oguricap的個人專頁

18/12 跟朋友到大棠看楓葉後, 返回元朗食lunch, 選了這一間士林台灣麵這碗麵的賣相真是普通, 從圖中所見, 個湯底有好多黃色一點點油, 你可以話是我放了豬扒落去搞到咁油, 但我要point out 我未放豬扒落去前已是這樣, 真是十分不健康!湯底是淡而無味, 又不濃又多油, 食麵時完全無湯底味, 只有麵的麵粉味, d 麵夠彈牙, 是唯一的可取之處!最大敗筆就是排骨, 亦即豬扒, 炸到起晒一點點, 而那些炸到一點點的是非常熱氣, 食到喉嚨都乾, 而炸到這麼深色, 好大機會d 油用完再用, 炸完再炸, 又是令人十分失望, 見到都怕! 豬扒底下墊着一些菜, 作用不明, 一個是炸, 菜是健康的, 放在一碟仲要菜墊底, 完全不match! d 菜放落碗麵度, 麵是清淡, 菜是健康的, 就更match, 更能給客人有健康的感覺!更甚的是Service 十分差劣, 坐下後無侍應拎熱茶來, 那時還未點餐, 有種迫人叫飲品的感覺, 叫侍應拎熱茶來才拎; 收銀態度極之差劣, 我和我的朋友走去收銀想逐個逐個分開付錢, 點知個收銀一句話沒有時間分開收, 連一句不好意思都沒有, 給人一種高高在上的感覺, 這樣的服務態度實在令人完全不能接受! 此餐廳又不是咩高級餐廳, 只是好似d 茶餐廳一樣有收銀台給客人自行結賬, 分開收錢有幾閒? 這麼普通的事都不為客人做, 仲要這樣極之差劣的態度, 令我和我的朋友完全不滿!$38 又難食又要受氣, 近乎無樣討好!…查看更多

18/12 跟朋友到大棠看楓葉, 我無記錯, 那天是那一星期最泠的一天! 在元朗坐巴士入大棠前, 選擇在元朗一間茶餐廳先吃一個早餐, 最後在莉莉餐廳門前, 老闆娘幾熱情咁叫我和我的朋友入去坐, 就入了去!我點了火腿麵冧d, 腸仔炒蛋火腿麵好清淡, 賣相亦佳, 加了菜, 好健康, 現在好少茶餐廳在breakfast會加菜,可惜d 麵仍然未夠冧, 可能只是比正常時間煲多1分鐘only, 加上耐熱度亦不足, 幸好我在麵來到後立即吃, 吃完暖笠笠!腸仔炒蛋尚算不太油, 此間茶餐廳選用的腸仔不太咸, 炒蛋亦沒有黑色的鍋焦, 炒得非常靚! 牛油方包d 牛油略少 ~$23 連凍檸茶, 真係幾抵食, 招呼又周到, 又肯分開逐個逐個收錢, 整體評價中上!…查看更多

這個三文魚飯賣相普通, 原因是裝得太滿, 好似夾硬將d飯同配料塞落個容器裏個類似什菌的汁好有新鮮感, 配上芝士, 幾入味, 送飯不錯個飯亦夠熱, d 三文魚入口即溶, 烹調時間剛剛好, 但d 三文魚得4, 5小塊, d 什菌及菇就好多, 多三文魚約一倍, 都不知道正在食什菌飯定三文魚飯, d 主次完全調亂晒, 有咩理由三文魚飯的主菜三文魚的份量仲少過配菜什菌, 實在是有d 貨不對辦, 完全不足料, 令人費解!起泡的莫卡咖啡味道尚可, 但我叫的朱古力咖啡, 個侍應就話即莫卡咖啡, 我就再次話朱古力咖啡, 個侍應就不多睬我, 到結賬才知道收我莫卡咖啡的價錢, 朱古力咖啡是平過莫卡咖啡幾元, 究竟朱古力咖啡同莫卡咖啡有何分別? 為何莫卡咖啡貴過朱古力咖啡? 真是不得而知! 可能是Communication problem, 但我就認為個侍應不知有心定無意收多我幾元, 令我失望!Service 只能勉強地說尚可, Environment 不俗, 8個人坐得幾寬敞, 但坐到差不多走時, 我朋友坐的位就被冷氣機水滴中, 加上$70 多元, 三文魚飯都不足料, 原本想勉強地給個OK, 最終都是給個Cry, 抵食1分only!…查看更多

