tai wong的个人专页

Asia Miles 兌換左呢次 High Tea coupon, 感覺好差浪費晒d里數。一去到負責安排坐位嘅員工已經黑面，問我地訂位資料時又表現不耐煩，其實當時得3枱客唔明咩咁煩躁要黑面囉!Tea Set Menu一睇賣相已經唔吸引，甜點又太甜，一路食一路要飲水沖淡，咸點又普通完全唔覺好食，點解酒店水準會係咁？唔通因為用 coupon 兌換就係咁？如果唔係 47樓景觀ok, 咁嘅服務同食物質數，真係無咩優點吸引到人去。…查看更多

難得同老公一齊平日放假於是lunch去金鐘鋸扒。😊其實呢間 steak house 我一早已經想試，本來打算生日或紀念日先試，咁不如撞日就今日啦！😋成間 Steak house 環境好舒適而且好有高級美式格調，服務也非常細心周到。由於 lunch 食唔到太多，所以只係 order 左龍蝦湯，燒牛柳大菇沙律，肉眼扒同老公 share 食龍蝦湯略咸，配新鮮出爐麵包得到平衡燒牛柳大菇沙律，普普通通，落 order 時 waiter 哥哥仲主動提醒我地呢個 salad size 好似 main dish 咁大份，避免我地眼濶肚窄。肉眼扒 medium 剛剛好，waiter 哥哥好細心知道我同老公 share 食，突别叫廚房整到隻碟再熱d同搽上牛油，又叮囑我地千其唔好掂隻碟擔心會燙傷。食到7788 又會問食物滿唔滿意，由頭到尾都服務親切，笑容可掬。…查看更多

平時呢間小菜館係非常爆滿, walk in 好難有位，又咁啱見今日收早於是打電話問吓，真係有位即去啦!可能未夠6點半還早，我同老公係第二枱客，我地 order 左時日燉湯-淮山杞子螺頭燉雞腳，呢個湯飲得出有螺味，而且淮山成塊燉到淋晒夠火候，並唔似洒樓得干瑤柱金華火腿味飲完勁口渴。仲有涼瓜炒鱔片夠鑊氣仲有油鹽水煮花甲，無沙而且好新鮮，配埋薑絲同索晒味嘅粉絲真係好好味最後仲有名皇蒜蓉蟹飯雖然蟹仔細細但好好肉，肉質鮮甜一食就知並唔係養蟹，係海蟹。…查看更多

早排見到廣告宣傳尖沙咀新開左間拉麵係 sell 用好多🦐🦐🦐嚟熬湯，已經好想試，今日下午經過見無人排隊就即刻坐低試啦門口一行入去成間店舖都彌漫住香噴噴🦐味，我同老公被安排坐卡位。因為下午茶時間所以不太多人，坐位也很舒適。我和老公點了香港限定的 (辛辣味噌蝦湯拉麵和特濃蝦汁叉燒拌麵), 另外再加了餃子。老實講蝦湯拉麵係好食，不過比我預期嘅湯底略淡，糖心蛋也有少少煮過頭。而蝦汁拌麵就有d失望，因為蝦汁唔夠濃，叉燒粒又好似普通瘦肉咁。…查看更多

見到好多食評都話呢度高質，而且又咁啱有團購優惠，所以就去試吓，不過有其他附加費，其實最後每人都4佰幾唔算好抵好平'囉。環境嚟講我覺得有少少逼，(牛角)仲坐得舒服d。:(呢度一坐低會先上 (刺身拼盤，海鮮拼盤，燒肉拼盤)另外飲品係任飲，有紅/白酒，梅/柚子酒，啤酒&汽水，仲有甜品有 movenpick 雪糕。刺身盤有漁膽、帶子、甜蝦、三文魚、八爪魚、油金魚、吞那魚，其實都好豐富尚算新鮮。海鮮盤有喜之次其實好少見，仲有鮑魚、螺、蠔、蝦。除左蠔同蝦麻麻地之外，其他都係可以。燒肉盤有豬牛雞8款肉，食完都飽左一半。不過肉嚟講我又覺得只係普通料，未至於入口即溶有肉香油香嘅感覺。總結: 如果無優惠我就肯定唔會再幫襯，呢個價錢可以去食更好燒肉。…查看更多

其實呢間鋪係有單點食品，但係我太想食松葉蟹&宮崎和牛，所以order左$598 火鍋放題套餐，重點 (松葉蟹、宮崎和牛、沖繩豬)係任食。不過店内有規矩，食物要先食完才會上另一碟，不可浪費食物。套餐包括有前菜，少少刺身，入口即溶宮崎和牛，油香豐富沖繩豬肉質鮮甜飽滿嘅松葉蟹可以凍食或熱食，仲有非常新鮮蔬菜盤貪心嘅我仲另外加錢order左北海道生蠔 & 燒帶子，桃味啤酒，食到尾粥底都食唔哂。。總結: 每款食品都非常新鮮，只係火鍋湯底略為咸少少，我認為絕對可以再幫襯! …查看更多

