yanyan66的個人專頁

今次都係因為去開附近工作，先有機會試到呢間餐廳之前特登搵過香港邊度既西多士好食，聽講呢間評分都幾高下，所以就叫左西多士，仲有黑松露芝士火腿奄列，飲品方面就叫左凍檸茶同凍奶茶嘩！！啲花生醬喺入面滿瀉出黎，個多士炸得好香脆，而且花生醬係用左粗粒版，食落口感非常正。好肚餓既時候有呢種衝擊，實在太興奮黑松露芝士奄列都好好食，芝士醬香濃，火腿份量好多，黑松可味亦都好香，所有野既配搭令到呢個下午茶非常邪惡另外仲想講既係佢既凍奶茶好飲，茶味好香，亦唔會蓋過奶味，非常滿意…查看更多

今次黎左黃埔分店，個人認為呢間食物質素比較穩定，而且裝修吸引同屋企人黎食晚餐，叫左個特盛壽司，一上枱既時候真係好壯觀我覺得每件壽司都好有水準，海膽新鮮，三文魚籽醃得好食，唔會太咸，帆立貝夠厚身，吞拿魚就算係赤身都有魚香唔腥，三文魚油甘魚都有水準，略嫌小卷份量太多另外都有叫到小食同炒飯，可惜唔記得影相。小食種類有好多，天婦羅、炸物、串燒一一俱全，水準亦有保證。主食方面有麵有飯，今次叫既炒飯亦麵色香味俱全呢個餐廳絕對係會不停encore…查看更多

之前經過雅蘭中心，發現呢個位置開左間細細地既Cafe。由出面望入去覺得裝潢好吸引，所以決定入去試下。今次order左明太子三文魚意粉同一杯Mocha。本人好中意食明太子汁既意粉同飲Mocha，所以Menu有就當然唔放過托盤都係木造既，成個感覺好舒服。意粉份量唔算多，不過女仔正常食量既都會夠飽。明太子味唔算好突出，但成個汁好creamy, 意粉亦好掛汁，整體都幾好食。Mocha味道都好，balance到朱古力香同咖啡香，酸度適中，幾岩個人口味。食完之後喺度睇下書，感覺幾舒服同relax。遲啲會再幫襯…查看更多

今次同朋友黎到尖沙咀附近行街，咁行到攰攰地就想搵地方食下午茶，之前都試過呢間餐廳，今次就想食唔同口味既今次Order左Tiramisu Signature Pancake同PAN de PAIN French ToastTiramisu Signature Pancake 賣相非常吸引，之前食開佢地既梳乎厘pancake, 今次就想試下呢款。每塊Pancake中間都有cream, 咖啡粉都撒得好足夠，pancake口感同味道都好，配搭埋d cream感覺滿足。另外一份PAN de PAIN French Toast， 賣相都做得好好，口感外脆內軟，但味道唔太特別。…查看更多

今日黎左呢度買外賣返公司食，有同事推介佢地既炒粉麵，話鑊氣好夠同好食，今日就黎買乾炒豬扒炒烏冬。外賣大概等左10分鐘，拎到返公司既時間野食仲係好熱既。豬扒份量好多，好有驚喜，食落最後發現有5大塊，而且做到外脆內軟，因為豬扒偏肥，油脂香味出眾，個人黎講幾中意但如果有人唔中意食肥豬扒既話就要留意烏冬個調味都滿意，味道香，有鑊氣，但又唔會太咸，而且口感都好，唔會好腍啤啤連埋凍飲$57，我覺得係好抵食，因為佢好大份整體來講滿意的…查看更多

今次夜晚約左屋企人黎呢度食飯，聽人講佢地既意粉好食，就等我黎試下。餐牌簡單，食物只有一頁，後頁係飲品同甜品。今次叫左：蟹肉蟹子明太子扁意粉：覺得呢一款算係冇咁好食，口感好creamy ，可惜明太子味唔太夠，蟹子好多，但蟹肉份量都唔太夠黑蒜油意大利飯現北海道刺身帶子：賣相非常吸引，帶子口感味道好，意大利飯亦有濃厚黑蒜香同夠creamy, 好滿足溫泉蛋黃金卡邦尼意粉：呢款中規中矩，冇乜特別驚喜，但都好食蒜香辣椒蜆肉意大利粉配軟殻蟹：賣相好吸引，軟殻蟹好大隻，炸得香脆，蒜香辣椒意粉亦好出色，蜆肉都有好多紅酒黑椒慢煮去骨德國豬手：非常腍同好食整體都好滿意，但需注意每碟份量偏少，如果食量較多既朋友可能要叫多少少…查看更多

今日黎到深水埗區搵食，同區其實都有幾間台灣牛肉麵餐廳，但有朋友介紹呢間，所以最後就揀左佢做午餐睇餐牌都覺得有好多選擇，揀完餸仲可以揀飯，湯麵或撈麵等等，變化非常多。另外小食款式亦吸引。我同朋友今次就揀左紅燒牛肉配肉燥飯，半筋半肉湯麵，鹽酥大雞扒同埋肉燥青菜半筋半肉湯麵既牛肉同筋口感都非常出色，可惜湯較油膩。紅燒牛肉飯既牛肉亦做到香同腍。肉燥青菜新鮮，但肉燥不多。鹽酥大雞扒非常脆口，雞扒肉厚多汁，唔會好咸整體來講非常滿意…查看更多

成日喺IG都見到有今推介，今日因為工作關係經過附近，決定去試下餐廳位置位於街市入面，餐廳環境不錯，職員友善態度良好坐低左睇餐牌之後，需要自己寫紙同去收銀處落單比錢，水同紙巾都係自助既今日就叫左明太子蝦意粉，加左一份小食柚子蜜糖雞翼，午餐包括左餐湯或沙律，以及飲品，而我今次就揀左沙律，同飲凍咖啡明太子味好夠，蝦好大隻同口感好，小食雞翼亦做到外脆入面多汁，柚子蜜糖味亦都好食，凍咖啡冇乜特別總結黎講喺屋邨街市入面，食左呢間小店既野食，水準不錯，覺得好有驚喜午餐仲有漢堡同牛扒揀，款式多，下次會再黎試其他野食…查看更多