Shan Shan Leung的個人專頁

週末同家人遊太子新世紀，路過此店便入去食；其實該店已光顧好幾次，多數去尖沙咀、黃埔多，因為有質數👍，對佢充滿信心，因為是連鎖店，味道應該劃一，所以唔揀其他食店，只可惜太子這間十分麻麻…坐底點了至愛（1）.擔擔麵，辣和不辣各點兩碗☺，但估唔到辣既擔擔麵唔辣，不辣的淡如清湯麵，半點麻醬味冇，但見賣相是啡色的湯，究竟是什麼回事？大家還點了（2）.雞絲粉皮，好奇怪，麻醬去晒雞絲粉皮度，味好濃，愈食愈開謂，只嫌太細碟；（3）.小籠包，點了兩款（素菜和豬肉），味ok，皮較薄，夾起時要比較小心；（4）.蔥油餅，蔥少不夠香口😢；（5）.素鵝好脆也好好味👍，但切太薄，當夾起時內涵容易跌晒出黎；（6）. 津白，全名記唔起起，浸湯既菜加些餚肉絲，湯較清甜，但不夠熱😣；（7）.素菜包，菜不夠多，味道好普通，而且得兩個，唔係咁抵食。大至上點了7樣，本來想點甜品，但這間店質數一般，還是放棄了。服務方面有漏單情況，顧客負責寫紙落單，仍然可以漏單，我地白等半個鐘再追問先知，再等15分鐘才到桌上。…查看更多

聖誕節+自己生日同家人在此店食飯，其實已光顧過N次，上兩個月還讚賞，但估唔到假期食物 & 各服務員態度非常差！可能應付假期人流，特別請了part-,time，落單唔熟手，好慢，明明講菜式名稱，但服務員偏偏要你讀No. 又要客人搵番menu出黎指俾佢地落單😒，好麻煩！今次點了好少，皆因下午食太多，菜式如下：1. 京醬肉絲+叉子2. 小籠包3. 素菜包4. 糖醋魚塊5. 肉鬆皮蛋豆腐6. 高力豆沙球首先講講“京醬肉絲”，今次整得甜了點，蔥條好少好少；“叉子”夠鬆脆新鮮，但肉絲還有剩，於是再叉子追加一份；“皮蛋豆腐”夠凍夠惹味，豆腐好滑，這道菜必點；“小籠包”鮮肉和湯汁好夾，就算變凍了也好味，but體積好似一年比一年細小；“素菜包”多菜，好味；“糖醋魚塊”夠酸甜醒胃，魚肉好嫩滑，但唔係咁抵食，份量唔多，得8件左右，收百幾蚊；最後點了幾件甜品“高力豆沙球” ，要說重點了，因為斷件計，每件收$16，還要加10% ，竟然做出黎有大細之分，搵職員黎也嘥氣，佢地解釋話廚師傞粉問題，但這個甜點每次前來必點的，個個Size正常的大，點解今次會咁參差？唯有食埋啦，唔係可以點？再講番侍應們，服務態度好唔掂，再加單時順便叫職員另外拎醬料黎係唔會拎俾你，客人其實唔多（聖誕多數人去了食西餐），但就扮執枱，叫了4次先有個黑晒面職員死死氣氣拎俾你，真係辛苦晒，我已經係加單時順便叫醬料的，而唔係特登叫職員淨拎醬料過黎，聖誕+飯俾佢地搞“彎”晒，就算食物有幾好水準，職員既服務態度差，影響晒客人用餐氣氛！…查看更多

