hunghungm的個人專頁

以前成日飲，估唔到冇飲一排竟然差左咁多。職員冇乜禮貌就算，但杯桂花烏龍好好好甜⋯⋯ 已經叫左小甜。以前芝士茶系列價錢已包芝士奶蓋，那依家要再加$2。可能我真係太耐冇飲啦，以後都唔會再飲⋯⋯…查看更多

夏天好熱諗住買杯清涼飲品，點知呢間天仁茗茶令人更加熱血沸騰，失望失望。叫咗一杯香橙綠茶，點知淡到好似水咁，之前大大話話去過十幾廿間飲天仁茗茶都冇試過咁差，建議大家有要求嘅千祈唔好買。…查看更多

平日經過見冇咩人就入去醫醫肚，咁落單都快，碗米線都好快嚟咗，暫時都幾滿意。點知食左兩啖發覺湯唔辣（我叫左5小辣），我叫姐姐處理。等既時嘅發現有隻蚊滋飛左入碗麵度，死左係碗麵到🤮。我都好聲好氣即刻叫第二個姐姐處理加提提佢頭先已叫人處理錯湯底既事。點知處理湯底果個姐姐以為我又投訴錯湯底勁大聲話：「咪叫左人煮過比你囉，等下啦！ 」 我真係忍唔到即刻話：「唔係，係碗野有蚊啊！」 佢仲駁：「哦有野咪煮過比你囉！」其他姐姐聽到都同我講唔好意思，唔明點解果位姐姐咁大支野。總結呢間譚仔衛生差，佢地都習以為常咁，同埋某姐姐太冇禮貌，除左駁客人嘴，都聽到佢係咁話其他姐姐🙄。…查看更多

好好既一次打邊爐體驗。食物質素完全對得住價錢，最深刻係新鮮既牛、醉雞、鴨血、藥膳鴨血、海鮮、花膠同榴槤波波，完全好啱我地嘅口味同喜好。值得一讚嘅係佢啲蜆完全冇沙，仲要好鮮甜，唔細隻。自助區有小食，雞蛋仔或者窩夫可以自己整。唯一可以改善嘅係嘢飲款式比較少，得幾款自家製茶，同埋啲罐裝飲品，啲自家製嘅茶冇乜茶味。但整體無論係食物環境定係員工都好，員工服務有禮貌，主動講解優惠同推廣，收野好快手。絕對會有下一次👍🏼…查看更多

第一次打食評，因為真係忍唔住佢嘅衛生情況，唔想大家中伏見佢walkin有位，就諗住試下啦，食完先知點解佢會有位，因為同幢嘅牛大人、馬祖都已經full晒。首先一坐低，嚟咗幾碟牛，已經見到有曱甴🪳，當堂嚇一嚇，但因為隻野喺牆，朋友撳死咗就諗住算啦繼續食⋯⋯⋯食到最尾半個鐘，竟然再見到多兩隻中型曱甴，今次仲要係爐邊⋯⋯完全接受唔到同左一位後生男職員講，見到佢有同疑似係主管嘅人溝通，但最尾都係冇get back我地，當時已經比左錢，真係冇下次。之後上黎OpenRice, 喺10幾個好評既Post後，見到有一個Post都係話見到曱甴，再碌落啲都見到好多人講衛生欠佳。…查看更多