kklung_pig的個人專頁

我成日飛台灣旅行，所以台灣飲料店，好多間我都試過。見呢間新開又試下啦！我同個同事今日5pm去買，我同事叫左杯蜂蜜綠茶係話要少甜only, 乜都無講。個staff話佢呢款飲品無得少甜。咁我同事就話ok啦。之後個staff突然同我個同事講話佢係要少冰既。我地心諗，幾時有request過少冰呀。😩唔知係佢耳有問題定我地表達有問題。之後我就叫左杯抹茶珍珠奶茶。咁我就俾錢啦！放左d硬幣+2張$20紙落收錢個碟俾佢，但個女職員自己無睇清楚,只拎起了一張，然後望住我，認為係我俾少左錢，我話我已經俾足錢，你自己望下先。之後個女職員先如夢初醒，拎返起餘下果另一張$20.但一句sorry都無! 職員低質都算，重點係呢杯抹茶珍珠奶茶堅難飲!😠奶茶味好淡而且珍珠好硬。香港好多間我都飲過晒，好少會用難飲黎形容。唔信既自己去試下就知。…查看更多

其實台灣已經去過N咁多次，但鹽水雞就真係第一次食，仲要在香港食。今日同三位姊妹去開尖沙咀誠品行街，有d肚餓又未夠鐘食晚飯住，所以就買份鹽水雞黎試下。我地叫左份雞胸肉+秋葵+摩芋絲+黑木耳。之後靚仔老闆知道我地第一次食，就建議我地試下少少麻辣話惹味d. 對於唔鍾意食雞皮既我，可以幫我d雞肉走埋皮，我覺得都幾細心，值得加分。另外，摩芋絲好煙韌，夾埋秋葵&黑木耳一齊食都幾夾，感覺唔會好heavy. 老闆都無介紹錯，加左d d麻辣醬汁會更加開胃又唔會太辣。我地下次會再黎試下其他鹽水雞配料既組合。…查看更多