有朋至遠方來，選了這間，假日訂位不成，唯有walk in 等，大概半個鐘有枱。一行4人大家一坐下侍應們會為你添加什麼茶包，但只有2種選擇（烏龍、玄米）少了點；因未人齊關係，先點上幾款小食+點心：1.皮蛋豆腐2.素鵝3.生煎包4.小籠包“皮蛋豆腐”夠大碟，肉鬆也多，豆腐夠冰凍，皮蛋好鮮味！而“素鵝”好脆，但材料份量及件數略少，價格跟實際食物不符（$78）；“生煎包”送到桌上好一段時間才食（5分鐘），放落口時仍然好熱，包內有肉汁“支”出黎，底部略略煎過（如全個包也煎過會更香口），希望有改善；“小籠包”幾乎是必點的，皮簿肉和肉汁也濃，且夠熱夠新鮮。人齊了再點菜：5. 京醬肉絲配叉子6. 松子桂花魚“京醬肉絲”炒得好惹味，將它放入“叉子”一齊食，“叉子”好鬆脆，但張開袋口不大，還剩好多肉絲，所以點多一碟“叉子“才能把肉絲完全食完；“松子桂花魚”又熱又脆，酸酸甜甜好開謂，但最近幾次食就覺得越食越細條，每個人分的一口就冇晒，松子亦不多，用雜豆較多，而且價格也貴了不少（$180），年幾前食都係（$150），加幅大變相唔抵食。大家還未夠喉再加：7. “高力香蕉豆沙球”好圓好大個，好新鮮好夠熱，美中不足是餡料細小，食皮既多。…查看更多

每次經過好多人輪候，都嚇怕唔敢去食，今次晚飯尚早就揀選了這間用膳。因為5人同行，室內大枱十分稀有，要等到40分鐘才有枱，坐下來即開始點菜（註餐牌好少選擇）：1. 重慶口水雞翼2. 蒜泥白肉3. 麻辣豬耳4. 四川青椒皮蛋5. 新疆香草雞翼麵食🍜就各有各點，四碗酸辣湯底🍜，一碗清湯底🍜，選了餸菜包括：（魚片頭、韮菜、墨丸、牛肉、牛丸、酸菜、炸醬），此外餸菜方面竟然冇餃子、魚皮餃、肥牛、豬頸肉、煙鴨胸、煙肉、豬軟骨…，相當失望！米線尚可接受，但小食方面就大失所望！“重慶口水雞翼”+“麻辣豬耳”+“四川青椒皮蛋”+“蒜泥白肉”估都估唔到味道竟是一樣，而且好油膩好油淋淋下，份量亦少；另外“新疆香草雞翼”完全唔掂><，雞翼面上放了似粉狀卻又無味既沙疆，香草完全冇，雞翼亦唔入味，好失望既一餐！服務方面有漏單情況，“新疆香草雞翼”要吹兩次先有（等了1小時）…查看更多

我是個不喜歡去茶餐廳既人，但當我10幾年前踏足這間茶餐廳之後，完全改觀，幾乎每星期日去tea一tea（假如唔使陪長輩飲茶的話）。老闆、老闆娘好Nice亦好勤力，星期日仍然打理店子，又會幫手睇車睇下有冇警察炒牌，會大聲🔊知會食客，好體貼；侍應亦好有禮貌🙇，比起大集團的更友善，會細心落單後，竟然會笑住同你講“唔該”😀，仲會傾兩句，有5星級服務🌟🌟🌟🌟🌟。食物方面，隨便點什麼菜式也令人讚口不絕，我通常點“西多士”，內軟外脆，油亦新鮮冇“益”味；“沙嗲牛河”更好味，夠晒濃，而且有鑊氣；“牛腩湯河”唔止牛腩，仲加埋牛筋腩一齊（而家好多餐廳做法分開放，牛腩還牛腩，點牛筋腩的話價格會高點），至於這碗牛腩河都係30幾抵食；常餐“雪菜肉絲湯米配火煺奄列”，估唔到咁簡單既餐會咁好味，先講“雪菜肉絲湯米”，雪菜肉絲有炒過，特別有鑊氣，食入惹味；“火煺奄列”同樣有鑊氣，最重唔多；“公司三文治”烘底，共有6款材料（蕃茄、午餐肉、雞蛋、芝士、生菜、火煺），放到落枱仍ike:夠晒新鮮，麵包係脆，好似食緊咁脆，真ike:！至於飲品：“熱奶茶”☕，茶比例較多，ove:；“凍檸檬茶”用ike:，相當唔錯；“熱咖啡”☕有即磨咖啡ike:好香濃；而汽水會ike:夠晒氣。其他食過的還有“魚香茄子炆米”、“沙嗲菠蘿牛肉飯”、“咖喱雞飯”…等等，同ike:；而下午茶餐選擇。環境方面比較古色古香，但ike:，食oon:（儘管以上都是普通菜式，但就會令人想再來光顧lly:…查看更多

