haliluyachance的個人專頁

饗 和民 勁高質日本料理豪華二人套餐太耐無去日本，真係好掛住日本野食呀, 今次去左饗 和民，解下旅遊癮先！呢個豪華二人套餐, 好有驚喜, 我以為自己去左日本!!!!! 好高質!!成個SET野食都幾多, 2人份量, 都飽到食唔曬!! 固定商品:1.凱撒沙律（半份）：爽脆嘅蔬菜加上煙肉脆麵包，淋上沙拉醬，爽脆可口。2.精選5品刺身組合：油甘魚，三文魚，帶子，甜蝦等, 擺盤超美, 打卡一流, 仲好新鮮！3. 天婦羅爽脆彈牙天婦羅，裡面海鮮材料豐富，食到唔停口4.雨滴餅（2個）：靚到唔捨得食呀, 口感好特別！甜甜地, 飯後食岩曬~可選擇商品1.鍋物（2選1）「壽喜鍋」一邊煮一邊食，裡面有各種蔬菜蘑菇，豆腐，牛肉，仲有日本蛋可以當作醬料。豆腐好嫩滑，牛肉都肥瘦相間，煮幾秒就可以食，千祈唔好煮過頭，肉質會變老。2.主食（4選1）特盛燒牛井：牛肉飯裡面淋左特製醬料，飯上面鋪滿左牛肉，再打上一個生蛋，趁熱攪拌均勻，咸咸甜甜嘅醬汁加上軟糯嘅飯，大大嘅滿足感，好好食！3.飲品15款選2款，基本飲咩都有饗和民（中環）地址：中環德輔道中60-68號萬宜大廈2樓213號鋪（香港站C出口）營業時間：星期一至日11：30-23：00…查看更多

話說本人真係好耐冇食過西餐，一直都好想去鋸下扒，今次就嚟到呢一間野玩田店，佢係K11入面，呢間餐廳佢唔單只係食西餐，仲非常之適合素食人士，因為佢個餐牌都係有好多素食嘅菜式，非常推介比素食嘅人知。小食嗌咗個炸魷魚圈配啤酒，魷魚圈送走酒簡直一流。然後嗌左個🥩炭燒美國自然西冷配黑松露燒汁(12oz)呢塊扒完全係我想食嘅牛扒，雖然呢塊牛扒唔係平，但係完全唔會令你失望，淨係佢個外表已經又大又厚，切開嘅時候都會見到佢非常之多肉汁。油花嘅分布非常均勻，唔會覺得淡淡肥膏又或者好鞋颯颯嘅感覺。我嗌左五成熟，佢唔會變咗全熟又或者太生。水準同食物嘅素材都非常高嘅水準。另外嗌左🍅日本頂級帶子蕃茄汁意大利飯，帶子大大粒好有鮮味，意大利飯軟硬度適中，因為有時係有啲餐廳食嘅意大利飯好似煮唔熟咁，但係佢個給意大利飯煮得啱啱好，口感好creamy，配上蕃茄汁，淡淡香濃蕃茄嘅味道，無論外觀同埋味道10分出色，係意大利嘅味道啊🥰最後當然唔少得係甜品啦，朱古力雪糕心太軟，入面嘅朱古力係真係流心㗎。加上去買雪糕一齊食味道非常豐富口感亦都好有層次。總括而言我比滿分💯…查看更多

米走雞嘅雞煲一向都係非常之出名，除咗佢嘅邪惡芝士雞煲之外，今次我就試咗呢個非常惹味嘅火焰雞煲店員點火嗰下，大家記得把握機會影張相打個卡。店員撈左幾下冚蓋過多陣就食得。我就揀咗小辣，越食會越辣，大家記得如果唔係好食得辣嘅話就揀返微辣。雞肉全部都大大件，分量仲要非常多。雞肉嘅質感非常嫩滑，簡直大件夾抵食！食完個雞煲當然要加水打邊爐啦，打邊爐最重要係咩呀？最重要梗係佢個牛啦！今次我揀呢個係普通嘅雪花肥牛，但係牛肉非常之嫩滑，肉味濃郁，店員拎到出嚟嘅時候已經係室溫嘅溫度啦，唔會見到牛肉仲有雪。非常滿意因為只係兩個人食所以冇嗌太多嘅款式，另外嗌左個響鈴同埋五寶丸，五寶丸全部都係手打嘅，所以每粒都非常之彈牙，同喺出面食用機做嘅個質感係唔一樣㗎，同埋有餡嘅丸食落去有驚喜另外嗌左兩支藍妹，飲飽食醉，非常滿足咁離開…查看更多

上星期同屋企人黎左食生日飯，大家都係第一次食新加坡菜，抱著試新野嘅不安同期待嘅心情都擔心生日食左餐唔好食嘅野，點知令人驚喜！最鍾意個黑胡椒蟹，大大隻不突止仲啖啖肉，飽滿又濃蟹味，黑胡椒嘅香味亦非常突出，最適合配啤酒，夠曬惹味。老鼠粉原窩上，配埋隻生蛋比你搞拌，老鼠粉其實係一煲銀針粉，晶瑩通透，撈埋雞蛋之後好夾，成煲野勁和味，可能係因為都加左蝦仁之類嘅海鮮，忍唔住食左兩碗！另外仲嗌左香脆嘅沙律骨同超久足料嘅海參煲食到捧住個肚走～…查看更多