在板前壽司食lunch, 叫了這個豚肉蕃茄湯烏冬, 我只能勉強地給一個OK從圖中所見, 這碗烏冬的賣相真是好唔掂, 好似外賣車仔麵這樣, d 餸菜放到雜亂無章 ~烏冬有分扁型及圓型的, 而板前壽司用的烏冬是扁型, 食落好夠滑, 但個湯有d 辣, 因為放了圖中黑色那些菜的緣故, 令蕃茄湯的蕃茄味有時被辣味所奪去!豚肉切到一片片, 非常冧及入味, 食落啖啖肉, 令我回想起上次去Okinawa 食豚肉拉麵的情景! 豚肉是整碗烏冬最突出的!可惜這碗烏冬身為lunch set 的主菜, 份量真是好少, 食三四啖就幾乎食完, 真是風都吹得郁!而這個lunch set 的手卷我就給了我的朋友吃Service ok; Environment就very good! 坐得非常寬敞, 但價錢就略嫌昂貴, 不太抵食!…查看更多

Summer 時在元朗返part-time, 我的朋友帶了我來吉野家食lunch!我都是第1次來吉野家, 一食就愛上了!野菜煎雞飯簡單些來說就是日式雞扒飯 ~這個野菜煎雞飯賣相perfect! 雞扒及野菜近乎平均地鋪在飯上, 醬汁鋪了在雞扒上, 晶瑩通透!食落去, 飯靚, 夠熱, 出晒煙, 醬汁香濃, 好開胃! 雞扒亦煎得恰到好處及夠熱, perfect ! 但不太夠汁! (我第2次去其他分店先知可以問佢拎多d 汁)野菜包括西蘭花, 椰菜花, 蘿蔔, 四季豆, 在大快朵頤, 食雞扒飯同時, 也有蔬菜作伴菜, 非常健康!$30 多元一個這麼好吃及健康的飯, Service 及Environment 均令人滿意, 抵食!…查看更多

2013 Summer 時, 我去了元朗一間小學返part time, lunch 時同朋友去了這間美心香港地試一試!第1次來美心香港地, 我就叫左鮮茄斑腩飯 ~此碟飯來到時夠熱出煙的, 賣相亦尚算不錯但個鮮茄汁一放入口就知太酸了, 酸到幾乎連蕃茄味都蓋過飯的耐熱度亦不足, 好快變凍唯一可取的是d 斑腩, 炸得剛剛好, 炸粉同魚的比例恰到好處, 食落香口之餘亦有啖啖的魚肉, 個鮮茄汁亦是真材實料, 不錯!可惜這麼basic 的鮮茄斑腩飯個汁都搞不好, 價錢要$50多元, 不抵食之餘且令人失望, 所以我只能勉強地給一個OK!Service及Environment 尚算良好, 但我過幾日再經過美心香港地, 個午餐牌仍跟前幾日一模一樣, 亳無新意, 有待改善!…查看更多

