bbellaa的個人專頁

最近成日都好想食日本野，但又唔想食放題，記起有朋友之前介紹我食德美，終於搵到一日得閒出黎食啦我地6點左右就去到，可能因為平日既關係，餐廳都唔算多人，不過我地食完之後就發現出面有唔少人係度排隊輪候緊我地兩個人都唔係食好多野，首先叫左呢個壽司拼盤，擺第一舊壽司入口果下我即刻心心眼真係好好食啊！每一舊都超新鮮！好有係日本食壽司既感覺，真係好感動啊另外叫左個魚生丼，飯上面既刺身一樣係超級新鮮，佢地既飯唔係普通醋飯，係加左d調味既，食落去就唔會好單調睇餐牌果陣見到呢個溫泉蛋天婦羅，最鐘意食溫泉蛋既我即刻要點黎食呢個天婦羅好得意，佢好似用個炸漿整左個好似容器既野裝住隻溫泉蛋，為左唔好浪費任何一滴蛋汁，我一啖食哂成舊，香脆既炸漿同濃濃既蛋汁mix埋一齊，真係好好食呢餐完全滿足到我想食日本菜既願望，未有得去日本又想搵返係日本食壽司既感覺既話一定要黎…查看更多

早排行過見到有間新餐廳，仲要係我最鐘意食既花膠即刻二話不說要入去食！除左有最多人講既花膠湯麵同撈麵，呢度仲有加左花膠碗仔翅同燉品不過今日唔係好餓就先叫兩碗麵試下先！我最期待既花膠湯麵黎啦花膠比較薄，但非常爽口，仲吸收哂蠔汁，好好味啊冬菇好肥美，咬落去唔硬，唔怕頂胃另外都叫左個撈麵黎試下，有足夠既蠔汁用黎撈麵，唔會怕個麵乾爭爭，花膠同冬菇一樣高水準兩碗麵加埋$86，用平民既價錢食到咁多花膠，食到個嘴唇都黏埋一齊下次一定會再黎試埋其他野食…查看更多

一直好想睇利東街既大月亮都唔得閒睇，終於係佢既last day黎到睇佢啦睇完又影完相就係附近睇下食咩好，咁岩想食拉麵就決定入去食啦！佢有幾款湯底既拉麵，全部都好吸引，連叉燒飯都好吸引不過仲有最特別既就係......呢個夏季限定既檸檬拉麵雖然望落好奇怪，但最鐘意試新野既我就緊係要試下啦因為鐘意食叉燒，所以另外加左3塊叉燒叉燒偏瘦，不過都好淋，唔會又乾又鞋檸檬湯底酸酸地，好特別好開胃！中和左豬骨湯既膩，正呢碗一虎拉麵都唔錯，豬骨湯味濃，但又唔會太油膩，拉麵幼身夠滑，又掛到湯汁，好好食啊鐘意食拉麵既朋友如果係附近一定要入黎試下…查看更多

做完野之後見有時間就約左媽媽係mega box飲茶順便行下街，見到呢間下午茶大中小點半價，同埋好多特別既點心就決定入去腐皮卷入面係豆干同埋菇，比較清淡，腐皮好脆口蝦餃皮薄，味道都好鮮，值得推薦同媽媽本身都好鐘意食炸鮮奶，所以一見到就即刻點炸鮮奶好好食，不過稍嫌外皮有少少厚只有表面有幾點芝士，所以食唔出有任何芝士味，有少少失望芋頭糕同蘿蔔糕都不過不失，反而馬蹄糕有驚喜馬蹄好爽脆同好清甜灌湯餃都無咩特別，不過不失呢個好食！大大隻蝦好爽脆，值得推薦魚湯好鮮甜，魚腐吸哂湯汁既味都好正不過入面既蘿蔔就好似煮得唔夠，有點硬同魚腐一樣，魚湯好鮮甜，不過餃子就普普通通啦好香口！炸到卜卜脆，好食呢度好多出面普通酒樓無既點心，魚湯類既食物都好好味，食得出係無咩點落味精既另外煎炸類既食物都做得幾好，好脆又唔會太油或者太乾，總括黎講係值得一試既…查看更多

約左好耐無見既朋友食飯，因為突然好想食生蝦，就決定食泰國菜朋友介紹話呢間出名，咁就食呢間啦！呢餐飯既主角生蝦好新鮮，好鮮甜，不過如果個醬汁係泰國綠色果種海鮮醬就更加好啦！不過不失，菜唔會老，都幾好食既非常足料！成碟粉絲鋪滿海鮮又唔會辣到食唔到，好香口！每次食泰國菜都一定會叫好好味，唔會好油又唔會好乾，燒得岩岩好，令人忍唔住食完一舊又一舊又係另一個泰國菜必叫既野食不過呢個就偏辣，又無咩酸味，我都係比較鐘意酸酸辣辣既口味！另外，因為好掛住係泰國飲果種奶茶既味道，所以叫左杯泰式奶茶黎試下，但都係無泰國飲既風味睇黎又係時候去一次泰國啦…查看更多

星期日放假同男朋友一齊放假訓到中午先起身，訓醒肚餓就去左屋企附近既形點搵野食最後同男朋友決定食Simplylife，因為下午陽光照入黎好靚呀我叫左個牛扒三文治，牛扒係薄牛扒，牛味好濃，煎蛋都好香不過個沙律菜好重草腥味，我唔太鐘意男朋友叫左呢個pizza，超好食啊超多芝士，新鮮蘑菇好好食，我都忍唔住食左兩件放假唔想出遠門既話Simplylife都係一個好選擇，野食好味，仲有室外既座位，而家既天氣坐好舒服…查看更多