Tracy122的個人專頁

40蚊一碗，第一眼見到真係覺得有少少貴🤏🏻不過食完會知道叔叔呢碗燉蛋白係有啲料到🤣🤣食得出用咗啲靚奶去整，而且都做到流心效果。個流心絕對值得一讚👍🏻火候啱啱好，唔會太生，唔會太熟。環境上就不過不失啦，感覺到間間鋪好舊，但係食緊期間冇見到有蛇蟲鼠蟻，冷氣都開得好足，所以感覺都可以嘅。叔叔好nice又有禮貌，佢感覺到你想講嘢佢先會撩你傾偈，如果唔係基本上佢都係自言自語講兩句就算😂不過都係嗰句，40蚊真係貴嘅。如果你鍾意食啲奶類製品，又或者唔係住喺元朗區的話，我覺得不妨一試😙大推熱燉蛋白！會香過凍嘅👍🏻👍🏻…查看更多

其實好多年冇食過允升啲糯米糍，但係因為向海嗰間長洲平記難食咗，態度又差咗，所以就買個試一試，睇吓係咪仲keep到以前個水準。結果冇令我失望，芒果甜得嚟又多汁，皮又夠薄。15蚊嚟講我收貨。下次有機會會試吓佢啲中式糖水🤤🤤🤤至於服務態度方面，我個人覺得還算可以。我今日前後去過兩次，第一次去嗰時係晏晝，所以成間舖都好多人。我買一個糯米糍拎走都好似係豬肉榮度買豬肉咁，要爭住嗌要幾多粒糯米糍、要咩。姐姐嘅態度冇特別差，又冇特別好，正常囉。但係第二次去嘅時候係夜晚，舖頭明顯少咗好多人。嗰陣時姐姐就會多啲時間理到你，我俾完錢又會同我講拜拜，咁樣睇落其實服務態度方面都尚算可以。…查看更多

之前去長洲食過一次，味道覺得都唔錯，所以今日去長洲專登去返呢間度買。今次個芒果酸得嚟，加埋收錢阿叔嘅衛生習慣令我真係唔會幫襯第三次😂😂呢頭收完我錢，嗰頭攞毛巾抹一抹隻手就幫我拎糯米糍。講緊係舊糯米糍冇用任何嘢包住，佢就攞隻手撩舊糯米糍，然後拎張抹手紙冚住拎起俾我。成件事好得人驚😀😀😀你背後包糯米糍乾唔乾淨我唔知啦，但係你都唔使話俾我知你真係污糟㗎嘛😄然後喺收錢去到俾糯米糍我嘅短短30秒，全程西口西面。排我前面嗰個南亞裔媽媽買3舊糯米糍，阿叔好似好好人咁攞個發泡膠盒幫佢入住，但係轉個頭將啲糯米糍大大力咁「級」落去，我真係唔知店員叔叔發生咩事。我知你忙，都知你唔優做，但係入得嚟長洲嘅大家都係預咗食吓野、睇吓海、放鬆吓咁，嚟到仲要受你氣，除咗多謝平記阿叔，真係冇嘢可以講。…查看更多