我第1次於Café MED 食的是dinner, 那時的食物, 味道不差的; 沒有食好幾個月後, 我就開始在Café MED 食lunch ~現在我every week 都會去Café MED 食1次lunch 的 ~Lunch set有5個選擇, 包湯, 牛油蒜蓉多士及飲品; 焗飯/意粉可加$6 有湯及牛油蒜蓉多士 ~16/7/2012好有特色的一個忌廉湯, 顏色鮮豔, 賣相極佳! 熱度足夠, 稀度剛剛好, 一飲落口就有好甜的南瓜味, 忌廉之後慢慢滲出, 仲有d 南瓜粒, 味道非常出色!Café MED 最有特色的一個焗飯!賣相佳, 熱度算ok, 個白汁稀度適中, 不會太淡,食落口白汁在咀嚼下味道慢慢滲出, 芝士非常多, 但溶得不夠透; 龍利柳煎得相當不俗, 薄薄一層皮, 食落啖啖肉, 好入味;夠健康, 新鮮焗出黎至正! 1/8/2012Café MED 最有特色的忌廉湯, 其他餐廳是煮不出這個味的, 是我飲過最好飲的雜菌忌廉湯!賣相不俗, 熱度剛剛好, 稀度更是perfect !一個忌廉湯的稀度太稀的時候, 難免會令食客覺得餐廳是不夠忌廉湯供應, 所以再加水再煲一煲!個湯有東菇粒, 加上其他野菌的材料, 令個湯飲落, 好開胃, 在食午飯前飲這個湯, 的確是不錯的選擇 ~20/10/2012 (Dinner, 消費每人HKD$89)Café MED 的dinner 只要加20多元就可以有湯, 牛油蒜蓉多士及飲品 ~無粟米在湯入面的, 稀度較傑, 在慢慢細嚼下粟米味就出來, 對部分人來說, 味道可能較淡, 但對我來說, 這個湯忌廉和粟米個味融合得十分細致, 不是那些白色忌廉湯加幾粒粟米就叫粟米忌廉湯的湯, 而是十分特別, 粟米味已融入湯入面的粟米忌廉湯, 令我特別鍾情!賣相極佳, 長方條型的蒜蓉包甚為特別, 牛油蒜蓉份量足夠, 十分鬆脆, 是烘得有些少燶, 熱度不太夠, 蒜蓉包的份量較細 ......茄汁好香濃, 好多, 對部分人來說, 個汁可能較酸, 但對我來說, 可以接受, 好醒胃, 熱度十足, 個飯用蛋炒過, 好香口, 加上雞扒又好大塊, 好正, 是我食過最好食的茄汁雞扒飯! 4/3/2013半年後再食這個飯, 依然維持水準, 夠汁, 熱度足, 個汁看上去有流動的感覺, 因為白汁是夠熱才會流動的, 稀度剛剛好;一凍了, 就會變得很傑, 黏成一塊這樣 ~近來去吃這個飯, 菠菜較老, 熱度亦略嫌不足, 但之前個味仍然吃到!經常去某餐廳食同一個飯, 都是想吃回之前那個味道吧! 13/6/2013依然維持水準, 稀度perfect, 好鮮, 好有特色, 賣相極佳!但近來去飲這個湯, 好稀, 好似加了水一樣, 味道亦較淡 ......這個飯的配料跟芝士焗茄汁去骨雞腿飯的一樣, 除了豬扒及雞腿的分別, 味道一樣不俗, 豬扒煎到薄薄的一層皮, 夠冧, 配上濃郁的茄汁, 好入味, 令我吃得津津有味!而這個白色寬闊, 深度較淺的容器比dinner 用的粉紅色有柄較窄較深的容器 (12/10/2012 dinner 那幅相) 為好, 因為汁是鋪在飯的面上, 容器較闊, 廚師預備汁的份量相對容易及較多; 較窄較深的容器, 因為容器較窄, 飯的面變窄, 汁的份量較大機會變得少 ~Café MED service ok, 叫侍應給杯水, 他們會很快就送上;約$40 的午餐, 有水準亦十分抵食,但近來取消了咖喱焗飯系列, 令我的家人十分失望, 因為Café MED 的咖喱是十分惹味的,希望Café MED 可以重新推出咖喱焗飯系列啦!…查看更多

