明明為食妹的個人專頁

年初二睇完煙花返咗元朗食飯,周圍唔係休息就要等位。結果去公車試吓搏一搏，竟然有開，嗰時已經九點幾，佢竟然開到11:30咁就坐低落單。好肚餓，求其落咗個B餐。點知佢話冇甜品又話冇蝦，最後仲話幫我取消埋。咁我唯有落A餐，又話冇羊腩煲，咁我問男侍應，我應該食乜？男侍應立即攞咗個碟頭飯餐牌俾我，我諗住是但啦，好肚餓照落單，結果有個女人走埋嚟話呢個餐牌唔係同埋鬧個男侍應，最經典嘅係個女人就喺我面前話今日乜嘢日子呀點會係呢個餐牌。嬲到結果我哋乜都冇食走左，我肯定冇下次。😡😡…查看更多

其實呢間舖我幫襯左好多次，尤其是放暑假嗰陣時，成日都同個仔落去食。今日講都唔使講又偷懶。同個仔本來想去食火鍋，不過個仔話好肚餓，費事搵不如去食放題啦！呢間鋪唔係好大不過有好多卡位唔錯。我哋去食嗰個時段好似係二百幾蚊食兩個鐘。舖頭雖然貼左張分段收費出嚟, 坦白講我食咗成20次有多，都睇唔明都係靠老闆講收費多少。佢啲菜式都算幾多, 刺身都好夠凍都算唔錯錯。至於炸物有少少油多。我覺得最好食都係個黃金焗蠔，同過蟹肉炸薯餅。其餘冇乜特別！佢都有火煱，但係麻麻哋！飲品都好多款選擇。至於甜品雪糕雖然要自己出去囉，但係都好多款。如果又想食下放題，同朋友傾吓計係一個好選擇。俾啲相你哋睇吓啦！…查看更多

呢一間係我第二次黎:)啱啱呢個星期日懶煮飯，叫左個仔落街搵食。唔知食乜好我話不如去食牛扒。就記起呢一間夏捌月。其實我最唔喜歡佢太暗，可能情侶就會好好情調，不過我一心入黎食嘢就覺得唔係幾好。座位都比較迫，不過依家一般餐廳都係咁㗎啦！都可以容忍嘅。終於入正題啦! 講番佢啲食物水準都算中上。今日我唔係好肚餓就叫咗個黑松露白汁鵝肝飯個名好似係咁上下, 入口味道唔錯，黑松露味很重，但係塊鵝肝就麻麻，有少少好似食緊刺身咁。呢度有少少失望。另外我個仔叫咗一份紐西蘭牛柳餐。望落去塊扒都好厚。我問佢好唔好食，佢話都OK。所以我叫左一份外賣俾我老公。總括嚟講食物水準唔差可以再來…查看更多

話說我早兩日喺元朗間X茶餐廳食完個晚飯。想搵啲甜嘢食下，我覺得B仔坐得唔舒服， 又見到對面有一間就試吓。我入到去睇到佢張餐牌好少嘢食，不過佢地標榜大良燉奶咪試吓囉。同個仔一人叫左一碗燉奶， 我再加多碟咖喱魚蛋諗住咁普通嘅嘢難食極都有限啦！原來我係大錯特錯，係可以真係好難食㗎！先講講啲魚蛋陣味好香，不過一食落口啲魚蛋唔係豉油魚蛋黎架， 林到阿媽都唔認得，仲要係無味，蒜蓉好難食， 好似食生蒜咁， D咖喱好似水咁，總括嚟講唔係俾人食。再試下啲燉蛋仲大鑊，超硬勁甜, 食落口感覺係好鞋。唉， 食咗兩啖就走人，全單成為＄50。PS 唔該啲食肆真係攞個心出黎整啲嘢俾人食啦！唔好求求期期交差算, 真係唔該你哋俾啲良心！…查看更多

有一輪對板長真係失去信心。不過上年見大埔有板長又去試吓, 一食真係有驚喜,改善咗唔少。尋晚去到七點幾，見到都唔係好肚餓但係又想食下壽司, 就落傻吓傻吓，去咗大埔間板長食壽司。一去到見到好多人，等位都等左成半個鐘，不過唔緊要啦！話晒呢間食肆都穩陣。我同個仔叫左兩個和牛飯。會員每位$108，跟手我叫左個豆腐$32好好食，係咁以再叫咗幾件壽司。埋單三百零蚊。價錢都OK！反而外賣俾老公同佢個Friend！就叫左五百幾！呢間野值得推介…查看更多

