biebluebie的個人專頁

今日諗住係新都城試新嘢～玖子茶，見佢餐牌賣相都唔錯，所以就決定食呢間 ，諗住叫個蝦多士～點知一口咬落去 全口都係油 用手一 撳 仲撳到勁油出嚟。。。其他嘢食 配飯 真係都比較清淡 椰子雞份量唔多 得幾舊。。。豬頸肉炒四季豆 好似烚出嚟咁，鯖魚正常只不過畀咗個酸辣汁我見樓面已經 問隔離枱兩位啲嘢食要唔要兩位話未食完 隔咗幾分鐘就問我哋碟上嘢食未食曬， 樓面已經有人吹收枱三人叫完餐到停一下筷子半個鐘左右就已經出聲收我哋啲餐 。。。望望門口無人等…… 飲品都未飲完我哋就走仲聽到隔離枱位小姐大叫個雞凍嘅 點食呀叫人點會有下次呢。。。…查看更多

第一次食上海菜點心放題沙田麗豪酒店 龍門客棧午市去到 唔算好多人服務都唔錯 每位二百幾蚊比一般上海菜 清淡一啲款式都算多 有點心 小炒同甜品小炒份量都好夠環境黑紅色 靜靜地都唔錯…查看更多

服務唔錯嘅返太子酒吧， 因為男朋友腰痛係太子睇完痛症係 太子搵食，之後上openrice搵到佢地食評唔錯！酒吧佢地算多嘢食， 因為唔飲得酒，所以叫咗兩杯溫水，佢哋都不停咁幫我哋 refill（好好） 因為我哋去walk in客，所以坐咗上吧檯，食到有啲攰……走嗰陣仲畀咗張卡片同九折卡，叫我下次可以book枱，唔洗坐得咁攰！忌廉汁青口係推介（個汁唔錯）如果個海鮮飯可以用忌廉汁煮會仲好肉眼都唔錯，德國腸就一般最總得讚~服務幾好~好有禮貌只係坐吧檯食飯有啲攰下次飲得酒會再黎…查看更多

寶林街市呢間手作功夫茶，我同男朋友間唔中都會飲，通常都係飲38同珍珠奶綠，因為奶精成份好重，一般我都叫半奶，我同個收銀位嘅女職員要求半奶～佢話唔係果啲奶（我話知，係奶精要半奶得啦）佢無乜理我又黑黑地面.......咁比完錢我再講多聲（麻煩同水吧講我要半奶）...冲好～我即飲...佢無應我要求同水吧講...好甜好重奶....我飲一啖成杯比返佢......好失望......平時啲女仔都會好應客人要求.......希望今次只係個別事件…查看更多

今日放假去到新都城譚仔三哥，諗住試新嘢～胡椒豬扒……呢個真係唔好試…………梅到呢林芝芝，都係食返土匪雞翼安全啲～無得輸，我地再照舊食咗兩碗湯米線，一碗酸辣一碗胡辣小辣，但唔知點解今日啲湯都辣得好緊要……男友都覺得………（後面枱個太太辣到係咁咳……疫情下係留意啲）所以同樓面講可唔可以比碗清湯，因為太辣……佢要收咗我地二碗湯粉入廚房……但我唔想……拎黎拎去……廚房點都唔肯比碗清湯我地～咁就算！！辣住食……無飲湯～最後想講紙巾要自備喔～一包$2紙巾（咁大間公司唔供應紙巾）真係無諗過……😅😅…查看更多

西灣河熟食街市打冷～ 聽朋友講呢間唔錯 黎到～食打冷就必定叫韭菜豬紅 鹵水鵝片 同埋滷水生腸 佢哋鹵水類嘅嘢 真心講真係唔錯 但係之後食廚房嘅嘢～ 就炸得都係比較乾～蠔餅同椒鹽鮮魷 我哋大家一至都覺得好食 但係佢椒鹽九肚魚 我地覺得比較似 ～天婦羅九肚魚多啲呢個就係椒鹽九肚魚啦～ 炸到黑蚊蚊 有啲硬之後啲男士都叫咗個田雞煲 ～我就唔敢食喇 ～～再叫咗個大鱔煲 ～味道唔錯 ，只係啲大鱔炸得比較乾身……最後叫咗個小炒王 ……超級咸 ……反而個霸王薑蔥雞 ～啲雞好滑 超好味 啤酒就 朝日 做緊promo～$33一枝～青島就28蚊一支 ～～其實整體嚟講都算好食嘅…查看更多

