衰貓的個人專頁

一向鍾意食燒肉，見到呢間舖評價不錯，就試下間舖位置雖然唔係大街，但都唔算難搵門口部販售機幾有特色，好懷舊既感覺實際上都幾方便客人睇價錢，唔駛搵本野揭下揭下各款牛扒價格從$7x到$14x本身胃口唔大，又包左沙律吧，仲可以裝飯同羅宋湯，絕對夠食有4款牛，因為喜歡軟腍口感，所以揀左牛柳店內環境冇乜特別，不過都幾乾淨，唔會好勁油煙坐低一陣，好快就上左，但要自己再係石板上燒一下因為唔食生野，所以燒到全熟，仍然軟腍，非常不錯沙律吧就普普通通，冇乜期望，可幸食材都幾新鮮羅宋湯味道夠濃，不過太飽，唔係會想飲多幾碗食完出黎見到隔黎有間差不多既舖呢間神，個間秘，d店員又會兩間舖走睇黎都係有關聯隔黎唔止可以食牛，仲有鰻魚飯、鯖魚飯、生薑豚肉等有d興趣，下次要去試埋先得 …查看更多

一向好鍾意飲茶偶爾得知顯徑有酒樓，就去試下平日茶位$9小點$17 中點$23 大點$27 特點$33 頂點$37早茶特價點心$18~25之間價格唔貴屋邨茶樓，冇乜期望點心黎到時有d驚喜燒賣$24，足料，唔會d肉一pat pat，蝦都係新鮮既牛肉$20，對得起佢價錢，唔係溝好多粉冇質感個種奶皇包 中點$23，係傳統味道，不過不失，冇個種奇怪奶精味鮮竹卷 $23，唔係唔好食，但佢係湯浸一舊新腐竹野，冇炸過，同我想像中既差距甚大茶叫左普洱，唔差，有d味，都冇乜要求啦~今時今日飲茶，d茶唔苦澀就偷笑 雖然住粉嶺，有d遠不過呢間水準不錯，有機會會再去食…查看更多

對上一次到呢間點心店已差不多係一年前（定兩年??) 嘅事，不過果時一個人食得果一個飯，冇寫食評。一年後約咗阿爸衝出新界搵食，記得呢間嘢唔錯，但有唔少新登記 "食家" 落 "負評"。無錯...呢個又可以視為 "平反食評" XDDDD坐低時睇餐紙 & 餐牌，發現竟然有日文 version!!!! 正題...今次兩個人可以食多少少嘢：（摷爛哂先記得影相 =.=）上次就係食呢個好味，今次再次食返。雖然價錢當然係加咗，但感覺個份量係大咗，又好味咗 - 雖然個肉餅好厚好夠味，但成個飯個亮點仍係面上面隻太陽蛋 & 豉油！好少食炸嘢，但阿爸好香口嘢，就叫咗呢個佢地餐牌注明係 signature food 嘅三文魚長春卷。食咗一條，最大缺點係太熱 (?) 辣親我個嘴。每咬一口入面都仲有有 d d 味道嘅三文魚，加埋個芝麻醬變得好襯。上次响沙田點點心食咗個由賣相到味道到感覺唔好嘅釀茄子，今次本死冇大害地再叫。黎到見到上面舊魚肉仲漲卜卜，一睇就知啱啱整好拎出黎，即時唔敢食住。又熱又有 4 舊，賣相又好，即時心心眼。至於味道，個茄子冇咩油益味，不過重點仍然落咗响豉油到，所以變得成個點心都好好味。食開煎釀三寶嘅人就會明白我講咩。素粉果個造型好靚，唔同一般茶樓用唔透光嘅皮包。但食完好似食咗陣風咁，感覺好似冇嘢落咗肚。不過都好彩，因為唔飽肚，所以就算食到好飽（即係好似我依家咁），仍可以食得落。埋尾食埋個芒果布甸。黎時真係嚇一跳，見到點解係螢光黃?????? 問店員，只係話新鮮芒果造先咁咋，話出面果 d 溝粉比你先係橙橙黃黃。食咗啖，佢又啱喎，除咗蛋香味，就真係只有芒果鮮味。再一次證明食物樣衰但未必唔好食（但要撞手神）。服務問題：呢到唔少人都係食埋 "服務質素"，兩次黎食，服務態度都係差唔多。老實，呢到唔會話服務好好，因為你叫人，人地先至會黎理你（咁唔好咩？-v-），但又未至於某 d 食評話喝你呀，黑面或者撲克面呀，比說話你聽呢 d。至少我捉人黎問嘢時，亞姐教女咁好語重心長咁答我吖。…查看更多

