dickylo的個人專頁

星期日的晚上，第一次黎搬左去栢麗嘅魚米家。唔洗等位，兩個人可以坐四人枱。餐牌好多野價錢都唔貴，本身想叫雞翼米線撈但沽清，轉叫豬扒魚湯米線都沽清，最後轉叫雞扒茄湯米線同招牌魚腐魚皮餃湯米線食，仲有兩款小食跟，嗌左灼生菜同炸炸香蕉。雞扒茄湯米線份量足，用新鮮蕃茄煮湯，雞扒兩大塊，有醃到夠入味。魚腐魚皮餃魚湯米線冇味精，魚湯味濃，鍾意魚味嘅朋友啱晒～兩位先$100仲有野飲跟，而家好難搵到咁嘅晚餐，推介大家黎試試！…查看更多

第1次寫食評^^ 就寫一間值得讚ge 餐廳~之前睇某飲食雜誌, 見到有呢間餐廳ge 介紹.而我同我gf 都鍾意食日本野. 所以就試下la~間餐廳面積唔算大, 但坐都好舒服.服務幾好. 店員會主動替人客倒豉油.唔好講咁多. 睇下相先. 我個人係極鍾意食日式咖喱吉列豬扒飯, 食親日本野通常都會叫個定食試下~今次呢個無令我失望. 亦令我有驚喜.因為豬扒佢真係"新鮮" 炸起, d漿同豬扒做到外脆內軟. 而佢亦有作適當ge 調味/醃製.而咖喱汁亦濃. 有少量薯仔及紅蘿蔔作配菜.但由弟我叫小辣亦都頗辣, 所以建議唔食得辣ge 朋友最好叫唔辣喇.服務亦都好好. 店員十分友善及有禮貌. 有時最憎d 餐廳食物質素係好, 但服務唔得呢.我下次會再去呢間餐廳再試下其他野~!! =]…查看更多