Aquaswimer的個人專頁

夜晚收工，拖住老公仔嘅手，諗住慰勞下自己成日返工咁辛苦💪。唔想煮飯，又想食好嘢，就決定去盲測一間餐廳🍴。餐廳入面盞巨型吊燈勁搶眼，光線夠晒，坐得好舒服。雖然冇包廂，但係靠窗邊嘅位都幾開揚，可以望下街景。成間餐廳都好熱鬧，聽到隔離枱啲人吹水，感覺幾輕鬆㗎。不過提提大家，呢度要收加一服務費，茶位費每人12蚊。上湯焗澳洲龍蝦伊麵：8/10。龍蝦肉質彈牙爽口，啖啖肉，加上濃郁嘅上湯，真係好惹味😋！伊麵索晒啲湯汁，食落好入味，不過如果可以再彈牙啲就好喇。呢個價錢嚟講，我覺得都算抵食，起碼龍蝦夠新鮮。瑤柱貴妃雞半隻：7/10。雞皮爽脆，雞肉嫩滑，帶有淡淡嘅瑤柱香味。不過我覺得可以再入味啲，如果可以配埋薑蓉就perfect池啦！半隻雞兩個人share啱啱好，唔會太膩。明爐燒鵝皇：9/10。燒鵝皮脆肉嫩，油香四溢，真係令人食指大動🤤！佢哋嘅燒鵝真係招牌菜，好多人都係為咗佢而嚟。咬落去啲肉汁喺口入面爆開，真係正到冇朋友！雖然價錢唔平，但係絕對值得一試，物超所值！清蒸東星斑仔：7.5/10。東星斑肉質細嫩，清蒸嘅做法可以保留魚嘅鮮味。不過我覺得火候可以再控制得好啲，有啲位蒸老咗。整體嚟講都算唔錯，但係如果可以再提升就更好啦。蜜椒金薯牛柳粒：6/10。牛柳粒炒得幾香，但係有啲韌，金薯就比較甜，同蜜椒嘅味道唔係好夾。呢個菜我覺得可以skip咗佢，試其他嘢可能會更好。呢間餐廳嘅嘢食都算有水準，特別係佢哋嘅燒鵝皇，真係必點！雖然價錢唔算平，但係我覺得都值呢個價。成餐飯食得好飽，好滿足🥰！下次都會考慮再嚟試下佢哋嘅其他菜式。不過記得book定枱先，因為佢哋真係好多人㗎！…查看更多

午市時段同同事蛇去灣仔chill個lunch。兩人選了$268/人的午市套餐～紅油貴妃雞 (7/10)雞肉嫩滑不柴，紅油香麻卻不嗆喉，可惜醬汁稍少。筍尖鮮蝦餃 (9/10) 🌟 🌟 🌟 🌟薄透外皮下爆出彈牙鮮蝦，筍丁脆爽提鮮，真啖啖鮮味！蜜汁叉燒酥 (8.5/10)  🌟 🌟 🌟微焦酥皮+半肥瘦肉丁，咸香間又有蜜甜味，鹹甜平衡💯 但放涼後油膩感浮現⋯⋯建議上桌3分鐘內消滅！奶香合桃露湯圓 (7/10)溫熱濃稠，好足料。懷舊芝麻卷 (7/10)芝麻香偏淡，雖然有傳統的Q彈煙韌但風味普通。是日燉湯：椰子螺頭燉雞 (8/10) 🥥清澈湯頭有陣陣椰香溫柔包覆老雞鮮味，螺肉嫩中帶脆，飲完暖笠笠！榨菜火鴨絲炆鴛鴦米 (9/10) 🌟 🌟 🌟 🌟全場MVP！米粉香氣十足，鴨絲量夠大方，如果配XO醬更是一流✨💡 總結：🍜  $268套餐CP值在種類足！12:30入座到14:00離場，出菜間隔約15-20分鐘，節奏岩岩好👌 呢度沒開瓶費可以帶酒放鬆ℹ️ 實用資訊> ｜人均：$268套餐+$30茶位+10% (約$330)> ｜泊車：消費滿$600享3小時免費> ｜訂位：OpenRice/官網> ｜彩蛋：私密包廂免低消！…查看更多