味然閣是鄰居介紹的, 最初試了dinner, 非常入味; 到現在every Sun 食早餐, 有時食afternoon tea 及dinner, 成為我的飯堂!Breakfast我多數叫麵冧d, d 麵出來真是夠冧的, 可以揀3款餸, 有牛油方包, 可惜轉了老闆後, 我一食就食得出, 腸仔轉了另一個牌子, 沒有以前那麼好吃了 ~Afternoon Tea粟米肉粒飯分兩種, 一為中式的粟米汁, 二為西式的粟米汁;中式的粟米汁是有蛋花, 而西式的粟米汁是忌廉粟米汁, 沒有蛋花, 好似忌廉湯這樣, 稀度較傑 ~味然閣的粟米肉粒飯就是用中式的粟米汁, 而且是我食過最top ge 粟米肉粒飯! 粟米肉粒飯, 飯要靚, 熱度及粟米汁要足夠, 這些都是基本 ~除此之外, 粟米汁要有足夠的蛋花及應有的稀度, 即不會過傑, 亦不會似水這樣;肉粒要真是粒狀兼冧的, 亦非常重要!現在好多restaurants 都煮不出水準, 肉粒硬到咬不開不特止, 還要粟米汁嚴重不足, 食白飯仲似過食粟米肉粒飯, 不知所謂!味然閣的粟米肉粒飯則不同, 完全符合了我所講的所有條件! 11/7/2012賣相perfect! 肉粒好淺色, 煮得剛剛好, 食落去肉粒夠鬆軟, 粟米汁十分足夠, 又有好多蛋花, 調教得非常好, 有粟米的甜味, 亦有蛋的香味, 真材實料, 熱辣辣, 好好味! 29/6/201310/7/2013轉老闆後, 廚師無變, 粟米肉粒飯的賣相仍然十分吸引, 粟米汁亦十分足夠, 只是我現在分配d 汁送飯真是比以前差 肉粒少部分較硬, 深色那些; 其他都鬆軟的, 特別是10/7 那次比29/6 那次的粟米肉粒飯多很多蛋花, 賣相更佳之餘, 食落亦更開胃Dinner23/2/2013熱度十足, 飲落有豬肉及豬骨個味, 好夠火侯, 好滋潤, 好解渴的 ~經常煲的有金銀菜煲豬骨, 木瓜煲豬骨, 合掌瓜煲豬骨, 東瓜煲豬骨, 蘿蔔煲豬骨 ~精緻巧手的小菜, 賣相perfect, 熱度十足! 豆腐較斑腩為多, 煲底有些少菜的, 夠健康! 豆腐炸過的, 薄薄的一層皮, 內裏豆腐幾滑, 好香口, 但有時會炸得燶左; 斑腩炸粉較多, 魚較少, 但個豆腐汁非常香濃入味, 配上d 斑腩, 好正, 好適合送飯! 又是精緻巧手的小菜, 賣相perfect, 熱度亦足夠! 粟米汁非常足夠, 稀度剛剛好, 但相比粟米肉粒飯的粟米汁就少了些少蛋花; 斑塊炸粉較多, 魚較少, 但炸得好鬆脆, 配上個粟米汁, 食落去, 粟米汁個味及斑塊個味不會互相蓋過, 好match, 好正, 好適合送飯的, 特別是個粟米汁! Environment ok ge, 好衛生的; Service 亦ok, 我做了熟客, 更加關照!留意現在轉了老闆後, 有時候會放假一天 ~…查看更多