點點心食左第3次價錢可以，唔係好貴，食物味道OK第1次食鮮竹卷，都幾夠味不過3舊鮮竹卷，有2舊好似俾人偷食過咁，中間係扁既，冇晒D餡惟味道不錯，所以冇計較，就食左第二次第2次都有食相中既釀茄子，覺得幾特別所以第3次(今日)又再叫黎食不過今次真係失望至極釀茄子3舊有1舊倒下，張單仲痴住舊茄子賣相差，但店員仍若無其事，照上枱馬拉糕係凍既，唔係唔夠熱，係凍既要求店員更換，店員起初只著廚房加熱我唔肯，堅持佢換，佢先好勉強咁話換，眼神完全流露不悅咩即叫即蒸，我諗只係即叫即翻蒸罷了舊野根本唔知放左幾耐，唔係唔會凍到咁店員仲辯稱岩岩蒸出黎，無言食左一小角就叫你地換過個新既好好玩咩？有必要呃佢？第2舊蒸返出黎，好熱，出晒煙但如此賣相，已經倒晒胃口我要反轉舊野先食得落食唔出任何味道，但求飽肚，盡快離開連城競爭咁大，如此質素，如此服務...希望下間開係個個位既會更好…查看更多

好少為同一家發2篇或以上食評不過見到下面既評價都幾差所以想為佢地平反一下土魷蒸肉餅現叫現蒸，熱辣辣份量細左D，對女仔黎講夠食，男既可能唔夠(上次菠羅咕嚕雞份量充足，今次有D落差，不過最後都食得飽)土魷切到好碎，唔會好硬咁一舊舊，好入味湯好飲，唔會只有味精味菜算新鮮，唔會爛晒咁都俾客人食白飯都係偏硬，可能煲定好多吧飲品叫左凍朱古力，都沖得幾濃，不錯 ^^依舊覺得環境幾好，乾淨企理(同埋去到又可以睇TV 睇美人龍湯 XD)依家晚飯一個$50其實算係好平常了，唔貴亦唔平你話佢好好食又稱唔上，不過質素絕對值$50喜歡中菜不妨去試試，佢有好多款揀呢~…查看更多

平時去開粉嶺名都個間德興食不過德興當日個晚餐唔岩胃口，就周圍逛，搵野食環境裝修一般，但乾淨冇乜人，坐得舒服，就入去食入到去時電視播緊台劇"美人龍湯"作為台劇fans，都係一種享受店內有幾台電視，播緊唔同野，可供選擇我鍾意食中式家常菜，餐牌好岩我，好快揀到野食揀左菠羅咕嚕雞球$50 + 凍飲$4 共$54同區黎講，算係合理價錢個餐有主菜、油菜、例湯、白飯本身有普洱茶，我加錢轉左凍奶茶份量充足，個湯淡左D菠羅咕嚕雞球味道不俗，酸酸地好開胃白飯有D硬，不過都好難太講究凍奶茶係台式奶茶個種味接受到，不過唔鍾意要+$4，下次應該唔會，轉叫其他仲好…查看更多

如果話要好好食，佢又唔係不過廿幾三十蚊既質素黎講，佢係水準之上我通常食常餐~ 雞扒/豬扒 + 蛋 + 米粉 + 飲品 $29雞扒冇雪味，比好多食肆做得好豬扒唔會油淋淋，又唔會梅，不錯蛋就始終只係蛋，冇乜好評價...米粉亦係正常水準，拎到返屋企都唔會發脹至一pat pat跟餐，冷熱飲同價，非常公道都唔太明點解好多食肆，凍飲成日都要+$2 咁多...非常欣賞佢地既凍奶茶我比較喜歡濃味，帶少少苦既茶呢間既茶，苦而甘，完全唔會澀有時行過都會忍唔住單叫凍奶茶行街 : )以前$10，最近加左價$12，都算係可以接受既範圍奶茶愛好者不妨一試…查看更多

