les_gour的個人專頁

自問係一個漢堡控， 好多時諗唔到食乜嘢基本上就會食漢堡～ 由外國返咗嚟香港呢一年多已經試過很多間大小店, 雖然香港的漢堡比起外國較為遜色同埋比較貴，burger joys 會係我嘅HK top 3 🍔👍已經食過灣仔間舖幾次，每次質素keep 到我的推介：Cheeseburger (牛肉味重， brioche bun 有牛油香同非常軟熟，經典美味）Mushroom cheese burger (有驚喜，mushroom 好 juicy 😋) Fish burger (香脆熱辣辣，唔想食肉嘅時候就係最好嘅選擇）一定一定要跟 combo 因為薯條🍟都好好食，即叫即炸😍我建議唔需要加任何add ons, 原味是最好的 ❤️應該好快會再返黎😊期待下一次， 會試下佢嘅奶昔 🥤…查看更多

又一間收藏咗好耐嘅純素甜品店 ，一路都冇去因為佢個茶室只有週末先開放～適逢朋友約我星期六行花墟，終於可以一嘗！地方比較隱蔽，要行上一層樓梯，地下亦都冇太多指示... 夠晒隱世 😅（ 不過都唔算難搵）我哋大約2：30到達，坐咗兩枱客，不過好彩仲有空間，佢係一張大長枱應該最多可以坐到八位～有五款甜品可選擇，也有sourdough 外賣。 甜品每款賣相都非常吸引， 但係因為我哋第一次去，所以店主就介紹我哋食 signature 千層酥同檸檬佛手柑tart, 我哋再添加一件新出嘅班蘭蛋糕。朋友要hand pour coffee，我見到有 hot chocolate，話係用純朱古力沖， 有兩款朱古力可以選擇，最後我就揀咗PNG朱古力。我哋個order很快送上， 非常精美 😍 店主體貼提醒，先食檸檬佛手柑tart因為最 light ，再食班蘭蛋糕同千層酥。Wow! 真係冇諗過純素甜品可以做到呢個level， 我本身好鍾意食甜品，但係因為對蛋類敏感，所以好少有機會食西餅 😭但係呢度做嘅甜品簡直係讚讚讚， 如果唔係一早知佢係純素，我諗完全唔會食得出。檸檬佛手柑tart酸甜適中，撻皮香脆，杏仁味出 👍班蘭蛋糕個 cream又香又滑， 裏面配上濕潤嘅香蕉蛋糕同香蕉jam，最後面仲有啲杏仁脆脆，簡直係多重口感， 三個甜品中我最喜愛的一個 😍😍😍😍😍千層酥 ( 揀咗雲呢拿味) ， 店主同我哋講係即叫即唧，所以個酥皮食得出好新鮮酥脆， 配埋個雲呢拿cream，真係好味！Hot chocolate 一啖飲落去，我覺得係好似返到巴黎 🌈 香濃幼滑， 好足料！ 好想旅行 😢朋友話coffee都好飲～好鐘意尼種小店， 同店主傾下偈， 知道佢嘅背景 ，不禁大讚佢非常有心同真係好有才華， 我哋亦都有反映希望佢可以開多幾日，因為得 weekend先可以黎唔係好夠喉 😁😁😁 Highly recommended，我一定會再返嚟， 下次有人生日應該都會呢度訂蛋糕～…查看更多

前後已經嚟過三次 每一次都keep到質素我都係幾個月前先發現呢間餃子舖， 一試愛上 😁舖頭不大，只有十來張枱試過lunch hour黎完全冇位坐同要等好耐...所以最後去咗第二度食～佢的西洋菜餃係我至愛，不過唔係成日有， 所以亦都會食香菇鮮肉餃同椰菜豬肉 👍 下次去會試下佢哋啲創意餃子~本人比較鐘意食湯餃， 但佢個煎餃都唔錯。大大粒鮮餃， 皮薄餡靚又足料 ，配埋個海底椰湯底真係超級滿足🤤🤤越寫越肚餓添 ～😱…查看更多