我同我的friends 食完葵芳euro go go 後, 就帶了我的家人去euro go go 荃灣分店食啦!荃灣euro go go 整的意粉比葵芳的多汁, 多到不需要撈勻d 汁就食得津津有味; 蒜蓉包及Service 則比葵芳的差, 尤其是Service, 樓面得3人, 找到枱都沒有人很快來執枱, 企在店鋪內等位完全無人show 你的, 同葵芳的貼心服務差天共地! euro go go 的意粉是放在錫紙兜焗的, 焗完廚師再熟手地倒落隻碟度的 ~ 11/6/2013 (Lunch)香草汁吃不到有好強的香草味, 海鮮只是蜆肉及魚, 沒有蝦, 略嫌平淡些少, 蜆肉亦較淡, 龍脷柳就最入味的, 整體而言, 是食得落口的, 只是海鮮的選材較為平淡, 加上蝦就會令個意粉更鮮, 蝦始終是最能代表海鮮的 ~菠菜汁龍脷柳意粉:熱度足夠, 龍脷柳都是略嫌偏咸, 意粉的份量比葵芳分店少, 但較多汁, 好正!百寶 (蘑菇, 辣肉腸, 菠蘿及雞肉) 半份:熱度十足, 薄薄鬆脆的pizza, 比葵芳分店整得更入味!忌廉湯:這是野菌忌廉湯來的, 一飲落口沒有立即有野菌的鮮味, 味道有些少怪, 我飲了兩三啖就無飲了......(圖片可在葵芳euro go go 食評中找到)25/6/2013 (Lunch)賣相比葵芳分店的靚, 雞肉及粟米汁較多, d 汁多到覆蓋了部分意粉, 但雞肉都是鞋及焗得有些少過火, 整體而言, tasty ~蒜蓉包拎出來熱的, 食落去個蒜蓉包好鬆脆及香口, 蒜蓉同牛油味亦夠香濃, 但烘得幾燶下, 過晒火了 ~ 蒜蓉包都是葵芳分店好些少, 關鍵在於葵芳分店的蒜蓉包真是烘得剛剛好的 ~29/6/2013 (Dinner)Dinner 的意粉款式及價錢跟Lunch 的一樣, 只不過是Dinner 沒有了加$6 有蒜蓉包/沙律 + 是日餐湯/汽水的優惠! Lunch 加$6 不想要汽水, 可再加$3 轉凍飲, 如凍檸茶 ~我brother 叫的, 我試了一口, 覺得不是想像中這麼普通; 火腿及煙肉都是我們在吃早餐經常食到, 但配上辣肉腸, 有好微少的辣, 帶出了新鮮感, 再加上忌廉汁, 平凡得來又帶點驚喜!Environment 好舒適, 樓面侍應卻完全不足;同樣問題又是Cashier 得1個, 1部收銀機, 每次去食都要排好耐先點到餐, 有時d 食客order 8-9個意粉及3-4杯飲品, 企在後面的客人就要等勁耐, 真是等得好不耐煩, 位又要等, 點餐又要等, 過不過份d aR, 需作改善! …查看更多

早排同心儀對象表白, 可惜她不要我, 同人講我無事, 其實我真是好唔開心, 人就是這樣口不對心的......3/6 那天, 我個friend 帶我去euro go go 食lunch, 我之前exam 食慾不振, 加上又不太開心, 所以食得好慢 ~3/6/2013賣相不錯的, 我無飲, 我個friend 飲的 ~ (我在荃灣euro go go 飲過同一款忌廉湯, Comments 會在荃灣euro go go 的食評寫)凍檸茶d 茶不會太濃太澀, 冰及檸檬都足夠, 好飲 ~但我建議euro go go 加個杯蓋會好d, 好似d 汽水這樣, 以免有d 小朋友一不覺意就倒瀉了整杯凍檸茶, 因為我在荃灣euro go go 見過有小朋友倒瀉過! 賣相perfect! 熱度足夠, 個菠菜汁對於我來說好有新鮮感, 亦好健康! 個汁食落是有忌廉及芝士味, d 菠菜好碎好冧, 只是個汁略嫌少了點; 龍脷柳好多好大塊, 薄薄的一層皮, 食落啖啖肉, 只是略嫌咸了點; 意粉亦好彈牙, 配上菠菜汁及龍脷柳, 好味道! 百寶的餡料是蘑菇, 辣肉腸, 菠蘿和雞肉 ~侍應拿到來個pizza 熱的, 證明是新鮮整出來, 雞肉夠滑, 芝士味亦足夠, 配上薄薄鬆脆的pizza, 味道佳!賣相ok, 熱度足夠, 雞肉好大塊但有些少硬及鞋, 個粟米汁有點甜, 但略嫌偏少, 整體而言, 味道算ok, 特色程度就不及菠菜汁龍脷柳意粉了 ~蒜蓉包拎出來熱的, 梗是剛剛烘過, 蒜蓉同牛油味好香濃, 食落去個蒜蓉包好鬆脆, 烘得恰到好處, 我食得津津有味, 是我食過最好食的蒜蓉包! 18/6/201318/6 那天, 我回母校探望老師, 探完後, 就自己一個人去了葵芳euro go go 食lunch ~那天我買完lunch後, 就找位坐, 點知每張枱都坐了客人, 有位女侍應見到我, 我想她是做暑期工的學生, 好主動地幫我, 問坐在2人枱的男士對面的座位有沒有人坐, 他話沒有, 她就叫我坐啦; 之後另外有張2人枱的客人離開, 她就叫我坐那張, 這麼盡心的女侍應, 好impressive, 我十分感謝她, 今次食評的標題是屬於她, Service 給的5分亦屬於她的! 菠菜汁龍脷柳意粉:賣相又是perfect! 熱度也足夠, 比上次食更加好味, 菠菜汁比上次多, 龍脷柳雖然沒有上次食這麼咸, 但仍是略嫌偏咸 ~蒜蓉包:同上次一樣咁好味, 只是熱度比上次差, 暖暖地only ~Environment 好舒適, 樓面侍應有6-7個, 非常足夠及多;只不過是Cashier 得1個, 1部收銀機, 3/6 那次lunch hours 要排好耐先點到餐, 需作改善!…查看更多