住左係附近好耐，不過由於佢係乙明邨平台..所以好遲先發現有呢間茶餐廳先講講環境~裡面D位都好寬敞，坐得好舒服，而且唔會好污糟咁我通常都係下午茶時間去，所以冇乜人，唔駛等位晚餐時間人都不少，但未至於滿座，都可以坐到卡位再講服務~D人既服務態度都幾好，幾friendly不過記性麻麻，成日都要催好多次真係唔知好嬲定好笑~ 好彩夜晚食飯都唔會趕時間，所以我可以接受下午茶就未試過要催，可能個時精神D？XD食物質素不錯，價錢亦合理食鐵板餐，$5x-7x就有一份包餐湯(中式湯)、多士、野飲同鐵板份量好大，女仔未必食得晒~味道不錯，個多士我特別欣賞 : )野飲我試過凍奶茶同凍華田奶茶真係麻麻地，茶底唔靚，同我一樣對奶茶有所追求既唔建議叫奶茶後來退而求其次叫凍華田，華田不錯，開得好濃 ^^下午茶試過西多士同炸雞脾+沙律西多士整得不錯，唔算薄，亦唔算厚，一般吧~炸雞脾炸得恰到好處，平時唔鍾意食炸野既我都有D驚喜沙律都係咁上下...雜果加少少蔬菜，中規中矩p.s. 有寵物既朋友可以坐門口~ 周不時都見到有狗主坐係外面…查看更多

我前日先知道有一間分店係乙明試左第一次...今日已經係第二次了..呵呵~D雞翼好好味 ^^試左檸檬同甜酸~ 甜酸好惹味但個人喜愛檸檬多D，係一般快餐店冇既選擇~ 同埋好抵 $36/8件~仲試左蒜香牛肉長通粉，但冇乜蒜味，希望可以再重D海鮮闊條麵就正常，我覺得pizza hut 好食D，比較濃味(但可能係味精? 哈)睇左網上餐牌，其他食物價錢都好公道，有機會再試最想試既係下午茶，睇價錢覺得好抵另外抵讚既係送外賣速度，真係好快係某D自稱送外賣團隊幾龐大既快餐店冇得比既~今次第二次叫，接通之後好驚喜我講完電話no. 之後，店員竟然可以講出我上次留既地址雖然我都明白用電腦save 一下好簡單但我係估唔到cheese pizza 會做record，令客人好有親切感唯一要挑剔既係我叫左唔駛俾餐具，佢都照俾~ 想環保下都唔得…查看更多

一家人懶得煮，就落街食飯本身諗住食隔黎南記(粥店)，但南記裝修，就去左新旺記第一次食環境都係一般茶餐廳格局，有點迫由於個時咁岩有食環黎洗太平地所以露天位全部都收起晒，搞到所有人迫晒係店入面點左一個套餐，方魚肉碎粥同埋西芹雞柳套餐叫左煎蠔餅、煎倉魚、油麥菜蠔餅超大份量~ 都幾好味，可惜食唔晒油麥菜份量都多，都抵食條煎倉魚就真係..乾爭爭，炸過龍，冇晒肉既，冇野食方魚肉碎粥我自己麻麻地，因為有胡椒粉...><"西芹雞柳好食~…查看更多

爸爸食咖哩牛腩，我食咖哩雞牛腩同雞都冇乜特別，但咖哩真係好足料，好味~野飲我叫左珍多冰...杯野好奇怪，都幾難飲免得過都係唔好叫特別飲品，仲要加錢，唔抵叫返茶餐廳野好過咁足料既咖哩，我覺得價錢還可以~…查看更多

