kufiemos的個人專頁

見呢間評語唔差，咪試吓囉～外脆內軟，都唔錯～推介，炸得唔油。$1嚟講都ok啦（不過我冇食鮑魚）睇相都睇到有好多瑤柱啦～普通一個菜都要7-80蚊，我寧願俾多少少。呢個相對爭D，冇乜蟹味。咁多樣入面，呢個最辣（仍可接受）真係普普通通諗住厚身嘅，點知係一條條，唔係好差亦唔係好好。仲有個樺輝記小炒皇（$108），唔記得影相。呢個我俾★★★，正常水準。連埋粥、飯、啤酒汽水，（7個人食）埋單$1036，價錢非常合理。…查看更多

今日心情唔係太好，想自己一個食lunch，行吓行吓經過呢間。門口哥哥仔用韓文同我打招呼，我回返佢一句韓文，佢問我識唔識講韓文，我拎頭。跟住佢送咗支嘢俾我，所以…我就入咗去😆個鍋嚟到仲係滾緊嘅！飯好細碗，好彩我減緊肥，份量對我嚟講啱啱好。連加一$86，都可以。*見到醬油蟹飯（$198）同海鮮湯麵（$98）都好吸引，但係要睇住荷包。另外，紫菜卷都好似唔錯。…查看更多

一家人食飯，見銅鑼灣呢間好似唔錯。我哋一行五人，但有一個超細食，所以決定叫兩個set。最後叫咗一個$268+$318。既然有四個湯，就每款叫兩個試吓。我飲嘅係忌廉湯，唔太鍾意忌廉湯嘅我都接受到。沙律一般，個雞肉仲要係乾嘅（好彩唔係好硬）兩個set有三個意粉，大致上味道都唔錯，不過份量真係太少啦！呢個pizza芝士味好香，有人話食到blue cheese味添～但係由於冇肉嘅關係，係唔飽嘅......賣相幾好，不過冇乜特別，而且一班人食的話好難share五個人包四杯飲品，咁我「唯有」另點個啤酒。其實餐飲+$12可以轉紅、白、啤酒，所以三十幾蚊叫一罐啤酒感覺有少少貴。眨吓眼，兩個set食完，完全唔飽......唯有再加單叫咗個薯角，呢個份量ok。再加多佪焗飯，食完先有返少少感覺。上菜上得好快，我哋由落單到食完都只係大約一個鐘。最後埋單：$800有找有冇留意一樣嘢？就係.........我哋冇食到set嘅甜品。一來我哋唔記得，二來侍應冇提我哋，所以就miss咗啦.........…查看更多

雖然天氣暖咗少少，但係都想食雞煲+打邊爐～見到有咁多人讚呢間，價錢又接受到，就決定呢間！由於要過新蒲崗買嘢，經過問吓仲有冇$298嘅二人餐（門口搵唔到），肯定有就順便book埋位～想食重慶雞煲但係又怕太辣，出面好多大中小辣都唔可信！但係又唔想食椰子煲，所以最後都揀咗重慶（小辣）。睇咗好耐都只得牆上呢個飲品牌，最初仲冇為意有個「檸」字，心諗一罐可樂原價$31？不過阿姐對答好奇怪......我問：阿姐～有冇飲品餐牌？佢第一句：「嘢飲得呢度咋！（指住個牌）」（但係隔離枱啱啱上咗兩支藍妹...）第二句：「可樂嗰D$12，咖啡、檸茶就$2X」我問：咁啤酒呢？佢先答：「青島$22，藍妹$30」其實......呢兜醬料可以唔要，因為......湯底好濃（鹹）......雞煲賣相唔錯！但份量唔算好多。我唔明，二人餐每款俾三件，點分？係好食嘅，不過份量就......什菜？一款菜算唔算係什菜？呢個犀利啦！係浸好耐都唔會淋嘅響鈴！唔駛一個鐘，我哋已經食晒所有嘢！有諗過追加食物，但係唔知有幾大碟，都係算把啦。總結：$298（即係每人$149）同出面$15X任食兩個鐘嚟比，價錢有少少貴。以食物質素嚟講，當然好過放題。之不過要我食個二人餐，但係完全唔飽，我覺得有D凄涼...…查看更多

