mavish11的個人專頁

今朝喺銅鑼灣新唐記茶餐廳試咗呢個經典早餐套餐，真係好滿足！沙嗲湯底濃郁香滑，係成餐嘅亮點，D醬啱啱好包住牛肉嘅香氣。啲牛肉片一啲都唔un，但又唔稱得上嫩滑，加埋啲彈牙嘅出前一丁，湯麵一齊食真係一流。就係經典茶餐廳風格。唔食加工品嘅我一定係叫太陽雙蛋！蛋黃仲係全生，又唔會有一大pat蛋白未熟，加少少鹽上去，配埋香脆嘅多士一齊食，口感豐富又滿足。多士烘得剛好，我仲叫咗多牛油，塊包唔會太乾，啱啱好夾住蛋白嘅滑嫩。最後講到餐飲，茶味適中，檸檬味清新解膩，甜度亦控制得好，飲落去非常順口，幫整餐平衡返啲濃味嘅沙嗲湯底。整體嚟講，新唐記呢個早餐唔單止飽肚，仲可以感受到用心，係好抵食嘅選擇，值得再嚟！…查看更多

旺角倫敦大酒樓真係有一份懷舊嘅味道，最特別嘅係佢哋仲保留咗點心車，點心車將一籠籠熱辣辣嘅點心送到你面前。今次我拎咗金錢肚、牛肉腸粉、咸水角同埋必叫既蝦餃同燒賣，每樣都做得非常之有水準。金錢肚相當入味，質感軟腍之餘唔會太淋，趙落口感啱啱好，非常滿意。腸粉係係我近一年食過最好味既腸粉，口感非常滑身，亦好想米味，牛肉餡嘅味道鮮美，加埋嗰陣茜味，真係好出色。至於燒賣同蝦餃就係點心嘅經典之作，蝦餃皮夠薄，蝦夠爽口彈牙，燒賣啲豬肉味道濃郁，每一啖都幾飽滿，真係唔會失望。整體嚟講，呢間酒樓嘅點心唔單止味道唔錯，最特別嘅係嗰份懷舊情懷。舊式推車喺現今社會已經唔多見，想重溫呢種經典飲茶體驗，旺角倫敦大酒樓絕對係一個好選擇。…查看更多

晚市優惠三寶真係超級抵食，$398 嘅價錢就包咗咕嚕肉、清蒸海斑同白汁明蝦球。有最好送飯嘅咕嚕肉，餐單寫明條魚會約一斤左右，即係唔洗擔心佢係得手板咁大條斑，蝦球又係好好送飯啦其實今次黎既重點係為咗個一蚊雞優惠！我地揀咗份燒鵝因為我地揀既食物都係套餐，所以落單後好快就上菜喇首先係菠蘿咕嚕肉同燒鵝到先咕嚕肉酸甜味剛剛好，每舊肉都係一口size，但係炸皮唔算好厚，整體口感好好而隔離嘅至尊燒鵝，鵝肉唔會太乾，啱啱好嘅肥瘦比例，製作都算係好認真。入面幾條係蘿蔔條黎既，唔知係咪好似食日餐咁，食少少爽甜蘿蔔解膩呢擺盤又幾有心思喎清蒸海斑係我哋第二道菜，條魚大約一斤，夠晒新鮮同肥美，蒸得啱啱好，保留咗魚本身嘅鮮甜味，啲豉油又唔會太鹹，同行小朋友用豉油撈飯話唔夠汁，仲要加碼最後呢個白汁明蝦球，蝦球非常爽口彈牙，白汁唔會太重手，反而帶出咗蝦嘅鮮味，幾有層次感。酸酸甜甜嘅炸野一向都係最受小朋友歡迎，唔洗剝殼就有蝦食，大人細路都食得好愉快除咗以上之外仲每人叫咗一碗飯最後係食得晒嘅!總括嚟講，$398 晚市食到海鮮小炒仲埋1蚊燒鵝，呢個價錢喺香港嚟講真係好抵，值得一試！…查看更多

閒日下午，見到有間Cafe下午茶，餐牌上嘅焦糖燉蛋吸引到我平時都好鍾意食焦糖燉蛋，但係喺出面好難食到有啱自己口味嘅，所以每次見到都會試一試第二樣嘢吸引到我嘅就係舖頭有落地大玻璃，自然光好充足，一於就行入去試吓向店員要求坐窗邊位之後就即刻點餐叫咗個焦糖燉蛋同埋檸檬梳打梳打：一上枱只係得八九成滿:(焦糖燉蛋：蛋嘅份量太少，質感比較稀。燉蛋內有雲呢拿籽，味道係幾香38蚊下午茶餐加一$42冇嘢做搵個地方坐吓都唔錯下次可能會試其他食物…查看更多

喺鰂魚涌返工，附近嘅餐廳都好高消費平時一係自己帶飯，一係就嚟食粥午飯時間外賣都等得耐，我多數等一陣入嚟堂食粥同炸兩，始終都係親熱食開心啲但今日天氣太熱，臨落單放棄咗食粥一於試吓佢嘅炒麵平時食粥都會叫個炒米粉但係呢一間嘅選擇就比較少只係得炒麵麵嘅份量唔算多，配菜份量都正常面質就偏淋，個人口味鍾意食啲爽口彈牙嘅麵所以就覺得麻麻地每一次嚟必叫炸兩就算佢唔係即炸，都唔會有油益味口感比較硬，但咬落都係脆脆的今次個麻醬好稀好稀，落多一次，都係冇乜味好彩佢啲芝麻夠香，都輸唔晒…查看更多

本身已經經佢個whatsapp度book左甜品放題有幾次已讀不回我都唔知book到未打去另一個電話又User Busy, 完全搵唔到方法聯絡佢地終於book到去到，個侍應喺門口問貴姓答佢嗰時又叫我行入舖先入到舖又問多次佢問我電話我就答佢啦答到第5個字左右佢就毛啦啦另轉身帶位一啲禮貌都無我地兩個人佢安排左我地坐張已經有兩個人坐緊既四人枱隔離枱啲野都放埋這黎咁制未坐低佢就走開左（當時我眼見唔忙）想同佢講掉位都無辦法（之後隔離枱食榴蓮真係超難頂！想嘔！）坐低嗌野食最期待就係焦糖燉蛋同奶凍我同行朋友就叫左啲cake見到細細件好似唔錯就算唔岩食都可以一啖搞掂又唔會浪費點知一食個藍莓芝士蛋糕勁硬！應該係落得太多魚膠粉友人食左另一個芝士蛋糕又係勁難食到焦糖燉蛋，啲蛋又老又無任何奶/忌廉味一心黎到狂食燉蛋既我就無再落order奶凍又硬又唔夠甜，所以都無再嗌友人好比心機試唔同既甜品食得落口既得tiramisu同埋士多啤梨拿破崙好彩都有罐汽水飲友人叫左佢地自家沖調既飲品，淡而無味完全唔知自己飲緊乜所以話我揀左汽水都已經好好總結黎講，員工無禮，啲甜品難食，無下次，因為完全無價值所以無影相，不過淨睇賣相係唔錯既（見到評分果度有個item叫環境補充下）佢全場全程都有播緊歌啲人傾計都唔算嘈但係啲bgm好似爛晒咁好似播緊隻花晒既碟咁聽到個人好煩躁…查看更多