星期二中午同老公排休一日，終於可以甩身唔使對住電腦💻，去咗荃灣Sol House Oyster Bar And Restaurant食個慢活午餐。餐廳裝修走工業風，灰牆襯木枱，吊燈暖黃光幾舒服😌。窗邊位透自然光，坐低望住街外人來人往，反而有種「我哋偷到半日閒」嘅小確幸。侍應態度唔會太熱情但貼心，幾啱我哋怕嘈又怕被迫傾偈嘅性格～1. 野菌蘑菇湯 🍄🫶🏻🫶🏻🫶🏻🫶️一上枱就聞到濃濃菇香，質地creamy得嚟有細碎菌粒，飲落去好順喉，唔會水汪汪或者粉感重。微暖嘅溫度啱啱好，如果多返少少黑胡椒提味就更正！2. 烤美國雞胸蘋果沙律配檸檬油醋汁 🥗🫶🏻🫶🏻🫶🏻雞胸烤得唔乾柴，有淡淡香草味，蘋果片爽甜中和咗肉嘅厚重感。油醋汁酸度輕盈，但沙律菜種類可以再豐富啲，而家食到底有少少寡。3. 酥炸魷魚圈 🦑🫶🏻🫶🏻🫶🏻🫶️炸衣薄脆，魷魚圈彈牙唔韌，點埋他他醬好開胃～份量夠兩個人share，如果炸得再乾身少少就更完美。4. 烤自家製芝士牛肉漢堡配炸薯角 🍔🫶🏻🫶🏻🫶🏻🫶🏻漢堡包烘到微脆，牛肉厚身多汁，芝士半溶狀態好邪惡😈！薯角炸得金黃，外脆內軟，但略嫌調味偏淡，自己落多兩轉黑椒同鹽先夠喉。5. 凍Cappuccino ☕🫶🏻🫶🏻🫶🏻咖啡味算濃，面頭奶泡打得綿密，但甜度固定咗，對我哋嚟講有啲過甜，下次可能要叫少糖。一餐食落嚟，整體幾舒服，食物質素中上，價錢合理（埋單$200頭）💸。最鍾意係個漢堡同魷魚圈，蘑菇湯都值得encore～環境唔會太逼，適合兩公婆靜靜傾偈。如果沙律同咖啡可以再調整下就更好啦！…查看更多

今個 weekend 約咗班大學師兄弟出嚟聚舊，揀咗喺觀塘嘅 Mini Friday 食晚餐，成班麻甩佬梗係要搵個地方坐得舒舒服服，可以大聲講大聲笑㗎嘛！🍻黑松露雜菌湯打頭陣個湯熱辣辣，黑松露味勁香濃！🍄 飲落去好 creamy，唔會太稀或者太杰，入面仲有啲雜菌粒增加口感，作為開胃湯合格有餘，暖咗個胃先！😋小食拼盤  一大盤上枱，有齊薯條、雞翼、洋蔥圈、炸芝士條等等，份量十足！樣樣都炸得幾香脆🔥，不過味道就正常發揮啦，冇乜太大驚喜，但勝在種類夠多，啱晒我哋呢啲選擇困難症嘅人 share，一人一件好快清晒！🍻卡邦尼意粉意粉嚟啦！🍝 呢個卡邦尼醬汁都幾 creamy，芝士同煙肉味都算濃郁，意粉煮得啱啱好，唔會太腍，有少少 al dente 口感👌。不過食得多可能有少少 heavy 同漏，最好就係大家開心 share 啦！黃金廣島蠔烏卒卒意大利飯 呢個飯個名夠晒盞鬼！個墨汁飯底煮得好入味，唔會有腥味，飯粒濕潤得嚟又唔會太爛，仲有少少咬口👍。重點係嗰幾隻廣島蠔，大大隻脹卜卜，炸到外層金黃香脆，內裡仲保持到蠔嘅鮮甜同濕潤🦪，配埋個飯一齊食，口感味道都好豐富，呢個有驚喜喎！✨檸檬牛油忌廉汁比目魚食完啲濃味嘢，轉食返個魚平衡下。塊比目魚煎得幾靚，外皮有少少焦香，魚肉保持到嫩滑細緻🐟。個檸檬牛油忌廉汁做得唔錯，檸檬嘅微酸正好中和咗忌廉嘅膩，酸酸甜甜幾開胃，同魚肉好夾！😋芝味粉炸全雞 嘩！全晚焦點嚟啦！🤩 成隻炸雞上枱，視覺效果滿分！📸 炸雞外皮超級香脆，一切開啲肉汁流晒出嚟，雞肉嫩滑到不得了！🍗 面頭灑滿芝士粉，鹹鹹香香，令味道更加惹味🧀。成班兄弟一人一件，扯住嚟食，勁有風味！呢個必點！💯心太軟配雪糕 食到最後，梗係要用甜品畫上完美句號啦！個心太軟一切開，暖笠笠嘅朱古力漿即刻湧出嚟🍫，朱古力味夠濃，唔會太甜。配埋旁邊凍冰冰嘅雲呢拿雪糕，一啖熱一啖凍，口感雙重享受，為呢餐飯完美收尾！🍦❤️今次喺 Mini Friday 同師兄弟聚餐真係食得好滿足、傾得好盡興！🥳雖然有啲菜式不過不失，但以觀塘區嚟講，性價比算唔錯。成班 Friend 嚟 gathering 絕對係個好選擇！🙌…查看更多

