CuteK KK的個人專頁

朋友推介望月樓，說餐廳裝潢環境不錯，食物可口，只係價格比較進取，直迫酒店星級中菜，所以前來一試整體點心有水準及美味，但價錢真係貴，我見最平的點心價錢由$58加到$68，望月焗豬扒飯由$208加到$218，茶位依舊$20/位，但就增收了前菜$28，呢個前菜係雞肋，唔要也罷😂千祈不要對侍應的服務有期望，真係一般啦！最後用匯豐的Signature卡找數，網站上寫有全單9折優惠，埋單時已講話用Signature卡，但第一個負責埋單的侍應依然碌了張沒有打折的簽帳單給我，我仔細看和再問之下，她就走了，隨後換了另一位侍應來，說已取消了前一張簽帳單及出了更新有打9折的簽帳單給我簽署。…查看更多

之前看了不少關於這間餐廳的評價，大致上都好一般，主要賣點係食環境。今次訂座首先係好朋友生日，她本來就好鍾意食下午茶tea set，加上見到openrice做緊優惠推廣，再加上天氣好，所以真係畀這間餐廳的戶外景致所吸引而來。當日下午3點零幾分上到餐廳，我們係第一枱客人，還以為它真是這樣差嗎😂，入座後，四周圍望望，環境真係好靚，所以就算食物一般般，食環境也值回票價🤣講返食物，整體係喜出望外，對比一般三層架的afternoon tea set，它的選擇還多，味道和質素也ok，好朋友剛好不久前才食過“茶x”，她覺得Popinjays的鹹甜點做得比較出色，幸好今次沒有錯過…查看更多

衝着米芝蓮3星而來，整體感覺不錯，但跟另一家在中環的3星中菜就有差距，特別是差在服務和用餐體驗，所以不滿座是有原因的。好的不用評，因本應是預期之內，但就沒有任何驚喜，整體四平八穩，那就提一些需要改進的！$30/位茶錢不算貴，但茶葉質素需要改善，那壺龍井有苦澀味，唔好飲，要另外叫一壺滾水沖淡！蒸點心一般，食唔出係星級出品。阿一炒飯很失望，味淡又唔香，屋企的炒飯比它還香口。服務一般，很少幫客人斟茶，感覺上人手不足。安排的二人枱太大，紙巾同牙籤放置到老遠，要起身行兩步才拿到，感覺奇怪。…查看更多

上一次食過出名的片皮鴨晚餐，環境同食物令人回味，今次試吓午市點心同套餐。叫了一個套餐B，及幾款點心同叉燒。整體水準中上。雖然茶錢要$35/位，但飲得出係靚茶，就算好似普通嘅香片，都非常正…查看更多

星期五晏晝買了一盒六件粒馬卡龍，星期六朝早食兩件粒，其中一粒朱古力味已經放了正常室溫十多分鐘才食，仍然非常乾及硬，係我食過咁多次最差！明顯唔新鮮，放了好多日！舖頭唔應該賣啲咁差質數的食品出去，亦做壞招牌。我唔會再幫襯。…查看更多