Avawong_yumyum的個人專頁

逢星期一二，都有50蚊6件雞！而且有三款選擇，不過唔知係咪只有良景分店先係，真係好扺食！由於正常餐牌無顯示出來，本來揀左個普通餐，但個staff都勁有心提你個日有50蚊6件雞，反正都食雞，咁抵，當然要食啦！👍🏻…查看更多

最近迷上烤魚，朋友就推介左呢間樓上店，果然一定要試！好好味😋由於得三個人食嘅關係，叫嘅食物唔算多，但每一款都好好食。率先推介我至愛魚鍋烤魚做得有水準，啖啖肉唔在講，份量超足，而且魚質嫩滑，大愛❤️由於唔太食得辣既原固，湯底微辣，調得剛好，正合心意。⚠️不過，特別注意，如果唔喜歡青既朋友，記得預先講定走青，如果唔係會有大量芫荽係魚鍋上🤦🏻‍♀️酥炸魷魚鬚配酒一流，而且睇得出用心製作，薄薄一層炸漿，大大條魷魚亦唔會覺得厚粉感覺，爽脆彈牙👍🏻大推！招牌雞翼，用蜜汁煎封。正！醉鮑魚醉蝦，香濃花雕酒味，又一用心製作秘製螄蛤，本人第一次食。。俾佢嚇親，入面血淋淋，不過食落又幾好食，而且聽講對女士好有益。…查看更多

深仔記又到搵食時間，午餐最頭痕本來想食粥，係OpenRice一打粥品就出左深仔記。門口好細小，去到發現原來係冇粥食嘅🥺不過太懶唔想再唸就試吓。🙇🏻‍♀️啱啱到兩點可以叫茶餐😊，叫咗個滷水牛肚麵下午茶餐係2點到6點牛肚好林，好易咬，麵質都爽口而且唔重鹼水味，湯底就較為清淡。唔知係咪因為下午茶餐嘅關係，份量比較少，如果女士食嘅話應該剛好但男士食應該完全唔夠飽，茶餐可以免費配支裝汽水或盒裝飲品😍加$10可以叫多一碟菜，睇隔離枱既賣相好似就幾唔錯，有興趣可以一試…查看更多

和牛燒肉。純又到搵食時間午餐唔知食乜好，行行下無意中發現呢間隱蔽燒肉店，係冇做過功課底下就衝左入去食😅，好彩係食過返尋味，一級棒👍🏻👍🏻👍🏻由於我係食午餐嘅關係，所以當時12點無book枱都有好多坐位坐，而且如果係12:55之前埋單仲有九折優惠添。叫咗兩份定食一份係和牛牛扒肉（$130），另一份係純牛扒肉定食（$88），定食亦都包括沙律同前菜，而前菜係牛舌黎。個人覺得都係比較鍾意和牛多啲，肉質鮮嫩，好有入口即溶嘅感覺，再用海鹽帶出佢嘅鮮味，簡直係平價和牛午餐首選。至於純牛扒肉，牛味無咁重，而且比較難咬口。如果想一個人試哂兩款肉可以揀佢個自選燒肉午餐兩品，都係$170，有8款肉可供選擇。…查看更多

德美壽司🍣終於都搵到時間食到呢間德美壽司一放工就即刻趕過去，果然未夠七點已經開始多人啦，好彩好快有得入座，限食時間為90分鐘款式種類都有好多種，有基本既刺身、壽司、石頭鍋飯、炸物、烏冬、天婦羅講唔晒咁多啦，應該點都有野岩食😂由於太肚餓關係，一黎到即刻Order左個廣島蠔石頭鍋飯先！齋睇賣相已經好吸引，廣島蠔嫩滑大隻同肥美，而且都重蠔味！鮮！之後當然唔少得我最鍾意食嘅火炙壽司——火炙帆立貝帆立貝肉身肥美，表面燒焦左少少，呈半刺身狀😋yummy可惜冇咗油甘魚腩，叫咗油甘魚，都好食洋風鰻魚pancake!必食！ 估唔到出奇地夾！最後埋單仲有甜品送啊，唔知係咪期期唔同，今次係芒果奶凍，都好好食。…查看更多

又到lunch搵食時間，每次諗食咩都勁頭痕，行行吓經過見到呢間三餐冰室，外牆又係有打卡位咁就走左入去試吓！午餐有好幾款選擇，不過我都冇叫到😂，叫左我好想食既邪惡法蘭西多士同常餐由於散叫嘅關係，無套餐價超厚嘅法蘭西多士炸到金黃色，上層再放上一塊鮮牛油，中間仲夾配住精髓既花生醬，簡直已經口水直流。法蘭西多士($24)常餐當然就唔少得沙嗲牛肉麵加$4轉左出前一丁，配火腿炒蛋（可轉煎蛋）牛油多士$48+4整體都不錯，牛肉份量都算多，而且沙嗲汁味香濃。…查看更多

唔洗山長水遠番大陸都食到好味既烤魚今日驚喜😆，不嬲都鍾意食魚嘅我經常都返上深圳食，今日朋友帶咗我嚟一間好特別嘅餐廳，去到門口發現餐廳個名好得意叫「烏蠅館」，齋聽名應該唔會知道係食咩呢😂！其實佢比較出名食烤魚🐟門外完全打卡位，但推門入內反而裝修一般哈哈，唔知係咪閒日人都唔算多，睇餐牌主打係烤活魚，$338自選6款配料，烤魚口味有分香辣同蒜香2種，而魚類店主係揀選「多寶魚」一般很少見，我哋點選香辣口味（少辣），計落單後都等咗超過十五分鐘先上到，但當時無咩客🤣終於上菜喇，睇賣相就已經相當吸引，侍應哥哥話先開大火滾2分鐘再轉慢火就食得，不過我覺得2分鐘實在太少了，會唔夠熱，所以都係煮滾少少會好啲。由於店主選用多寶魚，所以非常厚肉又夠滑，不過呢種魚比較多細粒嘅軟骨，要成日吐返出嚟，稍微扣了點分數，至於湯汁方面，上菜時已覺得非常香，用上大量熟蒜鋪面，好入味而辣度方面，本身唔太食得辣既我，都覺得辣度啱啱好，6款配菜方面揀咗淮山，金菇菜，玉子豆腐，唐山菜，蘿蔔片同埋豆皮結，勁足料，食唔晒，配菜給晒魚汁嘅精華，簡直超正！正體嚟講係色、香、味俱全，值90分以上，絕對值得一試特別一提，聽職員講而家已經冇咗芫茜，如果鍾意食嘅朋友就要加錢了…查看更多

唔係朋友介紹都唔知原來呢間水門雞飯係泰國好出名，難得佢黎到尖沙咀開，當然要試吓出名嘅雞飯啦！不過。。。水門雞飯（$50）不停都係聽話雞飯出名，食就真係第一次，可能期望太高，我自己覺得如果係要排長龍嘅話未必一定要食呢一間。D雞其實我又覺得冇乜太大特別，唔鞋口only，但個醬汁係幾好食，油飯較為乾身泰式炒通菜（$52）主食覺得普通，點知小食又幾好食喎！本身唔太食菜嘅我都覺得好食！通菜醬汁熱辣辣勁香噴噴，再配爽脆通菜脆炸蝦球($32)另一推介小食呢度嘅蝦球係一粒粒，而且蝦球表面係用咗燕麥片去炸，唔係平時食開嗰啲，細細粒，可以嘗試下一口食。泰北青東陰魚片湯粉($58)魚肉有少許腥，不過食魚既人還可以接受，湯底唔辣但略微有點酸左小小。…查看更多