呢間桃園我最常食係佢地咖哩牛腩飯～佢哋咖喱非常夠辣～但有時就好傑撻撻……有時就好水流流…… 食物水準太飄忽……佢地話工場交黎佢地控制唔到……我都知宜家啲大小集團都係交貨到現鋪，但係厨房都要加熱，都唔好太大對比…… 我食過咖喱豬扒飯 ，但唔知點解牛腩個汁都係好味啲～仲有 雲耳肉碎蠔仔泡飯都係我首選～不過就一定有蠔殼～食要小心啲～炒牛河都係我較喜歡，但今次就出晒事……無味又炒到斷曬……咖啡係機啡～飯餐算唔錯～好似係落淡忌廉～會比較多忌廉奶～可以叫小奶但佢地嘅樓面服務～真心～算幾好～唔錯～…查看更多

因為朋友住大角咀～ 佢哋又食煙咁～咁好想搵一個可以食煙嘅地方～ 所以係openrice到特登搵 ～有戶外座位嘅餐廳 ～～最重要都有啤酒飲 ～～咁啱又有我最愛Erdinger黑啤 所以最後選擇咗呢一間～ 但我打電話去 book枱 ……佢同我講full咗…… 最後我哋都去到餐廳～～睇下有冇walk in ～ 佢哋都話冇位～～我哋都主動問佢有冇戶外嘅位 ～佢先至話唔介意你可以坐 佢哋嘅happy hour大杯裝黑啤係96蚊 ～～其實細杯裝係48蚊杯 ～價錢係一樣嘅 ～女仔叫細杯好啲～～大杯真係太重太大杯～仲有我哋叫咗個二百幾蚊嘅腸拼盆～ 我哋就覺得有啲漏……仲有個炸品拼盤 同埋龍蝦湯 真心覺得好一般…… 其實食品我就唔覺得真係咁好味………… 但係睇啲評論話態度好差 ，咁我又唔覺得 ～都可以呀～～…查看更多

因為好多人以為觀塘東記牛腩河執咗～～ 所以我就落嚟睇下～咁當然好好彩佢仲係到未比租金吞沒 ～ 牛腩湯幾濃～ 牛腩河同牛腩麵我都試過～我都係鍾意河多啲～ 因為我比較鍾意食瘦牛腩～所以相中牛腩較瘦～菜心好林～18我曾經係街市問過啲菜檔～～點解牛腩河嗰啲菜心可以咁好食～～菜檔話因為佢哋有鹼水～所以佢哋焯出黎嘅菜特別好食～～不過佢哋嘅雲吞就比較一般般～～ 如果真係鍾意食雲吞嘅話～～會比較適合去牛頭角樂園多啲～～不過佢地話加$8有枝裝汽水……原來係細枝裝～…查看更多

一直都有留意佢地嘅火鍋～～但真係一直都無試～～早兩日好想食點心～但已經三點廿十分～～諗起寶琳商場～茶煲～就衝去買～～因為三點半就無得叫外賣點心～～外賣點心有驚喜～～唔錯～我無影相～只有影點心紙～～收銀姐姐同傳菜姨姨都幾好～蝦餃～唔錯嘅～得2粒～有啲貴～燒賣～我唔鍾意食都覺得好味金錢肚～夠晒入味又夠淋～正鮮蝦菜餃～雞扎～～都可以嘅～芋春卷同咸水角～都好味～外賣～點心～絕對會有下一次～～…查看更多

難得早起身～諗住飲早茶～又諗起都算新開嘅煌宴～之前食過一次晚飯～～佢嘅冬瓜盅好淡無乜味～手工叉燒最出名～～一碟好似有八舊～ 我哋剛剛好八個人～所以每人食咗一嚿～～之後再補多一碟～其他小菜都可以嘅～所以就去哩間飲早茶～～不過……就有啲失望～ 煎釀茄子～～一睇就知係返炸仲要食落係唔夠熱嘅……係個牛肉球熱辣辣又夠彈牙棉花雞都唔錯～～蝦餃佢好似做特價$4.8～2粒係好抵～但皮有啲啲厚同淡～不過咁平～唔好要求太多～～鮮竹卷好一般……我同男友都覺得金錢肚係我地至愛～～但唔淋～唔入味點心我地要求唔高……但真係好一般……春風得意腸～嗯～唔知點解會有蟹籽……腸粉皮～有啲厚……相放唔到上黎飲茶真係無下次……晚市或燒味就ok服務就唔敢講……我地係搭枱～佢地唔知係唔夠人定唔習慣收點心籠～我同對面搭枱嘅夫婦～一齊搭咗七八個籠～好高都無人收～茶位$8一位～～晚市$10一位價錢唔太記得～～影埋張單～～不過早兩日係寶琳商場茶居～買外賣有驚喜～～唔錯～…查看更多

