luvvvv的個人專頁

尋日係葵廣買左一人餐鹽水雞、 夠飽又好食 唔會過咸。今日諗住再番兜去長沙灣個間。點知勁失望， 打開勁細份 。 叫左雞加百頁豆腐甜不辣，杏飽姑。 豆腐係好細粒， 好似餸頭餸尾咁。仲要味道好重味精， 我飲左好多水都仲係好口渴， 不推…查看更多

食完晚餐意猶未盡。今次無點招牌靚湯。 點了餃子同埋豉油王炒麵. 炒麵很夠鑊氣。配合肥o都o都既芽菜。口感一流。煎餃的水準比第一次吃差了。 可能放在鍋裡太久， 有點軟爛。 但還是會再幫襯的。 順帶一提。餐廳是用盒裝tempo 紙巾的。很豪！…查看更多

我終於明白點解食評意見各走極端。 有d 人話好食， 有d 就話唔好。朋友推薦蛋糕好食。 諗住試下午茶buffet 可以食多幾舊蛋糕無死啦。 嘩 無諗過我係樓下普通麵包店買到既都比佢出色。 所謂Buffet 提供既輕食真係無樣好食。 Buffet 包day of juice 同飲品各一杯杯飲品就唔錯既。 後來點了店裏的一件蛋糕。 我發現天壤之別。 原來蛋糕係咁濕潤 cream 食落好豐富 。 Buffet 的蛋糕不是隔離餅店那些 。 千祈唔好試tea buffet ! …查看更多

最近出左海鮮燒賣$20 9 粒魚蛋燒賣雙拼就25$ 魚蛋一如既往的好。 10$ 7 粒 以魚蛋黎講唔算平， 但佢食得出有魚味， 彈牙 熱辣辣 貴唔貴就見人見志。 燒賣入面有章魚。 ok ge ,唔錯， 不過雙拼好貴 ， 下次都係叫$ 10 魚蛋算Openrice 個營業時間錯， 人地1:00 先開， 我摸左2 次門釘。 …查看更多

澳門過江龍陳光記竟然係深水埗立足開燒味鋪。 見食評唔錯就試下。 例湯無交行貨， 夠味。 可能燒味店多骨煲湯 黑椒燒鵝激多大大粒既黑椒。好惹味。 食落有肉汁。 肉嫩。$68 雙併 叉燒 燒腩仔 $48食左個半肥瘦叉燒。 真係好怕食到好柴或者一pat 肥膏既叉燒 。 食落叉燒肥個位係有咬口，瘦肉部份又唔係鞋位。 係我中意個種叉燒，仲要有d 燶邊。 佢一定係叉燒界既女神級！ 燒腩仔個皮脆，雖然得好細塊， 腩肉係一層肥一層瘦層層疊住。正岩重口味既朋友， 又唔怕食肥野既人。 don't miss it ! 會再食…查看更多

丹麥麵包係依度最出名所以叫有佢既食物就最穩陣。叫左照燒雞扒丹麥麵包個餐,有沙津同好似m 記既薯條雞扒份量唔少 入面d 醬幾好味 $58 午餐下午茶 同晚刻都一個價都算抵食。早餐同下午茶好似幾抵食 下次會試下。意粉 上次食左九洲明太子意粉 , 入面有酸菜既物體去炒,同平時認知既味道差好遠好遠。千祈唔好叫。…查看更多

依間encore 左二次以人均消費一人三百幾, 貴唔貴就見仁見智。 但作為對食物有要求黎講,性價比係高釜頭扒 燒得牛味香濃 肉軟淋淋 充滿牛脂味 味蕾大滿足 食得出是靚牛今次仲叫左燒蠔墨汁飯 墨汁飯煙煙un un 入要有混左少量蠔肉 所以加左一層鮮味 令我一口接一口。行過路過不要錯過…查看更多

依排狂比洗板一定依間平價梳乎厘!有dd 明星效應, 經過又大把人企食.今日決定一試龍與鳳。叫左個原味梳乎厘pancake, 等左十分鐘到, 賣相無係ig 見到咁靚。賣相普通啦,好soft 夠濕潤 唔知點解有陣香蕉味? 味道唔錯啊, 唔好同日本比, 矩一定唔係最best , 唔錯既!除左糖漿同個忌廉少d ,要企係到食之外 ,係無野可以挑剔!! (我已經係雞蛋挑骨頭) 28$ 咋 仲想點啊, 入去cafe 坐,加多d cream.比d 水果做d裝飾,平既都收你68 啦 分分鐘要求指定消費性價比高…查看更多

