野口's Profile

早上十一點半，時間比較尷尬，食早餐嫌少，食午餐又未有胃口。在佐敦，就去了這餐店食食物方面，友人叫左個常餐要差燒通粉，同一杯熱檸茶，我自己就散叫左一個火腿奄列。差燒通粉，只係不過不失，同一般茶餐廳的質素沒異。奄列除左大份點同熱之外就只係一般。32蚊一份奄列，貴出面普通茶餐廳一倍, 點可以唔大份過平常茶餐廳?!不過這餐廳最令我難忘的是其極差的服務態度。見餐廳職員好忙，一人捧住兩碟野，唔知碟野係邊個客，所以好心問個職員手上的是否我的火腿奄列。點知俾個職員怒啤話唔係，之後仲要好似想殺左我的眼神啤住我。之後有個阿伯見職員忙，唔想煩到侍應, 所以見餐廳有位自己坐，這是香港一般茶餐廳常見的搵位坐方式。點知俾個職員喝罵。雖然人均消費只是三十多元，但唔該俾返基本的服務態度啦。食物幾好食都無用，侍應服務態度惡劣，我就唔會有下次。無理由俾錢食野仲要受侍應的氣…Read More

女友生日, 入來長州慶祝, 順便享受一下離島的優閒時光記得幾年前, 曾經在這兒吃過紅豆餅同日式手卷. 家庭式的服務, 好WARM的感覺, 所以今天打算再次幫襯.打算下午茶時間, O係依度食少少野, 坐下HEA下一去到個窗口, 問有無得坐O係入面食. 個職員就話要買套餐先可以入去坐, 有最低消費的. 其實果刻都唔太好受, 好似好市儈的感覺. 但打開門做生意, 要賺錢都無可厚非.點了一個腸仔手卷套餐同蟹柳手卷套餐, 每人一個紅豆餅, 同一壺玄米茶. 玄米茶味道本身較淡, 同紅豆餅或手卷這些較濃味的食物配合得好. 紅豆餅, 每個都食騰騰即叫即做. 內裡的紅豆新鮮, 真材實料食完, 我地坐多一陣, 聽著店裡播著柔和的音樂, 坐在家庭式佈置的食店內上網看看報紙, 打算享受一下悠閒的環境時, 果個日本女店主好惡走埋黎, 對我地講左一句"Overtime". 聽到依句真係無名火起, 仲唔立即走咩? 個日本女店主就連送別我們都沒有做呀 (當然, 我並唔希罕這些公式化的儀式)其實當天係星期二, 而當時店內一個客人都沒有, 點解要將我地趕走? 故鄉俱樂部的故鄉這兩字, 不是要俾客人有一種悠閒, RELAX, 有如回家好WARM的感覺? 沒有之餘, 連最基本的服務態度都沒有. 今次, 我對這食店多年良好的印象徹底毀滅了…Read More

夜晚來依間野食晚餐,諗住平日食開見城,過來試下新野, 點知出事點菜時, 個女侍應見我看左好耐MENU,佢已經好唔耐煩.當我開始點菜, 個女侍應以為我地只係要2個魚生飯, 即刻黑口黑面. 而家我幫襯你, 仲要受你氣? 這是什麼態度埋單時, 原本話六百幾, 之後又話計漏兩罐啤酒O既價錢,要再埋過張單. 唉,我都小心自己計多一次,費事你又計錯. 之後個女侍應叫我O係碌卡紙上寫低個銀碼. 果刻火到黎. 而家我冇錢俾嗎?隔黎台一對外國人叫吞拿魚腩, 個女侍應唔係好識講英文, 叫另一個職員同依兩個外國人講吞拿魚腩要六百幾蚊,問佢地係唔係食.個餐牌已經寫左價錢啦, 仲問人地六百幾蚊係唔係食, 咁你係唔係覺得人地俾唔起呀?依D咁差O既服務態度, D野食幾好食都冇用啦. 依次係第一次, 亦係最後一次…Read More

服務簡直係不知所謂夜晚9點40分去到, 叫個侍應落單, 要左個二人餐. 首先, 大熱天時, 一杯水都冇, 簡直係奇怪. OK, 你話係環保.一直O係度等左15分鐘, 飲品未黎, 連拼盤都冇. 心諗唔對路, 可能落漏單, 所以問經理. 經理過左去櫃台一陣, 之後問邊個侍應落18號台O既單, 果個幫我落單O既侍應O係度笑, O係佢個袋度拿返幫我落單張紙, 走去個櫃台. 其實果時已經冇乜客, 咁都可以落漏單, 真係莫名奇妙. 本身都火火地, 另一個經理同我地講唔係落漏單. 事實係點, 大家心知肚明? 張單係寫左2157落單D野食一係唔黎, 一係就突然間出現, 不過只係兩杯凍檸茶同一個海南雞飯. 我地要再同佢講仲有一個麵未黎, 佢先急急腳俾我地. 麵黎到, 同佢講仲有個拼盤未黎, 佢先至去整. 個侍應落漏單, 之後O既服務仍然係咁唔上心, 唉...講返食物, 海南雞D肉"鞋"的, 避風塘茄子D蒜一D味都冇, 茄子好濕. 其餘食物例如豬頸肉, 炸蝦只係一般.埋單時, 因為佢地埋緊數, 所以唔可以用八達通俾錢 =.=. 依D係咩服務方式?…Read More