觀塘都係我常搵食嘅地方～～大盛都食過好幾次～不過有咗放題就真係好小再去食嚕～因為佢地嘅價錢唔係平～～但質素係唔差～佢地方真係幾大～唔洗迫真絕對真～今次同哥哥去食～有架BB車～佢地比咗六人枱我地～我地得四個人～不過唔洗點等位～～佢地有分激安時間入座～會平啲～服務員態度幾ok不過熟食上菜太快，刺身反而後上……就有啲唔好～食嘅～我最愛 蟹子沙律，刺身幾新鮮～但最想食嘅三文魚腩刺身無晒……肥牛鍋同鰻魚炒飯太甜好怪～可能要叫小甜😂😂不過食物份量算大～價錢唔記得所以影埋張單～～…查看更多

自己住將軍澳咁耐～ 以前比較食聰嫂甜品多 ～但因為佢已經冇咗雜果類嘅甜品～ 所以而家比較鍾意去小方糖～我最愛最愛 炭燒藍山雪糕雪芭 佢嘅咖啡係超香超濃 有咖啡味嘅啫喱都好好味 我冇記錯好似33蚊一個 我男朋友嘅就係食芒果類嘅甜品～ 我自己就忘記咗咩名lu 之後我哋試過加咗個心太軟試下～～ 唔知係咪因為佢哋比較想做多幾轉生意～～所以個心太軟焗得唔夠透嘅 ～個心仲有啲硬～並唔夠心軟 所以覺得唔係太好食～～ 不過佢哋個士多啤梨乳酪芭菲～ 好似係仲有芒果味同朱古力味 ～但士多啤梨係我最愛 ～都係好好食～不過怕肥唔敢再食～～ 但如果大家想傾計～ 坐耐啲 ～就真係唔適合去呢間啦～ 因為呢間比較嘈～同佢哋好趕住返抬 ～好想你哋快啲走咁嘅…查看更多

因為想食生蠔～係 OpenRice 搵到哩間～所以揀咗哩間餐廳試下～餐廳入口好黑～差啲搵唔到入口雖然星期二～但都幾多人～～生蠔白酒餐$198～係幾抵～之後我地再散叫一枝白酒$148最唔好嘅就係無黑啤只有手工啤～同紅白酒～生蠔好薄～一般～但白酒算唔錯～之後叫咗$39一隻嘅蠔～幾大隻～好味再叫$18蠔～又唔差海鮮拼盆～等咗好耐～但幾好～魷魚～燒汁好夠～暖暖地～Ham ～男仕食得好滋味～～個海膽多士真係唔好食～好乾最後千層麵就一般～可以嘅～…查看更多

將軍澳呢一間蠔站～其實我已經去過好幾次啦！我仲入咗會添～ 做咗會員喺唔同嘅日子 ～有唔同嘅優惠 ～不過星期六日或者假期前夕～就冇任何嘅優惠嚕～～ 但係都會有10蚊蠔就係因為佢嘅10蚊蠔～所以去咗第一次， 之後我仲去過大角咀嗰間蠔站～～ 會畀將軍澳呢間好食 ，將軍澳哩間我好鍾意食佢哋大蝦米型粉特別喜歡佢哋嘅黑啤～～同埋佢呢隻牌子嘅紅酒 黑啤我記得係68蚊一杯 紅酒就好似二百幾蚊佢哋嘅10蠔～南非蠔係最好食～ 但係因為佢係特價蠔係每一日都唔同～你可以打去問咗先訂枱～ 不過牛扒我就覺得好一般 ，試過有一次超多筋位，400一件扒～食唔到一半～我會叫好多其他小食～炸魷魚同黑松露 pizza 都係我嘅首選 ～～因為可以送酒㗎嘛～～…查看更多