Alpha0124的個人專頁

經外賣平台叫咗個115$套餐,寫到明係大蛇羹,細糯米飯,再加細蛇湯.拎完餐後返去再搵店員了解,個短頭髮女人話冇可能呢個價比大蛇羹,係舖頭買走都要117$.我話個平台寫到明,個女人仲要話我唔啱同埋平台冇改,唔關佢哋事.跟住我問佢75$套餐係細蛇羹細糯米飯,咁你哋糯米飯細轉大爭幾錢,佢答12$,我話即係我經平台比115$你只係轉個12$嘅糯米飯俾我?之後個女人話總之老細係咁樣講,收得平過堂食就直接唔買,唔關1$定2$事,宜家我取消你張單退返錢比你.最後我見佢即刻將呢個套餐下左架,好明顯係你地問題要個客負責啦,唔識用平台就唔好學人用.…查看更多

呢間分店新開我都幫襯唔小 貪佢近地鐵站環境都唔差 諗住去食過下午茶 等左一陣都冇同事招呼於是語氣正常咁同個女職員講:我乜都冇 可唔可以抹下張台 比杯水有個冇戴眼鏡嘅女同司好無禮貌咁講:我知你乜都冇 我同客落緊單落完單會比你我當堂著著地:你唔洗咁抽水嘅我都係講下姐然後同事粒聲唔出轉身離開 型到跟住即刻見到佢同另1個同事咬耳仔訴苦大佬 長沙灣分店我都成日幫襯個同事唔想做可以唔做 我知你地忙 好生意我去比錢食野冇諗過要受氣請都唔會再去…查看更多

附近返工,同事介紹話晏晝去食lunch都質素幾高所以就試下,一去到唔多客,正常落單,沙律/湯好快到左,點知越等越唔對路,12:10去到12:55都未有野食,好禮貌追左幾次個廚房佬淨係話你想點 一係幫你取消一係打包,係咪我打包返office就會有多一個鐘時間lunch time,其實可以早小小講聲要多d時間我就唔叫果樣啦,唔係個個都有3個鐘食飯,最後佢取消左1個餐,另1個仲要急急腳食完走人,最後成個晏晝冇食過野,無下次…查看更多

觀塘經常都有新餐廳開張，特別係疫情下好多只係做外賣嘅舖頭跑出。你又有無諗過竟然外賣都可以咁樣包裝？係樓下見到易拉架，上去外賣自取，出LIFT右邊就會見到淺藍食嘅餐廳MENU，非常易認。今日唔算太肚餓，所以叫左個沙律，雞翼，薯條試下佢～四川風味麻辣Shake Shake 薯條新疆風味孜然單骨雞翼拎到返OFFICE擺左陣先食都仲好好味，如果熱食應該再正D喵喵罐魚魚特式沙律有得食有得玩，未試過揭開個罐嘅外賣，以為自己餵緊貓。一個完全顛覆你想像嘅沙律，能夠將豆豉鯪魚油麥菜同沙律結合，就咁食都唔會過鹹，推介！桂花烏龍茶清新唔甜，以為好細支，比老闆娘聽到，原來細細支都有300ML，私心覺得有500ML更好。總結：係觀塘返工／住嘅朋友不妨一試，支持小店。…查看更多