gummy99的個人專頁

雖然夏日炎炎 但最近成日落雨涼涼地都想食返碗粥 平時見到發記門口都會有人排隊 本身我都鐘意食粥同腸粉 就去左試下佢最出名係雞雜粥 不過我今次叫左豬紅粥 啲料好多 好豐富 豬紅亦好靚 粥都係好綿個種再叫左份蛋腸都係好好味 大愛佢既腸粉豉油 唔係死咸個種 咩都係即叫即整 熱辣辣的確好吸引最後再叫左個雞雜炒河 都係好夠鑊氣 睇落細細份其實都幾多不過後來有一次食左雞雜粥 就覺得雞雜配粥更好 發記既粥品出名料多 呢個價錢真係幾親民 加上都會開得比較夜 當宵夜都好唔錯…查看更多

星期五中午同同事出去食坐忘 之前黎 曾經因為太多人排隊而食唔到 但星期五都係可以早少少出黎 馬上選擇經常好多人既坐忘～同事同我都order左 溏心蛋豬軟骨烏冬 大愛佢個溏心蛋 少少鹹但都幾鐘意佢個口感 有多粒就好了$69一個 連埋熱茶 其實性價比都比較高 唔加一而且料多菜多 烏冬質感都唔錯 幾彈牙 湯味都幾鮮同豬軟骨炆得好入味 會再返黎食💪🏻今日12點30到左 兩位都好快入左 見到其他飯類 例如咖哩飯都好香好大份 下次回頭再試其他…查看更多

朋友同我補祝生日 來到火間土想食日本料理 入面既環境絕對係一流 夜晚仲可以望住維港海景 店員亦好服務食物質素唔錯 牛肋骨味道好 配個汁都好好味好好味既peach芭菲 食完仲想食一個不過日本壽司 刺身都係價錢高少少 但氣氛非常好 每人食左$200-300…查看更多

超多謝老闆請食team lunch 又介紹左高質素既餐廳比我地 $100幾蚊 有飲品 湯 沙律 甜品仲有超大份主菜我叫左豬手意粉 好大份豬手 好林好好味煮得好入味 意粉軟硬度適中 唔錯連配菜都好有心機製作 平時食個啲好多都凍 但今次係熱同好有肉汁既味道 位位同事都讚不絕口同事食既羊架 同牛肉都好好味餐廳位置不多 最好訂定位 👍🏻 食物質素高 店員服務態度好 非常推薦大家一試食完成個套餐真係非常飽 可以餓啲先去已經book左星期四會再同朋友食 …查看更多

年三十既lunch去左Seoul bros 大家都唔太餓 所以揀左炸雞同吞拿魚飯 岩岩開始食都覺得唔錯既 不過食落去會發覺比較膩 一定要kimchi/飲品配合先會比較好而本身單點食物份量唔大 建議唔太肚餓既時候食…查看更多

星期二晚同好耐無見既朋友黎左食岩鹽 佢既定食套餐真係幾抵食 $100幾蚊有湯有主食 有雪糕/飲品 其實可以叫左個飲品先 因為like佢地facebook page可以再送Haagen dazs雪糕以下係我地叫既3款定食晚餐：我幾鐘意食佢個沙律 個汁酸酸地幾好味😋 刺身都好新鮮好味 火炙壽司超香好味😋 真係會繼續返兜 由於好耐無見好多野傾 由6點半坐到9點半 侍應都無催過我地 一路幫我地加茶 幾欣賞佢地既服務態度 埋單每人$140 左右 推介…查看更多

星期六上午同屋企人又黎左翠園 新開無幾耐 上次11點幾先黎 都幾多人排隊 今次10點幾就唔需要點等我覺得overall質數都係好唔錯 不過價錢都比較高少少 一分錢 一分貨我最鐘意食灌湯餃 有少少咸但我覺得好味 加啲醋就唔覺咸👍🏻 每次都食唔少另外推介佢既皮蛋瘦肉粥都好味 唔咸 不過就要11點前入座先有 （盅飯都係）煎釀三寶就油膩左少少我媽咪就最鐘意佢個豆腐花 但要注意佢係一桶甘serve 唔係一碗 差啲都食唔晒 我覺得最少3-4人食先好叫 量力而為侍應非常忙 有時都唔太得閒會skip左 不過都理解既…查看更多