久聞hotel icon 既自助餐,提早一個月係網上訂位, 今次食假日下午茶自助餐 。 估唔到佢個場擺到咁多位， 被安排坐最入位置，要行起馬一分鐘先去到拎野食位有熱食 沙津 果汁 海鮮 甜品海鮮最正係蟹腳，啖啖肉有海水味，台面提供左一把好剪既剪刀比你食蟹腳。蝦都ok 會 海鮮會不斷refill刺身三文魚good.,吞拿魚一般甜品 :movinpick 雪糕無得輸啦 職員幫你畢既仲有好多榴槤系列 中意食榴槤既一定好開心 榴槤雪糕都正係榴槤打成蓉再雪凍矩 好creamy. 其他甜品都特別 有opera 有jasime 朱古力蛋糕 食得出係誠實之作 有即沖奶茶 越南滴溜咖啡，熱食同其他我興趣不大, 所以一嘗就算, 中規中矩。總結：值得一試 加一後360$…查看更多

一直以為茶木好難食既， 原來其實唔錯既， 環境係幾舒適， 好岩同朋友仔食飯傾計食左set lunch 有小食, 主菜加一個麵茄子即煮既, 係四小條茄子,麻醬青瓜雞肉 同埋紅燒牛肉麵, 個麵真係幾啖就食哂， ok ge 碗上有一片牛肉,幾嫩滑。份量真係唔會夠飽, 但食物質素真不錯, set lunch 價錢唔算平 仲要加一, 如果份量多d 就更好台式奶茶味道不俗，記得叫少冰 唔係就會沖淡哂味…查看更多

可能係最好食嘅拿破崙 酥皮有落焦糖去焗 焗到好香脆 係實淨又有口感嘅脆 ,吉士醬唔會過甜。士多啤梨係甜嘅＄50唔算平,但拿破崙不嬲都賣得貴 好彩信用卡夠200 有88 折 仲想試吓帝苑好出名嘅蝴蝶酥!!…查看更多

久唔久就會黎食個午餐。必食推介係椰漿雞翼，放心，食唔到椰子味，皮脆到好似油炸鬼咁，無比香脆，咬落仲有汁出，雞肉係非常嫩滑外脆內軟，不容錯過。黑松露芝士醬薯條，黑松露落得重手。薯條係好粗身既新鮮薯條。香脆芝味得黎又好邪惡。漢堡包食蘑菇加牛肉當然最正，食親都好呢Hea, 因為次次都爆汁，好juicy. 仲試左黑松露醬雙蘑菇漢堡。都唔錯。次次去都爆場要等位。食物都係即叫即做。所以都要等下。 不過真係好鬼正，又唔貴。…查看更多

Pacific coffee 比我既感覺，咖啡比較淡味。當然d 人實話識飲唔會飲星x克 太x洋。不過買保險送左張咖啡卷就試下。 今次可能無期望，飲左啖有驚喜,估唔到依間pacific 沖得咁有水準，溫度夠熱之餘，咖啡香濃，朱古力又夠味。大家去開附近都可以試下…查看更多

我已經吃過數次，好多年前已經有人推介。點解我話佢有態度， 因為天后mimosa 出名既除左拿破崙， 仲有個個好惡既女店員嘛， 今日幫襯， 我都係懷著戰戰兢兢既心情。好開心， 成功買到之餘仲無比佢罵。 女店員係咪老闆我就唔知，隔離有個男人， 都係職員佢都片。 好野。 講番拿破崙，今次叫左芒果拿破崙，芒果夠甜，價錢36$，份量十足，不過今次個皮好似無咁脆，可能放左幾個鐘先食。佢為拿破崙，36$ 算是合理價錢，坊間好多賣得唔平。至於佢為出色既拿破崙，佢未算係，要求唔高， 都係合格既拿破崙，可以一試。…查看更多

係附近工作完，要爭取時間就簡左依間。入都去環境就係舊式茶記，店員都無走過黎，只係用眼神問你食咩，再指住個牌，我好欣賞依種無壓力落單既感覺。落完單，廿秒就出現我個飯，叫左京都排骨飯， 唔似近出完搵油泡過既，佢係屋企既味道， 味道唔錯架。午飯時間都唔少人幫襯。叫左茶走， 不過叫餐時已經到左， 凍左少少， 但係杯茶走幾好飲， 茶味夠濃，飲完有回甘。 因為上菜快。食完仲有大把時間休息。 店員有禮貌的 …查看更多