Fantasy Baby的個人專頁

其實我好少寫食評的，不過真係好想講吓有次行過見早餐有點心食，諗住入去試吓，我哋一家三口抱住BB去到餐廳門口，門口接待位有個帶眼鏡嘅呀姐，隔離企咗個男人，我就走埋去問有冇BB凳，又唔好意思又唔該咁好有禮貌咁問佢，點知個阿姐啤住我講：我數緊錢呀，嚇到我即刻講唔好意思，我望咗一眼去枱面的確有啲碎銀喺度，但係我點知佢數緊錢啫，就算係講聲等等，或者最少俾啲禮貌都得啩，所以唔使試我都已經即刻black list咗呢間野，希望呢個女人唔係老細啦，如果只係普通員工，但又企喺門口幫手趕客，想生意好都難啦，差評！…查看更多

通常新鋪開張啲食物質素一定係最好既，緊係要趁新鮮黎試下啦！筲箕灣東大街成條街都係食肆，但車仔麵好似係得呢一間，鋪頭細細間但好企理，仲要每張枱面都有花花裝飾，感覺好溫馨車仔麵我叫左蘿白、韭菜餃、水魷同花膠，無錯，竟然有花膠揀，好期待囉！大大碗車仔麵整體都算唔錯，但我想講真心要推介佢哋個花膠，好大塊，超好食，同我之前係米線鋪食既花膠雞完全係兩回事囉，花膠索埋佢地既湯底，超正跟住試左佢地既炸雞翼，熱辣辣炸到個皮好脆，都值得推介既佢地既招牌似乎除咗花膠之外仲有豬扒，下次再黎試吓啲豬扒先。希望質素可以一直keep住啦！…查看更多