本來想book 其他cafe，不過想去既都俾人包晒場，就膽粗粗試下新cafe我本身有養狗，所以有狗都係一個吸引之處見到第一篇食評都寫得唔差，所以就揀左呢間去到門口時，推開度門見到入面好多人好多狗，以為俾人包左場之後打電話入去問係唔係俾人包左場未走原來唔係，之後佢就即開門招呼我地入去入到門口就好多狗狗埋黎我地度當日有一隻八哥生日，所以成場都係八哥~ 另外仲有雪橇同唐狗店犬就係三隻雪橇同一隻BB poodleD雪橇唔多理人，可能在場太多狗陪佢地玩啦隻poodle 就幾搞笑，好爛玩~ 最後俾我玩到訓死左玩左唔知幾耐就有野食，隨後又有野飲送上黎我叫左芝士焗肉醬長通粉同朱古力曲奇雪香味道真係唔錯，比一般cafe 好好多~ 飲品都ok，不過略嫌曲奇太碎，食唔出cafe 既人幾nice，亦可能因為岩岩開，所以成日問我地有冇咩可以改善咁環境其實都幾大，不過如果同場有成班其他狗主係度，我覺得都幾嘈佢地人數都幾多，唔知點解唔包場~佢地雖然冇包場，但係卻會係cafe 內到處走到處坐，同包場冇分別搞到我地兩個走入去，感覺有點奇怪....建議可以劃個範圍俾佢地...唔係大家都俾咁多錢，有點覺得被滋擾如果喜歡玩狗，呢間cafe 唔錯不過如果上述情況冇改善，真係唔適合一班人去自己玩同傾計因為真係好嘈好嘈，三唔識七既人都會係你身邊行黎行去，坐黎坐去仲有就係有D唔好既狗會周圍疴尿，雖然會即刻拖地，不過感覺都幾污糟…查看更多

第二次黎呢度食，上一次係一星期前上一次食焗飯，配料唔算好多，不過白汁好味搭救上次見朋友食石頭鍋飯好似幾正，今次自己都試下石頭鍋肥牛~熱辣辣，要擺一陣先食得 XD好彩門口有幾把大風扇，熱天食石頭鍋飯都唔會流晒汗肥牛都係咁上下，冇乜特別，個汁就係燒汁~我幾欣賞配菜，酸酸地，好開胃，仲有勁多芽菜..正 上次都係飲凍奶茶，略嫌甜左D今次叫少甜，不過又略嫌唔夠味 囧~應該係佢地既茶底唔夠靚，下次都係叫其他今次同上次一樣，都係幾滿足佢既環境好多茶餐廳都俾坐室外，不過就熱到死...呢度就坐得好舒服D食客同伙記都好nice~ 係咁撩我D狗狗玩 …查看更多

我係近沙田希爾頓中心個頭做野由於附近冇乜好食，所以就開始搵下附近有咩外賣雲疊花園同我地雖然有D遠，不過估唔到歡樂都肯送！有另一間開頭話要$200先送，後來直頭唔送...><"歡樂D野款式都幾多，唔難揀到心頭好我通常食下沙律、各式炒飯同事就鍾意食常餐(公仔麵+奄列+多士個D)有另一班同事就鍾意食炒麵、炒河大家對歡樂都係一致好評~價錢亦唔算好貴，都係一般茶餐廳價最抵讚係外賣快到冇得彈踩單車黎我地度應該都要10-15分鐘估唔到佢竟然25分鐘就到，嚇左我地一大跳吉野家、M記、KFC、各Pizza 店等餐廳簡直冇得比堂食我地就未試過，行經都樂意入去試下 ^^…查看更多

今天中午跟同事到1+1試試$68 Lunch Buffet食物選擇有：(1) 沙律Bar紅腰豆+三角豆／螺絲粉+吞拿魚／雜果沙律／羅馬生菜／車厘茄醬汁有千島醬（千島醬用完後補充了香草忌廉）還有一種類似甜酸醬的汁料，但注意力被千島醬吸引過去了，所以沒留意實質是什麼(2) 飯／意粉白飯（旁邊有咖哩）／臘味炒飯／蕃汁意粉(3) 熟食雞翼、排骨、關東煮...其他忘了(4) 甜品芝士蛋糕、jelly、芒果(?)西米糕等等(5) 數種餐包(6) 飲品甘筍南瓜湯、茶、水、咖啡、奶、檸檬、糖，自由配搭，不提供冰沙律Bar 一流~ 材料新鮮，更有大家都喜歡的千島醬 : )我很喜歡雜果沙律，吃完沙律已經50%飽 XD熟食方面，雞翼、炒飯、意粉都不錯，關東煮也深受同事喜愛餐包則不予置評，又硬又冷，眼見同事吃得很辛苦，所以沒打算試同事表示甘筍南瓜湯味道奇怪，略帶苦味，不試也罷甜品除了芝士蛋糕味道極淡之外，其他都令人滿意其實以$68的Lunch Buffet 來說，實在不敢有什麼要求但沙律Bar 真的不錯，喜歡沙律的朋友可以去試試看 : )$68(要加一)能夠吃2小時沙律，應該算是很划算了呢~…查看更多