其實尖沙咀大紅袍之前都去過幾次，佢地 <金屋藏嬌> 湯底係我返轉頭幫襯嘅主要原因。<金屋藏嬌> 湯底主要有冬瓜，半隻雞，花膠，蟲草花，津白，竹笙，紅棗等材料。上枱後侍應阿姐會幫忙剪開隻雞等你食得方便d，不得不提隻雞雖然係湯料，但係肉質嫩滑又無雪味，非一般火鍋店湯底d雞咁嚡口。當晚仲 order 左貴花蚌，中蝦，廣島蠔，脆鯇腩，本地手切肥牛同蔬菜，而且海鮮係絕對高質無得彈。不過，當晚美中不足帶子刺身漏左單，脆鯇腩過肥一啖成口油，手切肥牛又比之前失色。總結: 為左個湯底同海鮮，我仍然會再幫襯。…查看更多

見到廣告呢間新開蒸海鮮係一人一爐幾得意，而且標榜海鮮係非常新鮮，所以吸引左我book位試吓。店内坐位都舒適唔覺得好逼，我被安排坐窗邊高枱。全店只有3款套餐，飲品係另計。今次 order 左~八府巡按套餐 $328主要呢款套餐係3款set中最多海鮮。包括有半隻龍蝦，半隻蟹，鮑魚，貴妃蚌，帶子，蟶子，蝦，白蜆，少少蔬菜，少少肉，仲可以揀粥底或粉麵。(當晚我仲另外加錢叫左琵琶蝦)總結: 店内海鮮真係好新鮮，上枱時仲郁。份量也是充足，食到尾粥也食唔晒，服務也良好，不過整體又未去到驚喜，可以間中食吓。…查看更多

見到網評幾好，於是週年紀念日訂枱試吓。的確裝修環境係特別，整間店舖都充滿懷舊feel, 不過安排坐位管理有d亂，我經網上訂位卻即時找不到資料，我出示了電話確認最後都安排入坐了。當晚點了燉魚頭湯底，的確真材實料唔係味精湯，不過略咸。炸大腸小食，很乾淨也很香口。魚，中蝦，貝蚌也非常新鮮。唯獨是手切肥牛令人失望，太瘦。。。烚熟之後好似食茶餐廳d沙嗲牛咁，2佰幾蚊碟我認為唔應該係咁質數囉，其實咁嘅價錢我會試其他火鍋店。…查看更多

今年生日老公安排嘉麟樓食晚飯，平時只知呢度月餅出名，唔知晚飯係點。。。當晚點了廚師時令套餐前菜有兩款: 蟹粉小籠包&匈牙利鬈毛豬义燒义燒入口即溶 小籠包就正正常常第二道菜:南瓜蟹粉拆魚羹個賣相已經好靚，個羹勁多蟹粉勁鮮味，而且食得出唔係溝蛋黃第三道菜: 係另外自己追加大閘蟹令人難以忘記嘅蟹膏，入口甘香到充滿成個口腔，肉質雪白飽滿，絕對不是普通平價貨。第四道菜: 蟹粉水晶蝦球個賣相好有心思，滿滿嘅蟹粉浸住了少少蛋白，再加了爽口大蝦球在裡面，超級滿足!第五道菜: 蟹粉粉絲蟹鉗煲又係滿滿嘅蟹粉淋在粉絲上，大大隻蟹鉗又唔會比蟹粉蓋過本身嘅鮮甜味，非常配合。最後一道菜: 松露醬鹿兒島牛崧炒飯食到呢樣已經飽到一個點，可能之前太多蟹粉太好味，令到個炒飯無咩驚喜。甜品: 薑汁糕 & 薑汁湯丸兩樣甜品都唔太甜，非常好食。…查看更多

最近網上見到呢間 coffee shop 幾吸引，於是決定去試吓~雖然係星期日，不過唔算太多人，起碼唔需要排隊等入坐。我點了每日“限定供應”嘅招牌法式多士配黑咖啡，因為即叫即焗大約等了15mins 就上枱。賣相的確吸引而且香噴噴，切開感覺似食日本 pancake 唔係多士，蛋味好濃。。不過個人覺得味道太甜，試過一次就夠，唔會 encore!…查看更多

今晚第一次試呢間火鍋店，食第一個時段6點至8點半。我只兩個人被安排坐四人枱感覺舒適。我點了蕃茄湯底，真材實料。貝類很新鮮，無沙。蠔洗得很乾淨，不過蠔味唔夠濃。蝦上枱時還跳跳吓，真係好新鮮肉蟹都新鮮，而且好好肉最後蕃茄湯底整成泡飯，超好食!整體感覺十分良好，服務又有禮貌，價錢超值食物又夠新鮮，一定會再去!…查看更多