臨近幾日假怕人多，就揀了假期前食，看到好多人"Like"，於是同家姐們食晚飯聚餐。一入門口環境佈置已不錯，好像去了書店📑，燈光昏黃💡，令人舒服接待位也夠大，雖椅子不多，但餐廳內空間大，餐桌多根本不需等太耐，而且有預約服務，無需久等。大家點了套餐，大概10分鐘呈上，主角當然是“椰子雞煲”，另有肥牛🐮 & 刺身🐟，再加糯米飯，真係好豐富！雞煲要快吃，不然會越滾越老，湯底椰子肉有8塊左右（其實覺得少了點），初初品嘗湯底時，好淡下（大概滾了20分鐘時），之後大家放埋肥牛、魚、蔬菜類，再滾多30分鐘，嘩！鮮甜到爆💥！大家唔夠喉，再加多次湯底（$38），結果係全煲飲晒！主要夠清夠健康，食得出冇落味精，難怪咁多人去食，真的值得一試。服務方面，侍應不夠細心，骨碟全滿唔換，成日過黎熄爐火，佢地解釋話會令雞肉變老（這點明），但佢地唔知煲內剛放了生肉落去，咁叫我地點食？我唔鍾意侍應關心個爐多過關心客人需求！(P.S. 如食開重口味人士，我認為不太適合）…查看更多

最近同8個朋友聚餐，揀選左久違了的泰國菜館晚餐，當晚人人放工都好遲下，變左食9點後時段，原來有7折，大家心想都幾平下，就好瘋狂咁點了11道菜。1. 燒豬頸肉2. 柚子沙律3. 肉碎生菜包4. 沙嗲串燒（雞/牛）5. 燒羊架6. 菠蘿炒飯7. 辣蒜生蝦8. 蒜蓉通菜9. 烤魚10. 咖喱蟹配麵包11. 小食拼盤另加 “冬陰功” + “香芒/榴槤黑糯米看似相當豐富，但要些時間分析一下…首先是“豬頸肉”，這道烤得不錯；“柚子沙律”作前菜真不錯之選，因夠酸甜；“肉碎生菜包”，此道菜可選大辣/少辣，我們揀少辣，結果是勁辣><；“沙嗲串燒”十分普通；“燒羊架”肉太哽，可能燒過火食唔落口><；“菠蘿炒飯”椰香味濃好香口；“辣蒜生蝦”不過不失；“蒜蓉通菜”油太多；“烤魚”外貌是不錯，但實在騙人😣，外面層皮唔脆+好咸，裡面亦有唔少骨，裡面魚肉好淡好淡，完全冇魚味；“咖喱蟹”此道菜要$400幾蚊，唔好以為一分錢一分貨，看似有兩隻蟹好豐盛，其實係空穀黎，腳冇肉食，懷疑被人抽晒d蟹肉去做其他菜色（可能係宵夜時段就偷工減料），總之好失望；“小食拼盤”一般，人多永遠分唔勻；“冬陰功”只有酸味唔夠辣；甜品方面，“芒果黑糯米”就比較普通；而“榴槤黑糯米”比較理想，榴槤夠香甜。環境方面，面積算中Size，設有房間（如10個以上可預訂房間位）；因為我們不夠10人迫住坐大廳，聲浪好大下🙉，而枱同枱之間幾乎冇餘位，變相行出行入都要人起身讓讓唔太方便；服務方面，員工有求必應唔錯。…查看更多

中午同家人西貢駕車到海天飲茶☕，因為星期日，人好多要等位😣，等了35分鐘才入座。 早知此酒家價錢比較高，但食物的確唔錯（去過好幾次），大家坐下即填點心😉。 我們點了1.煎糯米雞，非常好味👍；2. 炸兩腸粉好滑但唔多脆，也凍了點👎；3. 羅漢素粉果，皮薄好多料👍；4. 一窩泡飯，湯底好香好清，但泡飯不是脆的一種，尚算ok；5. 燒味拼盤，因為阿爸鍾意，就點給他😃，但擺到上枱沒想像中好😞，估唔到得幾件燒乳豬肉😵，其他是炸豆腐加一堆無味海蜇😦，好失望。😕另點了兩款甜品：蛋撻仔和芝麻糯米糍，蛋撻仔好新鮮鬆化👍；而芝麻糯米糍味道唔錯，但很普通。😑…查看更多