預定咗行獅子山，咁就順便諗定食乜。早一日經openrice訂枱，book呢間有里數送～由於時間好早（5:30），連埋我只得兩枱客。叫咗4個餸兩個白飯+大啤&汽水。行完山最緊要係嘆支冰凍大啤，但係竟然唔夠凍（罐汽水凍好多），扣分！第一味：脆皮炸大腸，一D都唔脆皮...第二味：蒜茸炒雜菜，話說諗住加個平少少嘅菜，見佢清炒時菜$55（下面有幾款菜揀），我話要炒豆苗，佢話要$68，咁芥蘭啦！佢話都要$68，費時再問唯有轉個炒雜菜，如果唔同菜唔同價錢就寫清楚少少！第三味：沙嗲粉絲蝦煲，呢樣係最好嘅一味餸。蝦都算大隻，唔「梅」、大約有9-10隻。第四味：沙薑雞，得兩枱客竟然都漏單！好彩呢碟嘢唔駛等好耐。半隻份量都幾多，但係都幾鹹總括嚟講呢間嘅評語係：冇下次！最後埋單，$366（只收現金）後話：事隔兩日openrice send咗電郵俾我，話我當日冇去到，好彩我有keep張收據，影返俾佢佢話會幫我加返。老實講25里數冇乜用，但係當食完餐唔滿意嘅飯仲收到呢個電郵，只會令我對呢間餐廳更加反感。…查看更多

老婆話想生日食生蠔，但又唔想食咁貴，左諗右諗決定再嚟呢間食（上次同朋友試）。由於今次要食平D，所以冇揀$398嗰D餐。咁就叫兩個晚餐+小食+生蠔～先嚟嘅係焗薯蓉，$30算幾平，味道唔錯。雖然話食平D，但係咸豬手真係好吸引。晚餐$98連餐湯+蒜蓉包+飲品，咸豬手只有半隻，不過份量都ok。（餐飲可加錢轉啤酒/紅白酒，但係+$73轉杯大啤有D貴）其實如果可以第一樣就上生蠔會開心D...不過唔緊要啦，好食咪得囉！$10一隻嚟講，絕對冇得輸！另一個晚餐，焗牛尾意粉$78。我個人幾鐘意呢個意粉。預先打去叫侍應幫我寫字落心太軟，算係一個小小驚喜啦（不過手字有待改進）餐廳裝修唔華麗，但食物質素我覺得比較重要。上次食嘅斧頭扒都唔錯，最衰我老婆唔飲酒，如果唔係每人+$88就可以啤酒任飲～最後埋單，Openrice訂枱有九折，盛惠$440～…查看更多

等咗兩個月，終於大修完畢！餐牌嘅嘢都有好多唔同，就睇吓食物質素有冇進步先！拉麵冇晒其他款，只得呢一款（或烏冬），我估係想客人食多D其他嘢。有四隻炸蝦嘅咖喱飯，水準保持到～呢個以前好似冇，不過略嫌多咗少少粉...老板娘話依家嘅薯餅比以前改良咗，我覺得真係好味D喎～諗諗吓都係想食返個串燒，咁就梗係食牛舌啦！雖然唔係厚切，但係都燒得好好味～街坊生意，價錢非常相宜，食物種類多、質素又ok，真係可以嚟密D～是晚消費：$160…查看更多

講食物前先講吓我嘅投訴！一個月前經「EatXXX app」訂位，無論app定係餐廳網頁，甚至收到確認電郵，從來冇提及半價的話要先俾訂金。今日去到顯示電郵同問清楚優惠，服務員搞咗一輪後話只有之前俾咗訂先會有半價，最後佢俾咗六折我。呢個自助餐，生蠔係我揀嚟食嘅主要原因。問咗姐姐係咩蠔，佢淨係知美國嚟...質素方面唔算好多肉，但最少夠凍同冇乜腥味。而供應充足，見其他人去到尾段仲有食。其他海鮮：長腳蟹開頭有幾次refill，但之後就冇，所以之後想再食都冇！翡翠螺真係唔覺有refill過，仲有蝦、蜆、小龍蝦、麵包蟹（小龍蝦冇食，其餘三樣正常嘢）。另外，有剌身（三文魚、希靈魚、蟹柳...）、壽司幾款。之後到cold cut，火腿有幾種，巴馬火腿幾好食，芝士都有幾款，老婆話blue cheese好味～熱葷方面有D失望...冇乜邊樣覺得好食（又未至食唔落咁囉）炒蟹D蟹肉「梅」、肉類只為充饑，有個要排隊嘅牛扒，竟然好硬！甜品本人唔好，不過大致我都覺得ok（呢樣嘢我真係唔可以作準）通常最後段最多人食雪糕，不過搞到排長龍！原因唔係太好食而排長龍，而係...雪糕太硬...D人要「筆」好耐先到下一個......我哋食首輪，7點零鐘就俾定單我，我計一計，原來半價同六折相差$107.4...…查看更多

