麵包小子的個人專頁

我覺得食物的味道與口感重要性係相等,甚至有時覺得口感比味道更重要,明明味道不怎麼樣,卻因為口感的特出而多吃兩口。 此店除了酸種麵包好吃之外,吐司類也很吸引。當中很喜歡Oatmeal Whole Wheat Bread with Walnut,此包唔係硬身,甚至可以用soft同埋moist黎形容。係網頁睇呢個麵包既成份冇用油,亦都冇佢地既天然酵母,但可以做到有soft同moist既口感,的確有d疑問(莫非與合桃有關),可能呢d就係叫"技術",haha。而且合桃的份量真的不少,好像每一口也吃到合桃,令口感更加豐富,味道更加香口。 另外"紅酒系列"也很特別，Sourdough rye with red wine berries成份當中不見water,全用red wine都應該唔出奇，食落口有明顯既紅酒味。外皮較硬且脆,內裏卻比較soft, 撇除雜莓,麵包有絲絲的甜味;加上雜莓,味道很特別。Red wine longan and walnut 味道上比Sourdough rye with red wine berries更好,原來除左常見既"合桃提子配"之外,"合桃桂圓配"更是絕配。未試過唔知,試過有點讚為觀止。雖然有d誇張,但對我來說起碼是這樣。…查看更多

睇openrice先知此店也有麵包出品，於是決定要闖一闖,haha，買了3個麵包，食過之後覺得不枉此行German Rye Bread - 外表很硬，表面有d燶燶地，可能焗耐左或姐焗爐上火猛得濟。味道有d似Levain Bakery 既60%rye sourdough，不過酸味較強，一試之後此包在我心目中只僅次於90%rye sourdough，真係好好食!Walnut Bread - 與其叫合桃包，不如叫合桃提子全麥包。合桃、提子乾既份量頗多，咸甜味好配合，此包最特別之處係表面應該抺左一層鹽水，是咸的，好特別，食左咁耐包都好似未試過有咁既口感，味道比文華酒店既同款麵包好食，不錯不錯~~ Kibble Wheat Bread - 味道上與全麥包相若，混合粗麥比全麥包更有口感，不怕味道比較單調的話其實值得一試~…查看更多

身為麵包愛好者，絕對想嚐盡不同店舖的麵包~之前甚少踏入西貢，所以今次決定拜訪一下西貢o既Ali-Oli Bakery Cafe。店舖內有非常多麵包，簡直令人興奮!haha~所以決定掃貨Dark Rye Loaf--唔係外脆內軟，口感與ceres既麵包有d相似，味道亦有點相似，黑麥芽粉既味道比較突出，咸味不算重，整體不錯Sourdough--就咁睇好似一個普通o既法包，但沒有法包的口感。雖然係Sourdough，但好似食唔出有酸味，不過卻有一種莫名的味道，好香口，食到停不了口Whole Wheat Loaf--口感頗為鬆軟，味道有d似馬莎麵包o既全麥包。不過馬莎麵包o既全麥包外皮極脆，內部鬆軟，此店o既Whole Wheat Loaf相比下有d失色，不過其實味道已不錯~~Walnut Granary Bread--好似全麥+合桃既麵包，合核量很豐富，因為味道好似Whole Wheat Loaf，所以不多說~整體味道不錯~…查看更多

上次試左個60% rye sourdough之後有點念念不忘既感覺，於是決定再到這間麵包店逛一逛。本來想食多一次60% rye sourdough，不過被我發現原來有比60%更強的90% rye sourdough，心情有點興奮,,,haha，二話不說即刻買，另外亦嘗試一款綠茶無花果包。90% rye sourdough 非常重枰，我估計至少超過600g，我以為酸味會比60%更酸，但食落口先覺得冇乜分別。呢隻包不愧為90%，裸麥粉既比例真的很高。裸麥粉本身筋度不強，而且黏性較重，發酵程度亦不能與使用麵包粉的麵包做比較，所以呢個包很重枰、氣孔很少、亦冇乜彈性，表皮較硬，但內裏卻有點濕潤，甚至有點黏手，完全乎合用高比例裸麥粉造出黎既麵包。食過好多間麵包店既裸麥包，看來暫時此店的90% rye sourdough 是最強的裸麥包了~haha至於綠茶無花果包，有淡淡的綠茶味，無花果份量亦剛剛好，外表很硬，真的可以用黎做武器。我諗呢個包特別既地方係有綠茶成份既麵糰不規則地分佈係整個麵包...唔知你地知唔知我講緊咩呢,,,haha…查看更多

