kmhokmho的個人專頁

晚飯時間光顧，叫咗台式四寶滷肉飯同牛肉飯，再加兩杯飲品。Menu上只供參考嘅圖片四寶飯有雞翼、牛展、香腸同花枝丸。上菜果時得返雞翼、牛展同花枝丸。問侍應佢再問廚房先話無晒香腸。其實睇返參考圖片，佢有比返多一隻雞翼同一粒花枝丸，算係均真。不過同顧客嘅溝通可以做好啲囉，唔好老馮咁樣，又唔係平。實物 （食咗半粒花枝丸）參考圖片…查看更多

星期六晚上7點幾到達，排左一個鐘終於去到部點餐機個位。點了300g 牛柳和300g 西冷。等多10分鐘被安排入座。坐定定後出去拎餐具，湯同沙律。餐具潔淨程度有待改善，總之飯碗，沙律碟，醬油碟，湯碗同水杯全部都有啲野痴左晌上面，最好拎返埋位自己用水再抹一次先好拎出去裝野。沙律正常，湯比較啖口但又好油。等多20分鐘左右call 機響，可以出去拎食物。生熟程度自己控制，不過呢啲地方食野，其實都唔咁食太生。肉質就一般啦。待應收拾緊隔離檯時倒瀉野，湯汁倒晒落我隻腳度。望住佢，佢仲要話「乜有整到你咩」。駛唔駛等位都好，以後都唔會再黎。想想食平既去快餐店食鐵板，想食好既就比多少少去其他餐廳食好過。…查看更多

平日晚上8點幾到達。兩個都叫左任選：1. 豬軟骨魚腐白菜三色飯（魚湯）2. 豬潤魚片勝瓜米線（魚湯）分別都加9蚊加左泰式雞槌同瑞士雞翼。湯不錯，沒有（或者好少）味精，喝了整碗也不口渴，所以不用配飲品也可以。配菜都正常。但衰在米線手上，淋到唔想食。如果真係想食麵，配米粉或者加錢配淮山麵比較穩妥。另外雞槌同雞翼都有點搵笨，9蚊2隻發育不良咁樣，雖然味道正常但係唔會再叫。得意既係原來張單會寫明各樣配菜既分量，例如白菜6條，魚片4塊咁，但係餐牌又無寫。黎到數一數都 match，都算均真了。另外上菜較慢，趕時間就唔好黎了。…查看更多

平日晚上8點半到達，有一半滿。安格斯牛肉船麵（金邊粉）去過泰國但無食過船麵。見湯頭很深色，但飲落不算濃味。配料有3粒肉丸（味道很淡分不到是牛還是豬），3片牛肉（好細塊，味道正常）和一舊牛肋條（正常）。金邊粉索了湯汁還可以。泰色豬頸肉乾撈（黃麵）像雲吞麵店一樣，撈麵會跟碗湯。豬頸肉味道正常，黃麵不會過淋。但整碗麵沒有甚麼泰特色。海底椰大樹菠蘿椰汁冰偏細杯，同一隻杯在某些餐廳是熱飲用的。連埋冰都裝唔滿。糖漿自己落。有啲黃色一條條應該係大樹菠蘿絲，但整杯都沒有大樹菠蘿味。Overall 味道一般，份量偏少，可能預你要叫啲小食先飽。…查看更多

外賣左一碗皮蛋魚片粥。拎到返公司打開蓋先發現漏左皮蛋，但粥舖同公司都有段距離就無返去換了。魚片新鮮，粥底（應該）無味精，但頗稀同埋有啲結埋一舊舊。$48（外賣雙併）值唔值就見仁見智了。建議外賣就當面 check 清楚先走。…查看更多

過年前行完花市晚上搵野食，見呢間唔駛排就入左黎。2個人叫左：1. 鹽酥雞肉躁飯，轉餐加左貢丸湯同熱杏仁奶茶2. 紅燒牛肉麵 （menu 註明不含味精）3. 蚵仔煎最正常既係鹽酥雞肉躁飯，不期望係有台灣味，但最少味道正常。貢丸湯有一粒貢丸，個湯十分油，完全唔預人會飲。紅燒牛肉麵終極失望，麵條偏幼身，配白菜一條。個湯完全唔係紅燒牛肉麵應有既湯，比清湯混濁啲但又無味。如果不含味精係咁既味，我情願佢落味精囉....蚵仔煎無左橙色個 Pat 醬，口感較乾，蚵仔份量少，只係圍邊有，中間一粒都無。杏仁奶茶就係杏霜味，預料之中。附近有大把選擇，唔會再黎了。…查看更多

星期日晚上8時多到達。早聽聞是排隊熱店，一來到見到只有3 pair 人在等候，有點喜出望外。等候時間15分鐘。雖然在街市內，但衛生情況不錯。二人分別點了：1. 麻酸辣米線配魚肉響鈴 - 小辣2. 酸辣米線配炸雞&豬軟骨 - bb 辣第一感覺是米線太淋了，雖然未至於一夾就斷，但咬口盡失。然後老公點的bb 辣比我點的小辣更辣，著實是摸不著頭腦。不過無所謂，反正我不喜歡太辣，會蓋過了其他食材的味道。但問題是- 超！級！鹹！鹹得「乸」喉，完全蓋過了配菜的味道，浪費了炸得漂亮的魚肉響鈴和炸雞。因為太鹹，吃了半碗便放棄了。自問是重口味人士，一般濃味食品都難不到我（例如雲貴x 的酸辣米線，湯和涼拌熱拌都可以）。但今次實在是鹹得過份了。…查看更多