好耐未上嚟寫過食評，今日真係頂唔順嚟間嘢......話說我哋喺板長食完壽司，我有啲"市花行"，見到對面開咗間新嘢(就係嚟間"好嘢")，就叫個仔趁等緊外賣嘅時間就過咗對面買幾杯試下。一去到見到啲餐牌啲字細到睇都睇唔到，我就即刻懶醒攞咗個外賣餐牌，嘩原來一樣係睇唔到嘅，已經覺得唔係好老黎。啲恐怖嘅嘢而家至開始，先嚟我想飲厚奶抹茶，就問個店員邊度係厚奶系列，佢猛指住個餐牌話鮮奶喺呢度，同佢講咗好耐佢都係話鮮奶係喺嚟度。我諗住算數嗰陣，突然有個男店員話鮮奶等於厚奶？！最奇怪嘅係我面前大大張廣告牌寫住黑糖珍珠厚奶，有圖有真相。（我以為自己精神分裂）算數啦，佢哋咁堅持我就抱住中伏嘅心態滿足下佢哋。叫咗一杯宇治抹茶玉露鮮奶32蚊，跟住又叫咗一杯珍珠奶茶26蚊、一杯紅豆奶茶26蚊，同黑糖珍珠厚奶36蚊。跟住拎到嘅時候望落去都無嘢嘅跟住咪走囉.......恐怖嘅事又嚟，我個仔一拎出嚟，隻杯薄到唔知點形容，面頭張紙好有國內feel......我摸一摸落個杯底竟然係熱嘅？！首先杯黑糖先，我個仔話杯嘢唔夠凍：連一啲冰都唔落。36蚊明明係買佢凍，而家真係唔知似乜；之後到啲黑糖，唔講都唔知原來係sell黑糖；再到杯茶，可以話除咗用好乜甜之外，都唔知仲有乜特別；最後到珍珠，咬落去好硬好硬，無珍珠嘅質感之餘又無乜味。一試招牌嘢就伏到我個仔想喊啦，總之唔係好值我用36蚊買嚟杯嘢，買個老麥做宵夜都得啦。我返到屋企，自己拎起咗杯玉露（其餘兩杯畀咗老公同佢個Friend。）包裝唔好再講啦，一飲落去果然唔係厚奶，我都預咗㗎啦。不過算啦唔買都買咗，就等我試試......唉！嗰啲抹茶粉好濃：水還水，粉還粉，特別分明再試下啲玉露......嘩真係好大鑊竟然十粒着咗十粒未煮透，咬落去粉粉哋，十足十啲啲米未熟咁上下感覺。杯嘢咁貴又唔捨得唔飲......焗住飲咗一半諗諗下都係頂唔順都係寫食評希望嗱嗱聲公告天下等唔洗咁多人中伏啦P.S. 希望老公佢哋飲完唔好炳我…查看更多

北京樓始終係食填鴨首選，鴨香而不肥，皮肉剛好。小籠包雖然皮唔夠簿，但足料，湯肉比例Perfect 。記得一定要食佢條魚，做型靚，夠脆，個甜酸汁偏甜，但我好鐘意。特飲就無謂試，飲可樂好過!好滿足…查看更多

其實食過好幾次, 當係佢係一間高級少少的茶餐廳黎講, 尚算OK!不過今日真係一肚火, 我9點左右去到, 叫左三個扒餐, 兩個堂食, 一個外賣. 我本來全部選黑椒汁, 結果佢話兩個有黑椒汁, 咁唯有轉其他, 佢話只有白汁, 無法啦啦!感覺真係好差, 好次倒左的白湯落塊扒度好難食, D薯菜仲恐怖, 跟本就係蒸熟左D薯仔. 而塊扒有D苦, 太多鬆肉粉, 同安娜有得暉.  服務態度不願平論, 最慘係我地邊食, 阿姐 邊掃地, 仲唔夠, 仲要邊用漂白水拖地, 可能趕收工要趕我地走.返黎, 開個餐俾老公食, 發現D湯淺晒出黎, 原來個飯壓爆左個膠蓋. 我諗有排我都唔想再去食啦!三個餐總銷費係358蚊, 激到我今日一蚊貼士都唔俾. 不過講真句, 價錢都唔算 貴, 自己衡量下啦!…查看更多

還記得前年聖誕節第一次請客去這裏開Annual Dinner, 個個讚口不絶, 生蠔, 龍蝦, 鵝肝, 雪糕大受歡迎.所以今年春茗再來, 結果好失望.生蠔,鵝肝,特色雪糕, 長腳蟹已沒有提供雪糕已變成柸裝HAAGEN-DAZS.龍蝦變細了.食物種類少了1/3.所以大家以決定沒有下次:(…查看更多