上個禮拜同男友去咗鑽石山嘅「台蔡滷肉飯」試吓台菜，成個鋪頭細細間但好有台灣feel㗎！😆 門口掛住啲紅燈籠，入面啲枱凳都係木製，燈光偏黃幾溫馨，播住台灣舊歌，成個氣氛幾似台灣街邊小店。坐低之後店員好快手遞menu，仲推介咗幾款招牌菜，我哋即刻睇中咗幾樣嘢食～爆蔥滷肉飯+溫泉蛋 🔵🔵🔵🔵滷肉肥瘦適中，醬汁唔會太咸，撈飯一流！😋 爆蔥真係冇呃人，灑滿咗炸香嘅蔥花，咬落去脆卜卜。溫泉蛋一篤穿，蛋汁同滷肉撈埋一齊，令成碗飯更加滑溜，正！台味滷肉+溏心蛋  🔵🔵🔵⚪相比爆蔥版本，呢個就傳統啲，滷肉偏甜少少，啱晒鍾意台灣古早味嘅人。溏心蛋煮得啱啱好，蛋黃流心程度滿分！不過個人覺得如果滷汁再多啲就更加perfect喇～芋泥豬軟骨 🔵🔵🔵🔵呢個好特別！豬軟骨炆到好淋，入口即化，面頭鋪咗層芋泥，鹹甜夾埋一齊出奇地夾！芋泥綿密又香，同豬軟骨嘅膠質好襯，係今餐嘅黑馬！👍九層塔鹽酥雞 🔵🔵🔵⚪炸得幾香脆，九層塔味好出，咬落去juicy唔乾。不過略嫌粉漿厚咗少少，如果脆皮再薄啲就更好。配埋啲椒鹽粉，好快就清晒一碟！白桃烏龍茶+寒天 🔵🔵🔵🔵飲落好清爽，白桃味好自然，唔會假甜。寒天加咗少少咬口，飲完解膩又唔會太飽，同滷肉飯好夾！🍹  今次試咗「台蔡滷肉飯」真係幾有台灣風味，尤其係滷肉飯同芋泥豬軟骨，味道好地道！環境雖然唔算大，但坐得幾舒服，服務都幾快手。如果鍾意台菜嘅朋友，不妨嚟試吓～💯…查看更多