今日中午同幾位同事試下呢間川菜 我地叫佢最平既午市套餐 $48-$68 +1小菜加白飯 價錢都ok 上菜都算快 比較欣賞係佢環境幾乾淨同新👍🏻我覺得佢碗酸辣粉唔錯 偏酸 係我鐘意既味道 唔會太辣另外佢個青椒雞丁都唔錯 岩晒唔食得太辣既人口水雞有少少生 整體賣相都ok…查看更多

今日經朋友介紹去左食元朗出名既豬扒飯 價錢都係3 40蚊 味道真係唔錯 塊豬扒好入味同口感好好👍🏻唔會硬同乾真係幾抵食 有時都食唔晒啲豬扒要比埋人地食 平民化餐廳 大份夾抵食！有次想夜晚黎食 先發現原來佢收5點 大家唔好好似我甘😆店內都幾乾淨 唔多人既時候可以慢慢食 睇下電視都幾舒服架…查看更多

終於抽到時間去試位於荃灣既老闆娘雲南米線去呢日係平日既中午 佢開12點 我地大概11:45去到已經見到有人等緊過多5分鐘已經排隊見唔到隊尾 好彩早到 本身都搵左半個鐘先到對唔熟悉荃灣既人黎講係幾難搵既入到去節奏都幾急 叫左碗酸辣米線超香！不負所望 山長水遠入到黎 湯底好濃 酸辣味係我好鐘意既味 推介推介豬大腸都好好味 價錢唔算貴 不過真係要早啲到 唔係就要等好耐喇！呢間絕對唔係可以坐係到慢慢品嘗既 因為位少人又多 想慢慢食真係要嗌外賣至得…查看更多

星期日晚上同男朋友試下寶琳呢間放題 5點鐘入場 價錢係$258 +1 無book位就入到 唔算太full串燒既質素係真的唔錯 幾好食 推介蝦串呢個牛肉壽司都幾好味！都叫多左兩次鹽燒三文魚魚頭幾香幾好食 漁之部屋都做好多宣傳 like左佢fb後送既黑松露鮑魚味道就一般:(海膽魚子軍鑑都幾好味既 最不太滿意係佢既飲品 桂圓熱飲同有個綠茶紅豆飲品都只係飲左兩啖 最後都係轉返汽水 不過服務就唔錯既👍🏻…查看更多

第一次飲芝士奶蓋加茶係深圳 一試已經愛上！每次都點芝士四季春 後來試旺角呢間都一樣甘好味就算全糖都不會太甜 不過我都會揀半糖 因為鐘意佢既茶香突出啲:) 鐘意芝士既人一定鐘意飲呢種飲啊 因為芝士好滑 加上茶味道就好清新👍🏻 …查看更多

星期六晚上黎到元朗都幾出名既平民飯堂 大概8點幾左右到 仍然坐無虛席 好彩等位不算太耐細佬叫左霸王雞飯 $56（晚市價）好大碗又好味 價錢親民 但比較重口味偏鹹:)我吃了兩舊 其實真係唔錯 雞肉嫩滑 最欣賞雞肉同配菜份量多 足料抵食我叫左大什麵 清湯 豬紅蘿蔔係我最愛湯底亦都好鮮味 叫左兩個主食加一杯凍檸茶 埋單都只係$101 食到飽 質素又唔錯 果然係無令我地失望 下次試下食佢個oreo西多士先 有同事話好好食不過就只有下午茶時間先有。…查看更多

天府人家已經同同事食過好多次 位置比較寬敞 不過唔book都真係無位 建議book定先我地每次去都係午市 食佢既麵餐 有辣度既麵係真係幾辣 所以我都會選擇素麵我好欣賞佢地既小食 特別推介涼拌豬耳 棒棒雞同木耳酸辣味道適中惹味 …查看更多

上星期老細請大家食donuts 都有幾種唔同既口味有Oreo, original, caramel 等等我揀左原味 除左面層啲糖霜有啲偏甜外我都覺得唔錯既 不過真係一個就夠士多啤梨味聽講普通少少 但都幾甜…查看更多