O係明將午餐由於做緊四十四元(另收加一)自助壽司, 所以好多人排隊, 都要等15分鐘坦白講, 四十幾蚊任食壽司, 好難要求有高水準, 亦都唔會要求有日本料理O既環境同服務. 水準算係可以接受啦.冇野特別好食…Read More

O係依度晚餐, 叫左咖哩雞農夫包同咖哩牛腩農夫包.咖哩汁係分開上, 隨自己喜好加落包度. 咖哩汁好香牛腩好"林", 幾夠味. 雞肉肉質幾好.個包好大, 最初因為個飽夠熱, 所以覺得好食. 不過一凍左就覺得麻麻…Read More

前日在新星食下午茶, 兩個人叫左:鳳爪: 一般雜綿蓀飽: 一般流沙飽: 幾好食, 值得一試. 味道唔錯, 不過如果口感可以再"沙"D, 會更好食燒肉米粉: 份量好少, 不過4.8元, 唔要求得咁多牛仔骨: 好好食, 好"林", 又有少少脂肪, 正! 不過其實一份18.8, 份量少左D. (唔及澳門媽閣長城燒烤o既牛仔骨咁好食,)…Read More

昨晚去泉章居晚飯, 叫左二人餐, 包括一客鹽焗雞同兩個小菜. 兩個小菜叫左粉絲什菜煲同椒鹽豬扒.鹽焗雞好好食, 好滑同好有雞味, 真係一定要叫.因為叫左鹽焗雞同椒鹽豬扒咁油, 所以叫什菜煲, 冇咁濟好滿意依個二人餐…Read More

15/11 下午到椰林芳午餐. 餐廳係大街上, 唔算難搵, 不過個門口唔似食肆叫左巴東牛肉同酸辣雞. 兩個送都幾好味, 用來送飯幾好. 酸辣雞O既酸同辣味都適中由於我去果時得兩台客(計埋我地), 所以上菜速度幾好. 不過去得長洲玩就係解除束縛, 多等一會都冇所謂的…Read More

14/11 晚上到羅馬餐廳晚餐叫左鹽焗雞, 雜扒鐵板餐同埋炒蜆鹽焗雞--- 雞的份量好多, 肉質幾好, 唔"鞋", 有雞味, 食得過雜扒鐵板一般, 也值得一試炒蜆--- 好正, 份量多過廟街好多, 而且得兩隻未"開口", 個汁好正…Read More

今日下晝去依間野買三送飯, 我幫朋友買埋, 一共買兩個.我俾完錢去旁邊揀送. 揀完一個, 我話仲有一個, 要... 依個時候, 夾送果個女人話, 我點同一時間夾兩個俾你呀? 果刻條氣已經好唔順.佢夾晒兩碟送, 我話我拿左一個先, 一陣返來. 果個人好串咁話: "你拿到兩個咪拿晒佢law." 我同你講聲返黎拿第二個, 你需唔需要咁串? 依D係乜服務態度?!!!我係以後唔會再O係依間野買!!!…Read More

夜晚黎毓民食dinner, 點左香蔥雞飯, 牛肉麵, 酥炸排骨. 飲品有青檸柑桔同香蔥雞飯的雞絲好味, 肉質唔鞋牛肉麵o既牛肉, 蘿蔔都好林, 好有味, 個湯o既味道都好好薑蜜o既薑味好足, 如果鍾意薑味o既, 應該會覺得幾好飲…Read More

今天在這裡食lunch叫左鍋貼, 菜肉雲吞麵, 蘿蔔麵同豆漿個人意見, 鍋貼同菜肉雲吞都好食, 但唔係太特出豆漿o既味道好好, 甜味適中, 飲完一杯真係想叫多杯蘿蔔幾甜都幾爽可能生意都幾好, 所以有時侍應會漏左我o既order…Read More

今晚o係依度食dinner, 叫左牛南米同牛展擔擔麵牛南真係好林, 好有味, 真係好好食. 個湯好清, 但d牛南都好有味. 而銅鑼灣華南粉麵, 牛南麵個湯就濃d. 其實佢地係兩種唔同煮法牛展就不過不失不過, 有樣野影響到我食慾, 就係o係我視線範圍內見到放住其他客人食剩o既野o既筲箕, 衛生方面就可以做返好少少…Read More

去左沙巴食lunch, 叫左海南雞飲同細肉骨茶海南雞飯--- 味道不過不失, 肉比較"鞋". 但計埋加一要七十蚊, 我寧願去好時沙嗲, 又平過佢, 又好食過佢肉骨茶--- 比起我o係馬來西亞食果個, 味道濃d, 好飲d…Read More