就喺我生日嗰日，男友帶我去左位於旺角嘅「一鍋堂」食晚飯🎁。呢度環境好有趣，簡潔之餘又唔會過分簡單。有一面牆全擺咗火鍋料👍🤩。食物🤤🤤🤤🤤🤤環境🏮🏮🏮🏮🏮服務👍👍👍👍👍我地點咗""晚餐Set A🍲""。真係食材新鮮，齊齊整整。最出色嘅一定要數芝士豆腐🧀。食落去外皮好脆，內裡嘅豆腐同芝士嘅滑感好match到! 芝士香滑得來又唔會好膩😍。另外精選進口牛板腱🥩，切得剛剛好，煮熟後食落口感覺非常滑嫩，清甜透味，一咬落去感受到肉汁嘅爆發 ，超靚呀👍！火鍋中，我地仲叫咗紐西蘭羊捲肉同花雕浸鮮雞件。羊肉嘅味道夠濃郁，加上花雕雞，簡直係鍋中之寶。雞肉嘅肉質處理得好好，煮熟後加埋醬汁，真係好食到停唔到口😊。而佢哋嘅養生藥膳湯底🍲就絕對值得一讚，滿滿嘅中藥香氣，足以彰顯出火鍋料嘅精華味道👍。全晚下來，我同男友都好滿意。如果你搵緊一個地方同另一半共度浪漫時刻，一鍋堂將會係你哋嘅最佳選擇😊👍！…查看更多

一日行緊街，見到好多人約咗就由荃灣嘅火鍋店""一鍋堂""，睇望下佢地菜單，原來有咁多選擇，立刻決定叫埋老公一齊試。我地就點左個晚餐Set A，應有盡有，85款食物任叫🤩。1️⃣首選︰精選進口牛板腱首先嚟個進口牛板腱🥩。佢好扎實，味道足，見佢咁嫩滑，口感一流，一試即知。2️⃣接著：西班牙栗飼豬肉再嚟個豬肉🐷。唔似一般嘅豬肉，佢用嘅西班牙栗飼豬肉味道特別，肉嫩味美，每一片都好惹味。3️⃣再者：去皮豬五花肉片再有去皮豬五花肉片🥩，我會特別推介呢款。豬五花肉片既嫩又香，既滑又脆，味道亦十足。4️⃣繼續：紐西蘭羊卷肉羊卷肉🐑決定唔會讓你失望。濃厚嘅羊肉味道醇厚香甜，平衡得剛剛好。5️⃣開始：半殼帆立貝而半殼帆立貝🐚亦凸顯出一鍋堂嘅特色。味道鮮美得宜，汁味俱全，絕對係鍋物必點之選。6️⃣最後：冰山蚌最後絕對唔少得冰山蚌🎣。冰山蚌鮮嫩口感，再搭上火鍋鍋底，味道令人難以忘懷。一個字：正！同鍋物舖一般唔同，佢將香港風味結合火鍋，新穎之餘又不失本色。賣相好，食材新鮮，環境舒適，服務亦算週到，每人三百幾蚊已經包咗飲品同食物，超值得嚟，唔試一試可惜嘞👍🏻！之後梗係會再約埋班友仔一齊嚟！…查看更多

牛角包窩夫秘製慢煮手撕豬|布雷斯特煙肉醬|太陽蛋好大份！太陽蛋係煎得有少少燶邊會少脆手撕豬都堆滿咗一堆所以嘢加埋一齊食會好豐富(^o^)牛角窩夫都係脆脆甜的但我都係鐘意食甜食的牛角窩夫多啲法式鄉村鐵鑊早餐有炒蛋，薯餅，南瓜，窩夫，大啡菇，乳酪第一次見到全日早餐有南瓜~_^薯餅炸得好脆大啡菇多汁牛角包窩夫牛油果，明太子，蝦肉呢係第二個牛角窩夫(^○^)同樣都係好大份蝦肉係炸的而且佔滿了明太子啖啖都好滿足窩夫同樣係脆同甜(*^o^*)手製比利時窩夫新鮮香印提子｜忌廉｜雪糕窩夫係香脆的個款配上大量忌廉同雪糕食好好食！提子都係甜的(^_−)−☆…查看更多

