Annoying Orange的個人專頁

自己衰，無認真睇comment就上咗去。全家同意，食過最難食嘅日本餐廳top 3, 根本係廉價放題質素（無論服務裝修食物質素以至上菜速度），讚成另一位評語所言，9成都唔好食（酒煮蜆、燒魚鮫正常，其他都算唔好。食），上菜又慢，落單鮫落錯。價錢平都無用，食到一半已等到飽，但同時又已經唔想再食（因明知再嚟都唔好食），唔會再幫襯。員工態度就算ok有禮的，出到聲都會正常跟進。最殷勤就係不斷問「上咗xx未」😒。…查看更多

想買蛋糕，去Sogo行咗轉，揀唔落手。偶然見到呢間價錢亦合理，入去睇睇。買咗我鐘意嘅earl grey味（問過職員話呢個味出名，唔奶，我最怕奶味）。返家一拎出嚟首先大家都覺得好靚各自影相，再切嚟食，好食wor! 茶味濃，個心係難得嘅、夠份量嘅海棉蛋糕，面層嘅cream唔漏，爽口的，我竟然食得乾乾淨淨（平時習慣走cream好耐）。面嘅細珠珠仲係好似麥提沙咁脆嘅！強烈推介！…查看更多

4個人，叫咗：海南雞飯，蕃茄蟹濛，春卷串燒撈濛，牛油雞翼，春卷，米紙卷。味道全部ok，海南雞飯個汁正，飯同湯都得。蟹濛蕃茄湯好味，係鮮蕃茄湯唔係茄膏。所有食物算好味，熱辣辣，係雞翼唔多夠入味。份量亦合理，正常食量會夠飽。服務都ok，斟水斟得幾勤，上菜時間合理。不過實在太少嘢可以叫，我地食晚市都無咩食物可以選擇，成個menu主菜得4樣揀。味道雖然唔錯，又唔至於正到嘩嘩聲，去一次ok，但好難吸引到客人幫襯第二次…查看更多

好多年無去。家人訂左，是但啦家庭飯局啫（雖然近年好多劣評）椒鹽鮮魷，ok正常炸豬手，乾柴，完全食唔到膠質菜式，風沙雞、菜、薑蔥蟹，ok啦無驚亦無險最後一道上湯龍蝦伊面，撞鬼囉！首先見到係....大量椰菜花，無錯，係隱藏在伊面中的椰菜花！然後聞到係紅青燈籠椒味！我無預期上湯龍蝦伊面有椰菜花、燈籠椒。咁咩味道我唸唔需要形容了，未試過一家四口食唔完一兜伊面送嘅蕃薯糖水就唔錯的應該唔會再去下次了。千六蚊埋單坐街市，應有更好選擇…查看更多

老公生日，食餐好，大家都鐘意菌類，就試左佢個時令松茸宴我地唔食牛，佢改左燒豬一入門就見到傳說中嘅現烤乳豬🤩唔續樣講，總之料靚，鑊氣夠，一上菜香氣撲鼻，睇得出食得出係靚材料。蝦係大大隻爽嘅，燉湯響螺食得出鮮味不是雪藏貨，雲腿趙成分鐘仲有味咁啦。所有送菜都係高級中菜嘅水平，真心推介睇menu以為食唔飽，但未上飯已飽到喊，個飯一上檯，嘩駛唔駛咁香啊，幾大又襯新鮮食兩啖至包走最後個花膠果凍，個人口味，我就好鐘意，清清甜甜，估唔到花膠做甜品有驚喜。我老公同個女就麻麻地鐘意要扣分的話，就係檯太密，有點嘈。以我地人均$700，覺得地方可以好坐少少。如果請客vip就欠左少少牌場。不過味道方面真係無敵！…查看更多

公司近車氏，有時都會book野食係唔錯，但服務真係差（我都唔係唯一一個講），學大家話齋食飯一個鐘。我地在附近返工，已特登行去俾定點心紙，出門口前再打電話叫預備定點心。去到都係等、等、等等唔緊要，最老土係續籠上，一檯12人，擺低一籠蝦餃，想點！個個都唔好意思食，又催又等，十分鐘後又上一碟三個包咁囉（真嘔血）已經伏過幾次，又已經盡力去解決（就係俾定點心紙、打埋電話叫蒸定）。既然店方唔肯解決問題，我地都唔再搵自己笨，附近又唔係得佢一間酒樓，無謂俾煩惱自己…查看更多

聽心齋個名好耐，每逢講親宴客級數素菜，就一定有人提議心齋襯年初一流流，就決定豪一次（新年套餐368加二）環境不如想像中華麗（見佢唔平...）但舒服企理，算得上宴客級數每道菜都好食，手工同用料都係用心。貴價材料如黑松露都落唔少推介松露石榴球，又靚又好食食辣嘅一定唔好錯過乾鍋百頁豆腐，川椒味非常惹味！豆腐乾索晒川椒味好正！甜品係桂花糕，無用魚膠粉依然做到彈下彈下，佢地話自有祕方連我最怕食齋菜嘅女都話下次可以再黎，心齋果然唔簡單…查看更多

網上訂位有75折就去試semi buffet主菜超唔掂，舊雞鞋過我煲完湯舊雞😭，其他亦不如期望Buffet有凍海鮮、沙律、少少熱食、甜品有鮮開生蠔，雖然扁塌塌賣相不佳，但我係睇住佢開相信新鮮，味道亦唔錯有長蟹腳，大量供應；有青口、小龍蝦、蝦；如果食海鮮的應該可以返本熱食少少，有雞、燒肉、魚柳甜品唔錯，有蛋糕、tiramisu、曲奇、芒果布丁、moouse cake、雪糕等等。不過食晒就無，我地6:30入座，只食左兩杯芒果布丁，再拎已無（問都無）服務一般，一般即未至於黑面但又無咩笑容咁。叫人要有d耐性咁啦總括一般一般，折左4人$1800，應該無下次…查看更多