見到呢間有牛扒放題，一心諗住試吓～搵咗好耐先搵到放題時間，$138-90分鐘任食，覺得可以一試就喺facebook訂枱（好似話唔接受電話預約，不過接受都冇用，打唔通）晚上6點15分去到，冇乜人。再確認個放題，原來只有一款薄切西冷+薯菜任食，就算食得再多都係冇癮......咁唯有改返單點，想試牛同豬，但豬比想像中貴叫咗個沙律，感覺健康D～味道大致都可以。本來想食印度烤雞，但呢日冇貨，豬扒又太貴，所以改咗做意粉。睇晒咁多款扒，呢隻最平（$138/1lb），侍應建議medium，咁就medium啦！本人對扒類冇乜研究，總之我覺得唔錯就得啦最後點咗份洋蔥圈，上枱時覺得好大份，不過食食吓覺得太油，所以最後食唔晒。順帶一提，只有凍檸茶係$15任飲嘅。當然，只有「茶」係無限添加，檸檬應該冇得refill（我冇問）但係有幾點想提出：1. 任食放題只有一款，感覺唔吸引2. 冇酒精飲品係一個大問題，鋸扒配紅酒已經係一件好平常嘅事，又或者整返杯生啤，成件事豐富好多3. 凍檸茶refill嘅速度太快，我飲少少你就加，唔通每次加完我又要再「篤」檸檬同加糖水？不過整體上係可以接受嘅～…查看更多

成日經過圓形天橋見到佢個易拉架，但係見咁平，都擔心唔好食/份量太少。今日落雨，又唔想週街行，咁就順便試吓佢～午餐有五款，日日不同。最後決定食呢個雞脾意粉，因為好近公司，梗係買外賣啦～連凍飲都只係$39，抵間嘢好細，只有十零廿個位。不過我覺得可以買外賣去維園搵個靚靚位慢慢食，感覺仲正（但係要好天）講返個意粉，雞脾好食，咁乾、size都唔細，意粉份量唔細，入面仲有好多菜絲，對於我呢D成日食快餐嘅人講，算係好健康。最重要係......我食完係飽嘅…查看更多

4月4日慶祝結婚週年，諗住搵間平平哋嘅～資料收集完覺得呢間較平，又好耐冇食過上海菜，就決定呢間！大約七點到，仲有好多位。見佢話雲吞雞夠四人用，所以另叫前菜加白飯，照計都夠飽。點都要試吓招牌菜—雲吞雞～落完柯打一分鐘就到😳咁仲算唔算係燉雞？雞肉好「林」，雲吞另上嘅，但係個湯，好明顯冇燉嘅味道......另加四個前菜：涼拌茄子、無骨熏魚、麻醬腐皮卷、川汁醬蹄，都係正常嘢（不過我老婆話熏魚$48得幾舊，唔係好抵）再加多兩個白飯同一支青島～盛惠300大洋😆…查看更多

老婆生日，搵咗幾間之後，決定食呢間，因為可以揀一打蠔個餐或者龍蝦餐買一送一。最後決定食龍蝦餐買一送一，感覺多D嘢食，點知發現左右幾枱都係食一打蠔，就知道可能揀錯咗二人前海鮮拼盤，其實唔差，但係望其他人一大兜生蠔，感覺點都爭D...前菜有兩款，份量少（鵝肝我冇食）西湯我一向都唔太鍾意主菜三選一，當然揀兩款唔同試吓啦！對於大食嘅我...完全唔夠食埋甜品都唔覺飽雖然個肚唔係好滿足，但係總括呢講都唔差。$498+10%都算係咁，有機會再試吓個蠔餐…查看更多