旺角多野食係人都知🩵但邊間好食未必知，旺角咁多餐廳，我經常都會去唔同既地方食，不過今次就食到好難忘💜有日同男友一齊去（泰）既餐廳，就係食泰國菜，點知食緊既同時，同男友都係咁講好食💛男友係咁話下次再食，仲興奮到向職員比意見，不過我就鐘意低調🩷所以係度比個好評就算：💖泰式沙嗲串燒💖呢個就係沙嗲串燒，串燒燒出來既肉質好結實，同時又有好香既肉味，剛燒好所以好香，有豬、牛、雞，共有6串，沙嗲味好豐富，不論係豬牛雞，都非常好食，肉質好嫩，外香內軟，燒得好靚既串燒💖泰式炒粉絲💖粉絲都有泰式既煮法，食到有泰式既調味，粉絲口感煙煙韌韌，重要係粉絲入晒佢地既醬汁，炒得有獲氣，仲有芽菜，炒得好食💖炭燒大鱔💖串燒既話可以食大鱔，係用炭燒燒到外面好香好脆，燒到乾乾地，就係最佳既狀態💖海南雞💖全隻海南雞好厚肉，泰式既海南雞好開胃，雞香味道十足，雞肉好滑身，做得剛好不油膩，雞肉容易去骨，食起來好方便…查看更多

呢排朋友圈都打卡呢間餐廳👅今次我都來湊熱鬧，呢度真係好多好野食，入面既食物認真夠特別夠正宗！💯沖繩水雲💯松葉蟹凍蛋💯鴨肉鬆風💯蜜柑寒天💯 沖繩水雲超級靚，打卡一流！口感清新，食落去感覺口感增添了層次。松葉蟹凍蛋，蟹肉的鮮味與蛋的柔滑口感完美結合。鴨肉鬆風，好惹味。蜜柑寒天，清爽解膩。💯A4和牛💯肉眼💯西冷💯肩肉💯質地嫩滑，帶有豐富的油脂。每一口都能感受到牛肉的鮮美風味，肉質的口感非常豐富。💯茶碗蒸💯味道清淡純正，帶有微妙的蛋香，使整道壽喜燒更加平衡。👍🏻👍🏻整體上食物製作菜式都好用心，花咗唔少功夫，價格合理,$580位,一定一定會再支持！ …查看更多

😀我好中意時間餃子，就上網睇下屋企附近有咩好野食推介，選擇左呢間《米走雞》 😀好有特色，就即刻決定試試—好多不同既餃子可以食！😀菠菜餃@@@@😀鳳城水餃@@@@😀雲吞@@@@😀M5和牛餃@@@@😀韭菜餃@@@@菠菜餃，餃子皮薄而筋道，包裹著鮮嫩的菠菜餡料，口感清爽，味道鮮美。鳳城水餃包括豬肉、蝦仁等，口感鮮嫩多汁。鮮嫩的雲吞皮包裹著香氣四溢的餡料，湯汁鮮美。M5和牛餃和鴨肝。口感細膩，帶有濃鬱的牛肉香味。😀鴨肝M5和牛丸@@@@好非美好重肉味，而且軟硬適中，非常好食。😀杞子花膠膠原鍋@@@@花膠的鮮美和杞子的營養結合在一起，滋補養顏。😀青花椒牛舌@@@@牛舌肉嫩滑可口，配上青花椒的麻辣調味，味道獨特。😀蟹柳@@@@口感鮮美，帶有海鮮的甜味。…查看更多

雞肉紫蘇卷，炸鮮蠔同免治鴨胸串揚都係炸串，雞肉紫蘇卷係用紫蘇葉包住雞肉去炸，一咬落去就食到紫蘇既甘香，配上嫩滑既雞肉，雙重口感‼️炸鮮蠔一咬就食到滿滿蠔味，肥美既蠔肉炸完都仲好大隻好香‼️鴨胸串就最特別，鴨胸係免治肉，攪碎晒好軟腍，外皮上面仲有啲燒肉碎，味道更正‼️牛舌同芝士蕃茄雞肉就係串燒，牛舌都幾大塊，肉質厚實，煙煙韌韌，表面仲有啲焦香添‼️芝士蕃茄雞肉就味道好有層次，食到蕃茄既酸，芝士既咸香，雞肉既鮮嫩，配合得好好‼️仲有好特別既炸雪糕，真係原個凍冰冰既雪糕拎去炸，但炸完啲雪糕都唔會溶，完全係外脆內軟，冰火交融，好刺激呀‼️飲埋杯冰凍既手工啤酒就最爽啦！…查看更多