以為開分店，原來只不過係搬左黎中環。開係博洛尼亞隔離，似乎有心想同博洛尼亞較量下~HAHA以往只售賣麵包，而家變左好似餐廳咁，而我當然只係為麵包而黎，我要嘗一嘗此店的酸種裸麥。此包標明60%裸麥，我諗應該係有60%用裸麥粉吧~價錢都幾貴，好似$46，不過味道真的很不錯。此包酸味較重，好O岩我口味~而且食得出有麵粉的香味，很簡單、很清香，不需要太多調味，麵包就是麵包，最原始的果然係最好食。…查看更多

對於山崎D麵包其實冇乜好感，不過有一款麵包卻頗為喜歡，就是芝士法包。雖然係法包，卻沒有一般法包的外脆內軟，而是「韌」。呢種口感既法包我覺得頗為特別，而芝士的份量也不算少，是令我驚喜的地方。在包的面上加了少許芝士粉，令麵包本身再多一層芝士味，更加香~唯一的缺點就是芝士很咸，食左呢個包之後搞到要飲幾杯水,,,…查看更多

呢間TASTE比較多歐陸麵包，所以有時間都會到此一遊買麵包食。呢度最吸引我的還是黑麥包~之前已經食過幾次，真係好好食! 呢個黑麥包特別之處是有酸既味道，應該係用左酸種，微酸的氣味與黑麥的味道結合真係好香，整個包外皮勁硬，有一次食到牙骹都痛痛地,,,但入面卻出奇地柔軟而且濕潤，要做到呢種效果焗爐既控制係非常重要，VERY GOOD…查看更多

路經Elements，見到Three Sixty 入面咁多麵包，當然要入去睇下~呢度既麵包都係La Rose Noire Bakery ，但價錢比起尖沙咀既分店好似貴少少。當我見到一個好大既裸麥合桃提子包，又開始口痕想買黎試下，最後當然係忍唔住買黎食當我食第一啖既時候，我發覺好似冇乜味，唔似一般既歐陸麵包因為怕味道單調而利用多D鹽黎調味，呢個包就真係一D都唔咸，但麥味好香，口感不硬不軟，D合桃同提子既分量唔算多，但我覺得岩岩好，太多反而會唔好食。餘是者食食下食到停唔到口，一次過食晒，以$22呢個價錢黎講我覺得幾抵食~…查看更多

路經沙田，見到A1入面好多人買麵包，於是都入去湊下熱鬧。其實我對A1既麵包冇咩興趣，因為覺得味道其實冇乜特別，但當我突然見到德國裸麥包既時候，心情就突然為之一振，於是決定買個黎試下。$26一大個，真係幾大，拎起手都幾重，大約500g，而味道方面其實都不錯，都幾有裸麥味，但偏淡，可能鹽份較少。外皮較硬同埋脆，但裏面就幾軟，整個口感不俗，但如果要比較的話我會覺得ceres同埋九龍塘間taste既黑麥包會好食d。但整體來說都不錯，都值得我比一個笑臉~…查看更多

一直都想試試南瓜芝士鄉村包，所以今次決定捨棄我對黑麥既情意結來嘗嘗新口味。幾多錢我就唔記得左，我諗太約$25左右吧,,,講返呢個包，老實講有少少失望，味道其實一般，佢用原隻南瓜砌粒，係真材實料，可惜味道就比香草掩蓋過，食唔到有南瓜味。而且太多香草既關係，食落去味道有d苦，同埋我發覺係冇芝士係包入面。麵包本身都幾有口感，有法包既味道，不會太硬亦不軟，整體黎講其實都唔算差既~如果香草少D我諗味道會較好。本來打算俾個OK，但本人對ceres有些少偏愛，都係俾個笑臉la!haha…查看更多

