wishfish的個人專頁

1. 叫左焙茶鮮奶，番到家打開袋睇先發覺應該係店員忙得濟比錯左抹茶鮮奶。抹茶鮮奶味道普通，無想像中濃厚，偏淡，但甜度適中無粉沉底，感覺同自己買即溶抹茶latte 沖差無幾，最後飲咗一半都唔想再飲，唔係唔好飲，但都唔係好飲。另外買左一杯淨凍抹茶，無左鮮奶襯託更加稀。2. 店舖人手極不足，lunch時間只有一位店員負責收銀及製作飲品，但同時有十幾人等候，所以等左差唔多半個鐘先買完。3.唯一一位戴眼鏡男店員態度難得地好，比着平時見到既店員忙到咁一定會好忟，但佢完全無手忙腳亂同埋依然保持好有禮貌，值得一讚。…查看更多

記得好耐之前食過覺得幾好食，所以今次滿心期待去食。但講真今次都幾失望，d燒肉講真味道非常普通，牛肉無咩肉味，甚至有d覺得又瘦又韌，有好多燒肉店都更好食。最接受唔到真係個人參雞係完全無人參同雞味，好似茶餐廳例湯咁….伏到爆反而覺得個泡菜已經最好食。大部分店員服務態度都算幾好，尤其肥肥地戴眼鏡果個女仔；限時個半鐘其實都燒得幾趕，臨十五分鐘前就會有人同你講last order催你走，但係張枱好細一叫得多野就放唔落，因為限時唔一次過叫晒上晒係唔會食得切。結論係下次唔會再黎食，有大把更好選擇。…查看更多

叫左奶茶已經有叫少甜，但都好甜，完全飲唔出有奶味同茶味，淨係覺得飲緊糖水，好失望。珍珠好硬，成杯野都好麻麻，完全唔值3x$…個封口設計好差，一篤d奶就會咇晒出黎。雖然話係黃店所以先特登支持下，點知係收Alipay& wechatpay , 其實要收消費券都可以淨係接受八達通同埋tap&go,咁樣真係黃店？…最後d態度好差，好有禮貌問一句薰花係咪有加花茶，但金毛長髪店員勁黑口黑面咁答野，轉個頭又同同事細聲講大聲笑，真心擔心會唔會問一句野就加料….可一不可再….貼錢買難受…查看更多

首先，排隊位置有d混亂叫左杯抹茶mix焙茶雪糕，53$老實講抹茶味不算濃，勉強叫有茶香，對我來講太甜Hagaz dazs 仲濃好多。。。但無咁日式lo上面粒丸子同紅豆蓉係出色過雪糕係日本時只食過茶寮都故里同宇治其他抹茶甜品係好食好多，所以唔明點解佢咁hit可能香港真係無乜做得好既抹茶甜品啦我就唔係好識欣賞了下次會食hagaz dazs算。。。…查看更多

雖然見呢間長期無乜人反而間鋪細細但好多侍應,唔想等位趕時間諗住食個快既都係試下好多餸無貨,叫左個最簡單冬菇蘿白雞翼尖幼麵,同埋沙爹辣汁,無野飲都要30幾d蘿白雖然熟左但好多渣,而且完全唔入味,冬菇都係好硬又唔入味,雞翼尖好乾,未試過雞翼尖都可以咁難食至於d沙爹辣汁撈勻晒都係好淡好無味...d店員行行企企,一係係度吹水,無乜客都無services絕對𣎴會再試,唔怪之其他甘爆時得佢一個客都無...中伏…查看更多