呢間火鍋店試完，即刻喺好姊妹群組分享，下次會再同好姊妹黎食。首先，餐廳裝飾好有特式，而且價錢相當相宜✅🦞爆膏瀨尿蝦🦞賣相非常精緻，肉質彈牙有嚼勁，放入湯底，增添湯底新鮮海鮮味。瀨尿蝦膏口感豐富多層次，奶滑順口，係不容錯過嘅美食。🪷蓮藕片🪷清爽可口，吸收滿湯底濃濃既精華，仲有拉到好多絲，超級滿足。🐷濟州豬腩肉🐷豬味濃郁，肉質口感滑順，令人非常滿足。加上招牌滋陰補身鴿子湯，清甜既味道，更帶岀豬肉既鮮味。🐦 招牌滋陰補身鴿子湯 🐦湯底清甜香口，肉質順滑，非常足料，重好滋陰，啱哂鍚身既朋友仔。…查看更多

同男朋友黎米走雞食火鍋，餐廳係渣甸中心3樓，地方頗大，裝修以復古風位主，座位係沙發座，坐得好舒服。🤤🤤🤤🤤🤤🤤🤤🤤🤤🤤🤤🤤🤤🤤🤤蕃茄粟米湯搭配竹笙、䈑筍、蟹籽鮮蝦滑，以及霜降prime牛板腱和日本鮮帶子，絕對是一個豐富又美味的火鍋。湯底篇🍲首先，蕃茄粟米湯的底是以新鮮的蕃茄🍅熬製而成，散發出濃郁的番茄香氣，添加了粟米🌽，賦予了湯的口感豐潤和甜味，讓整道湯更加濃郁美味。蔬菜篇🥬接下來，竹笙吸左湯汁，每一口竹笙就有一啖湯，滋味多重。䈑筍鮮嫩爽脆，味道清新。竹笙的脆爽口感與䈑筍的鮮嫩相輔相成，帶來層次豐富的食感。手製丸篇🍡蟹籽鮮蝦滑彈牙又爽滑，入面更有粒粒蝦肉。蟹籽為蝦滑帶來了微微的鹹香，配上番茄粟米湯的酸甜味，令蝦滑更加鮮甜。肉篇🥩最後，霜降prime牛板腱和日本鮮帶子的加入提升了這道湯的豪華感。霜降prime牛板腱的肉質鮮嫩多汁，與湯的口感形成了絕佳的搭配。而日本鮮帶子的鮮美和鮮甜的口感，使湯更加豐富且令人驚艷。…查看更多

Happy Friday約朋友嚟旺角貓Cafe治瘉一下工作上嘅辛苦，店舖有超多貓貓，每一個地方都非常療癒。除咗玩貓之外仲有美食等我哋，我地決定點了三道不同的主菜，分別是1️⃣車打芝士肉醬薯條配濃厚芝士醬、2️⃣香煎大蝦法式他他醬墨西哥夾餅配炸薯角，還有3️⃣炙燒原條鰻魚炒滑蛋漢堡配炸薯角。車打芝士肉醬薯條配濃厚芝士醬滋味十足。薯條🍟新鮮即炸炸得金黃酥脆，每一條都非常誘人。肉醬搭配著薯條更係口感豐富，肉醬的味道濃郁而不膩，加上濃厚的芝士醬，風味十足。香煎大蝦🍤法式他他醬墨西哥夾餅配炸薯角。大蝦新鮮鮮甜配上他他醬和新鮮沙律菜，食落去爽脆酸甜，口感清新，味道豐富，好味多層次。炸薯角炸得酥脆，配經典蕃茄醬食一流！炙燒原條鰻魚炒滑蛋漢堡配炸薯角。漢堡麵包🥯鬆軟烤得香脆，內裡夾上超大條鰻魚和嫩炒蛋，不論賣相還是味道都非常吸引。鰻魚肉肉質鮮嫩多汁，讓人垂涎欲滴。炸薯角作為配菜，同樣炸得酥脆可口。…查看更多