Ronald Fan的個人專頁

最近和朋友突然想吃威靈頓牛柳, 一個月前BOOK 枱,9點來到,但也等了15分鐘才進場,  頭盤烤帶子烤得幾香, 同埋彈牙, 但已經係我覺得是當天唯一比較滿意的, 但主要想談主菜, 威靈頓牛柳皮既唔香, 又唔夠鬆化, 最出奇係竟然無用巴拿馬火腿, 即係連GORDON RAMSEY 食譜都無跟, 有點奇怪,牛柳都算淋不過唔夠牛味, 感覺上不比自助餐的質素好多少,埋單人頭一千多少少不算太貴, 但打住GORDON RAMSEY 排頭可能令我期望太大,暫時唔會再食, 同價位應該可以搵到更好選擇吧~…查看更多

食完晚飯同女朋友食甜品, 一向知道呢度有幾間甜品舖, 但就未試過, 今次試下Joyful Dessert House,我女朋友點左芒果拿破倫, 我自己一向對拿破倫無乜興趣, 只食左一啖, 覺得好鬆脆, 加埋香甜既芒果, FIT晒,有少少改變左我對拿破倫既睇法=0=我自己就點左士多啤梨窩夫, 窩夫我諗係自家制的, 暖暖地又夠軟熟, 加埋草莓醬, 甜而不膩, 我會連埋雪糕一齊食, 一凍一熱感覺一流, 唯一美中不足, 士多啤梨好少無乜味.. 但整體都係一流..餐廳環境都唔錯, 職員有禮貌, 有機會會再番黎試埋其他招牌菜..…查看更多

今日旺角8點半收工, 去食個扒,個朋友點了一個西冷一個肉眼扒, 都係5成熟,不過出到黎我果個就真係5成, 佢果個就8成,幸好味道還算不錯, 肉質唔差又唔會韌,一人百二蚊埋單, 有湯有野飲都算係咁..…查看更多

昨天旺角一日遊, 先食個LUNCH, 12點半揀左生龍,不用等位,第一次食旺角呢間,點個咖哩牛坑腩飯, 沒有坑腩, 轉食牛腩, 咖哩味道不錯, 但牛腩份量略嫌少,埋單$70連飲品, 會間中覆焯, 但好似深水埗果間好食少少...…查看更多

兩星期前某一日早放工, 決定來這間經過多次都收左工既舖頭食晚飯,大約9點15分左右到, 不用等位,點了一個忌廉藍青口, 一客墨魚汁墨魚飯和一客香煎龍脷柳,先講忌廉藍青口, 應該係呢度招牌菜, 必試, 入味又不失青口鮮味, 一流,接著,香煎龍脷柳, 真係原條煎, 夠香口, 又唔會煎散, 都唔錯,第三樣墨魚汁墨魚飯, 呢樣我覺得不太特別, 下次會試第二樣.平民化裝修都幾精巧, 唯一缺點我覺得上菜太慢,因為我入黎果陣其實已經無乜人, 但上菜都等得幾耐, 繁忙時間就不得了.... …查看更多

約十年前左右, 經常去深水埗睇電腦野, 有次無意中黎左呢度食野,之後每去兩次深水埗,就會食一次劉森記,食過佢既竹星麵, 我就無再食過一般麵舖既雲吞麵,又抵食又好食,大過左少左去深水埗, 今次經過, 自己一個去唔洗等位,今次點左碗雲吞麵, 麵身依然爽口, 雲吞彈牙, 雖然已經唔係十幾蚊碗,但依然係經濟又好食之選…查看更多