晚上約10時到達，店員/廚師告訴我們這個時間只有刺身壽司類的食品。其實一心想食熱食，不過坐定了又費事走了，就叫了2客極上魚生飯($68)。飯份量偏小，味道偏酸。魚生不過不失，不算新鮮但未至於食唔落。我係女仔食完都唔飽，但作為遲來的晚餐又剛好。算是錯有錯著吧。如果有下次，會試熱食。…查看更多

幫襯過3次平日的午市。自己分別叫過壽司餐、冷烏冬餐和刺身丼餐。說實話味道是不俗的，份量也很大。不過出餐好慢（可能係漏單），自己/同事最後吃到趕頭趕命。若客滿還情有可原，最近一次目測只是坐滿3成，我們13:15下單，13:30追單，13:45要求改外賣，13:55才送出來。希望能夠改善，否則午市很難再光顧。…查看更多

平日晚上九時多到達。二人點了以下食物：1. 晚市套餐 - 青咖哩豬頸肉飯，配中湯2. 冬蔭功蝦湯河3. 沙嗲串燒 - 豬牛雞各2串 （本想點羊但售罄了）青咖哩的味道還可以，不辣的，份量挺多。敗筆的是中湯，很鹹很鹹。二人勉勉強強喝了半碗後放棄了。冬蔭功湯河是最敗筆的。又鹹又唔熱，未至於是凍，我也不是期望它冒著煙來到我眼前，但為何是室溫的？味道也令人失望。湯只有鹹味，蝦也只有雪藏味。最後只能用青咖哩伴著河粉吃。看在沙嗲串燒味道算正常的份上，今次比OK.但我大概不會再光顧了。…查看更多

平日夜晚大約9點半到達，被安排坐晌近門口吧台位置。一入門口就聞到一陣酸臭味，唔知係職員汗味定係間舖既臭味。叫左醬油湯底既和風牛肉拉麵同豬骨湯底既岩手拉麵。兩碗都好鹹，兩碗湯底既唯一分別係醬油湯氐比豬骨湯底再鹹更多。飲左幾啖就放棄左個湯，齋食麵。menu 寫住豬骨湯底建議加黑椒，但台面無黑椒。醬油湯底menu就建議加7蚊要牛油，不過我無加，相信加左個湯底都唔會起死回生。份量揀左正常，無比錢加大。份量就只有平時出面拉麵點既2/3，我係女仔都唔飽。無下次。…查看更多

前身是港式台灣食店，裝修後加了雲桂x 米線原素。因為這食店就在歸家路途上，裝修重開後已吃了幾遍了。環境跟裝修前一樣，坐位算是寬敞的。米線系列：是我喜愛的雲桂x 同系（應該是同一老闆），酸辣和麻辣都是正常的重口味，不過無論是米線還是紅薯粉，小鍋還是涼伴，都有麵質過淋的問題。台式系列：只有大碗飯，不能像前身一樣可以轉麵食，選擇也少了，沒有了魷魚鬚 😟 預期內的港式味道，但比從前差，飯也太軟了。可以選配台式飲品一杯。結論：還是專注一點較好。…查看更多

有預先訂檯，星期五晚上7點半與友人準時到達。叫了2個set share 來吃: 1. 沙律 + carbonara + 鮮果汁 (其實只有橙汁一款可選)2. 餐湯 + 南瓜海鮮焗飯 + Latte沙律：不錯，黑醋酸酸的很開胃餐湯：是黑松露蘑菇湯，略嫌稀了些Carbonara: 麵質偏軟南瓜海鮮焗飯：不錯，很足料而且新鮮星期五晚人比較多，不是太適合聊天。有點敗筆的是服務態度。不是很差但態度冷冰冰的，問可否多給一個盛餐湯的碗，睥一睥我「無架喎！」便轉身走掉了。…查看更多

放工已經9點半，黎到見到有半價，所以坐底左。叫左迷你魚生飯x2，幾款壽司，芝士年糕，楊枝甘露沙律。送了2杯飲品。迷你魚生飯+壽司：魚生新鮮。敗筆的是飯，不是日本米，疑似未熟/唔夠水。壽司一夾便散了。芝士年糕：正常炸物。楊枝甘露沙律：份量很少，是半價關係嗎？飲品：選了乳酸飲品，正常口味。另可選酒精飲品和紙包飲品。正常魚生飯和燒物都沒有優惠。豉油和wasabi 採用配給制。環境頗逼，郁少少都會撞到後食客。…查看更多

在五月酷熱天氣警告的平日晚上，走進這家店。晚上9點半，有2組客人。剛坐下，以為是走路走得太熱了。但坐了一會點了菜，仍感覺不到一點涼風，很明顯冷氣是沒開或是關了。問店員（明顯不是港/韓人仕，大概是菲/印/泰？），說已是”max”了。是max temperature 嗎？？前菜（免費）：泡菜和醃蘿蔔。該是現成貨。飯卷：差，半點麻油香也沒有。韓式拌飯：尚可炸醬麵：尙可食物不是很熱，但整頓飯下來，背脊全濕。食物是不是很差？又不是，但不要期望是很韓式的。埋單要加一，毫子尾數被 round up了。At least 整個夏天不會再光顧。…查看更多