上網看到食評說一定要訂位， 訂咗八點十五分嗰個時段 星期二晚上準時到達的時候已經坐滿了入座時可以揀想要的套餐和配搭的海鮮～我哋揀咗龍蝦蟹套餐， 再揀八款配搭海鮮和他們的八寶蒸飯配料。第一盤海鮮很快已上枱，但服務非常趕， 感覺不太良好，好似趕我哋食快啲 😢啲海鮮服務員幫我哋預定時間蒸同上碟，但全部都過熟， 完全冇曬鮮味。最後鮑魚同蟹我們因返自己嘅經驗蒸就好好多，終於食到啲鮮甜味。到出八寶蒸飯的時候，見到好足料，但我們已經非常飽 （ 我地兩個都係女仔）， 所以淺嘗細半碗已經全部打包～$278 免加一算係抵食， 服務員基本上 禮貌都唔錯 。但係可惜食海鮮冇鮮味， 同服務太趕，所以未必會再返嚟 😐…查看更多

曾經有人介紹過呢間餐廳，但是一路都冇機會去試。位置方便但是不算太顯眼 要上1/F剛入門口時覺得環境比較昏暗同陳舊坐低拿了餐牌的時候種類看似很多，有些花多繚亂。最後經waitress推介， 要了幾款不同的咖哩及dosa 同 chapati (我就叫咗 menthi mutter malai)上菜比較慢同唔 consistent，我幾個朋友已食到一半的時候我的咖哩才到。但是～一口驚艷到我，好食！好 creamy，好香濃， 令我不禁地一口一口地食下去，最後配咗三塊chapati 餅才食得完 (真係食到美人照鏡 😂）亦試咗朋友們的咖哩，每款都好食 ( 不過唔記得咗啲名 😅）We will return!…查看更多

一直都收藏咗呢間純素甜品店，九月底終於和朋友約定時間一齊去。去到發現選擇不多～只有三款甜品及一些馬卡龍我地覺得 $30 細細的一口馬卡龍實在太貴，所以最後選擇了一款甜品"Madame", 因為其他兩款賣相並不算太討好 ～我們坐低， 影了一兩幅相便開始進食，但係...一叉拮落去的時候已深覺不妙 😐用脆米和朱古力造成的餅底 實在非常非常的硬，木叉是完全拮不進的， 最後更要落手食實在不雅...放入口那一刻油益味好重, 脆米已經唔算好脆, 更是煙煙韌韌的口感, 但是好黐牙 😢我和友人食了一口已經食不下去。面上裝飾的馬卡龍已經浸到好濕潤，完全沒有口感，一入口已經化了。個cream 好似盒裝植脂忌廉的味道 不太自然 😔中間有一小片類似杏仁蛋糕的物體，但已被浸到好濕嘅感覺亦都冇乜味道。成個餅最好食就是果幾粒紅桑子 😅$68/一件pastry， 如果高質素的我會覺得好值，但是這一件餅實在令人太過失望。曾經聽過他們的捲蛋是不錯的，這天沒有機會嘗試，但我諗我也無興趣再返黎。香港有其他更好的純素甜品選擇～…查看更多

和老公 date night， 鎖定了尖沙咀的 Pici 因為好耐冇出街食意粉 🤤星期日晚7:30pm左右去到但也即刻有位坐 (註：不設訂位）上網睇到推介 tasting menu， 原來係可自選兩個starter，三款意粉及一款甜品 to share，$290/一位 (no service charge)Starter 要咗 cold cuts platter 同 tuna tartare 都唔錯。隨餐附送麵包，但可惜是凍的同有些硬😢Pasta 叫 lasagna, pappardelle with pork ragu 同 ravioli alla norma三款意粉都高質，不過最精彩係手工pappardelle；口感一流，同pork ragu 配搭係一絕，不知不覺已清空了成碟 😍甜品選 tiramisu ，可能我已經太飽嘅原因，所以覺得一般，食了兩啖已畀我的老公幫手消滅埋佢 😅Service 不錯，有禮貌同幾有熱誠。下次想食手工意粉時都會再返嚟！…查看更多