尖東港晶Neway 的接待處於3/F, 我去過3次, 3次都是由10:30am 唱到4pm, 每次都是同2位female friends 去唱K, 最近那次去唱K, 點餐紙變了彩色有圖的午餐牌, 十分精美!13/8/2012個飯拎出來算夠熱, 芝士忌廉汁調教得相當好, 亦足夠的, 食落是先有芝士味, 忌廉味之後先慢慢滲出來, 而且個汁放了d 香草在面上, 賣相十分吸引, 相當有特色 ~龍利柳味道偏咸, 但內裏包着野菌及香菇, 好鮮兼有特色, 因為出面好少restaurants 會將其他餡料放落龍利柳入面 ~22/1/2013這些就是真正的蒜蓉汁啦! 個飯拎出來不算熱, 炒飯落了不少蛋, 好香的, 但個吉列龍脷柳真是好熱氣, 炸到不是金黃色, 是深橙色, 食完喉嚨好乾, 去Neway 我不建議叫吉列的東西食!自助式拎的忌廉湯, 熱度算ok, 普通忌廉湯已而, 無咩特別!14/6/2013自助式拎的, 我無飲羅宋湯; 中湯熱度不足, 好普通的例湯 ~這個炸薯條是我個friend 話要食小食叫的d 炸薯條好油, 又是炸到深橙色, 食食下我就無食啦, 實在太熱氣, 我不建議各位叫!賣相不錯, 熱度亦足, 雞扒好大塊, 但d 肉有d 實; 芝士汁仲有d 芝士在面上, 好正! 我好appreciate 廚師放芒果整個汁, 有特色的, 但真是不match!d 芒果甜的, 芝士汁在咸個邊, 又甜又咸, 好亂, 欠缺了一致性, 有難食的感覺, 所以我將d 芒果在個飯匹出來, 不食算 ......我食飯的, 我個friend 食意粉 ~個農場蕃茄汁一睇就知是好濃郁, 因為個汁好深色 ~我個friend 食的, 她話d 魚柳炸到好似炸薯條咁, 好似一樣味道咁 ......Environment 算ok, 比我去過的其他Neway 分店乾淨;Service 還可, 但10:30am 去到拎房只開一個counter, 長長的人龍, 要人排勁耐先安落!…查看更多

