吓，怎知道⋯⋯中伏了！首先，點食物的紙就只有3張，帶子和扇貝都是雪藏的，還用鹽唵過，有些超鹹，羊肉沒有羊騷味，炸雞的粉太厚，d蠔有沙，什菜沙律d菜是鐵銹色，唯一食得下的就只有蝦。吃了一小時就話要last call了，仲有50分鐘吃，當然要叫定多d啦！所以我們叫了30隻帶子和15隻蝦，但卻來了只有10隻帶子和6隻蝦，跟侍應說的時候，她說張單是有限制的，只可以點6件，我們和她理論，因為那是last call 還有這麼多時間，不應有這樣的限制，她後來說：「好吧！那我給多你們兩三隻啦！」我生氣的說：「我們每人付了300蚊來食放題，並不是來乞食的。」她說：「我們的規矩是這樣的，對不起。」我說：「這是什麼規矩？放題卻限制人食野，收300蚊一個人頭，好像乞丐一樣。」最終她還是給了我們所叫的數量。真的不容易，要生氣才可以有得吃，來了食物，卻一肚子氣，真的沒有下一次了！…查看更多

o黎過呢間餐廳好幾次，越來越差，初頭行過門口，見到為何冇人排隊呢？心想唔係d野食差左掛......點知一叫之下，食完才知奶野....水蟹粥變左水煮蟹....膏蟹伊麵加底，點知膏蟹變水蟹....仲收人成2百幾蚊.....鼓汁蒸鱔，d鱔切到勁厚，又話半條，約二斤至二斤多，點知o黎左條三斤幾，結果埋單3百幾，簡直係老屈......屈咁多都仲唔夠，放包紙巾係枱面，就收人兩蚊雞....同佢理論...個女人勁串，勁冇禮貌，仲話︰如果係有問題，你地又唔一早講.....心想︰下.....乜一早講就會換過碟咩？咁即係有心駁大霧啦！........以後都唔會再去呢間野食，never....ever.....…查看更多