winnie0092的個人專頁

喺中環隨意找嘅一家中菜館，由踏入餐廳起，至入座，點菜，用餐，離開，都感受到高質嘅服務。喺菜式選擇同客人對食物喜好之間，服務員要彈性有彈性，要建議有建議，攞到好好嘅平衡，加上餐廳對食物出品要求高，整個用餐體驗都非常好。當晚仲有幸見到總廚，會同食客傾偈、碰杯，可見餐廳並不是單單注重食物質素，亦非常在意與客人嘅聯繫。我哋叫咗每位HKD6XX嘅商務餐，包括前菜、燉湯、燒味、三四款熱葷，再有炒飯、糖水，份量非常足夠。最後服務新重特意送上山楂條甜品，為一個晚上畫上完美句號。…查看更多

新開張嘅時候食過一次翻尋味，之後一個月總會食兩三次，崩沙腩出色，湯底非常濃郁，每次食真係湯都飲埋。慢慢地湯底不復之前，價錢亦都越嚟越貴。今日打算俾多次機會佢，可惜真係食唔返開張時候嘅味道，崩沙腩係冇問題嘅，但係個湯底就淡而無味，連最吸湯嘅河粉都幫佢唔到。其他食物質素評論唔到，但如果係為佢嘅牛腩麵而黎嘅，真心有好多更好嘅選擇。點解餐廳總係逃不過越做越差嘅命運？ 希望餐廳老闆可以睇得到評論，開好咗個頭唔認真做落去實在可惜。…查看更多