旺角創興 Neway 的接待處位於12/F, 我去過旺角創興 Neway 唱K 2次, 一次是慶祝我的生日, 最近那次是跟那位在S.6 令我首次唱K 的女孩唱K, 真是滿心歡喜的! 10/6/2013個飯算夠熱, 但焗得有些少過火, 芝士汁好香濃, 仲有一大塊芝士在個飯的面, 好有新鮮感, 食落好開胃, 個汁亦足夠, 但個海魚, 亦即龍脷柳, 好咸兼有部分是好鞋, 整體來說, 味道還可以的21/6/2013焗得過了火, 白汁的面有好多黑色一點點, 但d 汁就非常多, 我個friend 食的, 他是整個飯食清的, 味道一定不錯了!個蒜蓉汁好深色, 一睇就知是真材實料, 是廚師花了不少時間整的, 賣相不錯, 不會好似荃灣分店放一球蒜蓉在d 無味的汁上面就當是蒜蓉汁俾客食 ......有d 紅蘿蔔作為蔬菜, 夠健康!一食落去, 蒜蓉汁個味超重, d 豬扒亦沒有太咸, 但個飯拎到來只是暖和, 豬扒也太厚兼不太夠冧, 炭燒得亦不夠平均,整體都算不錯的!我同那位女孩都是吃這個餐的 10/6 那次間K房好大的, 仲有獨立洗手間;21/6 間K房較細, 4個人有些少迫Service 算ok 的, 21/6 10:30am 上去就排了約10 mins 先拎到房,去到11/F, 服務生一見我拿着1個Birthday Cake, 就立即叫我放低, 話會幫我放落雪櫃 ~ 食完lunch 後, 電視熒幕自動轉了做生日歌, 服務生就拎了我買的那個Birthday Cake, 仲點了蠟燭先入來, 那位女孩好surprised, that’s what I want, 非常感謝d 服務生及旺角創興 Neway! …查看更多

荃灣CEO 的接待處在13/F,CEO 的Environment 比Neway 華麗, 每間K房都有獨立洗手間, K房也比Neway 的為大, K-lunch 以日式餐為主, 音響則較Neway 的為差!只是暖暖地, 但飲落是夠火侯, d 肉的味道已在個湯裏面, 幾好飲的d 飯是珍珠米, 只是暖暖地, 而且份量偏少; d 雞扒整得超靚, 燒到層皮好香脆, 可惜一用筷子夾起d 雞扒, 塊皮同d 雞扒就分開了, 令我要好努力將雞扒同層皮夾在一起先放入口; 個燒汁雖然較少, 但好香濃, 一放入口, 整個口都是濃郁的日式燒汁味, 好正, 所以個汁少也沒所謂, 因為d 汁香濃到可以送整碗飯的荃灣CEO 的Service 是完全不合格, 我和friends叫了的K-lunch 1小時後也沒有來, 打電話去服務台叫人來跟進, 影都無隻, 要我個friend 行出去找服務生, 點知話收不到餐紙, 無落過order, 叫我和friends 再點過, 真是一塌糊塗! 服務生給我們另一張餐紙寫過, 誰不知張餐紙是舊的, 寫晒房號, tick 晒午餐, 真是不知所謂!之後, 我個friend 打電話去服務台叫人拿杯水來, 又是影都無, 你話這些是不是叫Service? 完全是不入流!…查看更多

回想起我S.6 時, 那位女孩捉着我隻手, 對我說去唱la, 去唱la, 我就首次去了荃灣Neway 唱Happy Hour, 一唱就愛上唱K 了, 現在於sem break 我都成日約朋友唱K ~荃灣Neway 有2層, 5/F 及6/F, 接待處位於5/F, 近來去食K-lunch, 食物質素每況愈下, 令我十分失望!3/1/2013個茄汁非常香濃, 調教得相當不錯, 醒胃之餘, 汁同熱度亦足夠;可惜的是, 個豬柳好咸, 不知是咩豬柳來, 在側邊有層不知是咩皮, 大減食慾, 好唔掂!19/1/201316/2/2013荃灣Neway 的雞皇焗飯真是做得好出色, 拍得住出面d 西餐廳 白汁夠味, 葡汁略為偏甜, 兩個汁均惹人好感, 加上汁又足夠, 新鮮熱辣辣焗出來; d 雞又大塊, 無咩雞皮, 葡汁雞皇焗飯更加了芝士, 有水準!15/6/2013白汁較淡, 焗也過了火, 黑色一點點, 大大減低賣相!海皇是蜆肉及蝦, 好少份量, d 蝦仲要食落有沙的, 完全是洗不乾淨,d 蜆肉及蝦1d 都不鮮, 近乎淡而無味 ……30/6/20131. 個豬柳同之前講的一樣, 好咸, 在側邊有層不知是咩皮, 煙到有不少炭灰在豬柳上, 賣相完全唔得, 好似學校飯堂的飯餐咁, 好唔掂  2. 個汁更是完全貨不對辦, 蒜蓉汁各位都會預期一食落去有蒜蓉味; 但呢度個汁是完全無味, 放一球蒜蓉在d 無味的汁上面就當是蒜蓉味, 完全是貨不對辦! 3. 汁少到喊出來, 熱度又不足, 完全是不合格! Environment 算ok, 但K房d 枱有時都好dirty;Service 算是可以;雞皇焗飯好正, 但海皇飯同煙豬柳扒飯是唔掂, 平衡之下, 仍勉強可以俾個OK, 希望之後有所改善!…查看更多