要講到本人的最愛，非煒成的肉鬆包莫屬。其實我已經食過呢個包N咁多次，但從未有寫上食評，所以決定要分享一下。光是大埔墟呢個範圍已經有7-8間麵包店，似乎大埔人真係比較鐘意食包,,,HAHA~身為大埔人的我，當然亦都不例外，所以經常穿梭往來各間麵包店逐一嘗試。由於本人天生對肉鬆有一種情意結，所以經常都會留意各間麵包店的肉鬆包是如何。在芸芸的麵包店中，我發覺煒成o既肉鬆包係最好食。即使不與同區的麵包店比較，與粉嶺上水沙田甚至旺角尖沙咀的麵包店黎比較，本人都仍然覺得煒成o既肉鬆包係無可取代。其實單單一個包和一些肉鬆，係冇乜特別好食的，一定要配合合適的醬料一起吃才會更好吃。而此包好吃的地方就係在於佢o既醬，一d不知名o既醬。我研究左好耐，都仍然唔知佢果種係咩醬。有人話係似breadtalk的那種，其實唔似。又冇沙律醬咁酸，又唔似蛋黃醬咁重蛋味，味道係甜甜地、少少酸，又有dd咸，淡黃色的醬令我有一種難以形容o既感覺，但係夾埋肉鬆黎食就真係very very good至於包身就應該係d牛油甜包，牛油味較濃且較甜。其實整個包缺點就係較油，卡路里一定好高，奉勸各位怕肥人士不要吃了肉鬆方面並不是採用入口即溶的肉鬆，並不算鬆化，似凱施同breadtalk的那種肉鬆，但勝在份量充足，每一口都可以食到同等份量o既肉鬆。順帶一提，本人覺得凱施同breadtalk既肉鬆包基本上係好似一樣，無論味道外形都很似~還有上水有一間叫奧莎的麵包店，味道與外形也與上述兩間也很似。煒成附近的快甜美與紅車厘的肉鬆包也非常不錯，呢兩間既肉鬆包味道出奇地係一模一樣，用同一種肉鬆、同一種醬。本來未試過煒成之前最愛係快甜美的，但由於一次機玄巧合之下嘗試左煒成o既肉鬆包之後就從此不能自拔了,,,所以只好移情別戀~拋棄了快甜美可能由於通脹關係，由新年前的$4.5變左$5，真係好似d師奶阿叔果句:「連買個包都要貴5毫」。其實呢個問題都唔算係問題，最大問題係包裏面o既醬比以往少左好多,,,越來越少、越黎越孤寒，搞到我食都食得冇以前咁滋味痛快。雖然如此，但你暫時仍然是我心中的第一位p.s 食得太快，唔記得影個包中間既相比大家睇-0-…查看更多

可以唔使出到去港島區果邊都可以買到歐陸式麵包，此店絕對O岩晒我心水~所以耐唔耐都會黎呢度買我至愛既麵包~今次我就選擇左「黑麥提子包」，唔知點解對黑麥包情有獨鐘而此店很多麵包都係用黑麥做的~又再一次O岩我心水~HAHA「黑麥提子包」好似好簡單咁~但越簡單就越顯得好味，麵包真係好香黑麥味，味道有DD黑麥既苦澀味，咸咸地，再配上份量恰到好處既提子乾，真係好好食，太多提子乾反而會食唔到麵包本身既味道P.S.唔記得左幾多錢一個~好似$25~都大概有350g重~…查看更多

人係好現實，所以我都唔例外~知道此店的麵包5點後有7折，所以5點過後立即去買其實一到5點之後就特別多人， D包好快比人掃晒，於是我手快地買了個香草蒜蓉忌廉芝士包，一個「U」字型既包，都幾大個，約300g重，面頭有d燕麥，感覺上幾健康，而事實上都幾健康既~包身偏硬，而且比較淡味，你會感覺到係少油既關係~而包心平均地分佈左d忌廉芝士同香草蒜蓉，蒜蓉有少少苦苦地，但好香!而忌廉芝士既咸味不重，兩者一同食落去既味道出奇地夾其實我食過好多次，今次忍唔住要分享比大家~…查看更多

見到咁多笑臉，路經銅鑼灣特地到訪此店，呢間麵包店d麵包有d都幾特別，本來已有心水想買某種麵包，但店長突然向我推介佢櫃面上的大包，名為""，佢話入面用左日本南瓜黎做餡料，都好大個，整個$30，一半$16，雖然我未食過，但我見到整個包既形狀幾美觀就買左成個,,,haha~呢個包夠晒重，506g，至於味道方面，包身不咸亦不甜，沒有甚麼味道，但綠茶味好香，而入面d餡確實令我有d驚喜~最初我以為好似某間中式包點店南瓜包既一樣，冇南瓜味不止仲要甜到死，今次唔同，食落口就知，絕對係真正既南瓜蓉，仲要冇加糖份，天然南瓜既甜，各位試過就知ga la，係咪真正南瓜食過就知，所以如果想健康又想食甜包我覺得呢個綠茶南瓜包係一個不錯既選擇…查看更多

呢間taste比我既印象就係麵包用料好多，所以我間唔中都會專程黎呢度買包食,,,haha，上次食左個芝士包，今次黎個肉鬆包~$17一個，價錢今次我就略覺得貴少少，其實味道同出面d坊間麵包舖d肉鬆檳差唔多，但就係勝在肉鬆夠多，基本d上肉鬆遍佈晒整個包，每一啖都食到肉鬆，有時貴少少唔係問題，最值要食得開心~haha…查看更多