在post-secondary 的時候, 我經常在阿德廚房吃午飯, 久而久之就成為我的飯堂!Mon to Fri 的午餐, 阿德廚房均提供5款$39, 3款焗飯/蒸的餸菜$40, 以供選擇, 包忌廉湯/羅宋湯/中湯, 任選一款, 及熱飲, 加$2轉凍飲這裏的飯軟硬度適中, 而且d 餐都是熱辣辣拎出來的賣相極佳, 個斑腩炸得相當好, 炸粉同魚的份量平衡得恰到好處, 食落去香脆得來又有啖啖的魚肉, 配上中式的蕃茄汁, 略偏酸了些少, 但仍可接受! 個蕃茄汁尚算足夠, 整體而言, 這個飯是令我滿意的! 蒜蓉汁夠入味, 一食落去, 蒜蓉個味就出晒來 ~一定要在落單時叫多汁; 不然, 就會不夠汁送飯!龍利柳煎得剛剛好, 薄薄的一層皮, 配上蒜蓉汁, 食落好開胃的!這裏的豬肉眼扒的肉質頗靚, 食落軟硬度適中, 兩條腸仔亦煎得相當好, 不是1d 好冧好差的腸仔!蒜蓉汁豬扒飯 (19/3/2013) 我都吃過, 有2塊豬扒, 味道同豬肉眼扒差唔多, 所以豬肉眼扒同豬扒好大機會只是名字上的不同!忌廉湯:普通的罐頭忌廉湯, 稀度算適中, 忌廉味亦有, 不太特別, 味道算okMon to Fri 的忌廉湯都是這一款, 略嫌欠缺了一些新鮮感粟米汁龍脷柳飯:個粟米汁好似忌廉湯的味, 有d甜, 龍利柳煎得差過蒜蓉汁龍利柳飯那次, 整體而言, 味道算ok焗飯系列:所有焗飯都用相片中那個不銹鋼容器焗的, 侍應拎出來都是好熱的,但所有焗飯都是不夠汁, 叫了多汁是沒有多過的, 是一大敗筆!看表面個飯真是有很多汁, 但實際上個容器是好深的, d 汁只是在面層有, 完全不夠汁 ......焗飯最緊要是即叫即焗, 夠熱同夠汁!1. 焗茄汁龍利柳飯:個茄汁夠濃郁, 好醒胃, 但落粟米就十分怪, 不太match, 焗得有d 過火!2. 焗白汁龍脷柳飯:個白汁不太夠味, 略嫌淡了些少, 落得太多蘑菇, 有d 喧賓奪主的感覺, 龍脷柳則煎得剛剛好3. 焗白汁雞絲火腿飯:個焗飯真是相當普通, 白汁亦是不太夠味, 雞絲好大塊, 有很多雞皮, 賣相有d 雜亂無章, 令人失望!4. 焗海鮮飯:個焗飯有d 特色, 有魚, 蟹柳, 日式魚蛋及蝦, 但那次我叫, 不知道點解叫左無耐就來了, 個焗飯只是暖暖地, 好大可能是焗定, 不是我所預期的5. 焗茄汁雞扒飯: 個茄汁夠濃郁, 好正好醒胃, d 雞扒好入味; 美中不足是d 雞扒肉不太多, 雞皮好似多d ......Environment ok 的, Service 亦良好, 一坐低, 侍應就給一杯水, 好efficient!雖則d 焗飯是不夠汁, 但呢間restaurant 我每次去食, Food 同Service 都可以維持到應有水準, 值得俾個笑的 …查看更多