打邊爐最重要緊係睇啲牛好唔好食，呢間邊爐舖嘅牛雖然唔係任食，但份量夠多，重點係牛味濃郁不突止，肉質仲好嫩滑，牛小排同手切封門柳我都有嗌，真係好正！上面係封門柳，下面係牛小排鴛鴦湯底～（芫茜皮蛋豆腐+寶寶香辣鍋）中意食辣嘅人一定要點寶寶香辣鍋，麻味唔重但係辣味十足，而且唔係得個辣字，係帶有鹹味嘅辣，同重慶辣味有點相似，個人認為最適合碌黑百葉、豬紅同重慶粉！其他火鍋必點配料～仲有邊爐必點嘅黑百葉，爽口彈牙！…查看更多

今日難得唔洗出去見客，有得同同事一齊食午飯，去左同事推薦公司附近既一間車仔麵。因為真係好肚餓，而且又唔想諗食啲咩，就叫左一碗大胃王米線。大大碗麵上得好快而且仲好熱添！😋啲牛𦟌好軟，而且滷水味道濃郁。腩肉既肥瘦肉比例平均，一啲都唔膩。墨魚丸同牛丸好彈牙，平時最怕食到成粒麵粉波咁既丸，呢度既食得出唔係隨便交貨，真係食到墨魚粒粒同牛肉味。最重要係啲蝦完全唔腥，夠哂爽口，應該係新鮮蝦，配埋清甜既湯底，正！👏另一個同事就叫左三絲麻醬撈米線同滷水雞翼。雞肉絲唔會韌，而且蘿蔔絲、青瓜絲分量十足，適合平時無咩機會食菜既打工仔。食落去清淡健康又不失滋味，啱哂減緊肥既同事食。雞翼真係好濃滷水味。而且加十零蚊就有得食，抵呀！ 今餐價錢方面都幾實惠，六十幾蚊一餐午飯喺金鐘商場裡面黎講真係好合理。下次再試埋酸辣米線先！😋…查看更多

終於完SEM 就決定同同學去食放題賀賀佢!!CWB黎講呢間放題真係唔錯我地就5點半入座 全單會加一後再85折!呢到食物既種類都幾多同埋出面都會有D熟食同埋甜品拎!呢D係出面拎既其他都一般般但心太軟就係最好食既!!唔會太大個而且又真係會有流心既口感唔會過份既甜個殼都幾脆口 食物係上得幾快款式都幾多同埋壽司佢會整到好細舊可以一啖一粒方便想試多D款又驚太飽既朋友~壽司既味道都唔錯款式都幾多漏單既情況都唔嚴重只係試過比幾張單佢漏左一兩款尚可接受而飲品既款式都多茶 酒 汽水 果汁一應俱全但甜品就明明有自助加料區係就冇自己擠出黎既雪糕呢點有D奇怪整體黎講都唔錯既…查看更多

有次同朋友黎到西九龍中心唔知食咩好 又見到呢間中菜館既價錢都幾正常唔會太貴 咁就入去試下同朋友兩個人SHARE叫左個豬軟骨菜飯菜飯都幾香 豬軟骨既汁係酸酸甜甜既好惹味而且炆得好軟 好淋身肉亦都好入味呢個餸撈飯真係一流而小食就叫左豬耳份量唔算好多不過味道亦調得岩岩好唔會係油身 係乾身既微微地既辣味都令到碟豬耳係好香口!我地仲叫左個啫啫雞煲芹菜HI到D醬汁好惹味成個煲其實都唔大既所以份量都唔算好多但都夠晒我地食味道好香濃 雞件亦都好入味!整體黎講係有意外驚喜估唔到呢間鋪既嘢食都唔錯環境都好古式咁不過衛生係一般但員工都NICE既!…查看更多

午市去到和民食LUNCH SET中午冇得叫主餐牌既食物一定要叫LUNCH SET我地大約有十個人但上菜既速度都算快首先上左既係壽喜燒鍋可以跟飯或者加錢跟烏冬烏冬本身就已經煮熟左既而牛肉既份量都OK其他配料都充足真係好似日本既壽喜燒咁 佢既湯底既汁比得唔多但會夠碌熟晒D嘢食湯底味道有D濃既我就叫左拉麵湯底幾濃味 但有D油膩 叉燒既肥肉都比較多味道一般但反而值得一讚既係跟SET既吞拿魚蓉壽司本身個人唔太鍾意食吞拿魚既刺身但呢個蓉既調味唔錯同埋份量都幾多 可以夾到每舊壽司都有好多蓉!沙律就正正常常 個汁都幾開胃既叫左煎餃做小食都煎得幾香口不過有少少油另外仲叫左小食三文魚既壽司就不過不失雞軟骨幾香口而玉子就係淡淡既甜味 都幾日式風味以一間連鎖日式餐廳黎講水準既穩定既…查看更多

之前聽人講食華嫂成日都要排長龍呢日(星期五黎)我地就6點左右黎到直接就有位入 唔洗點等不過可能客人實在太多 而員工太少所以要點餐同拎嘢都要等D時間我地3個人SHARE2碗麵、2個包同一支嘢飲!當然最快上既就係支裝奶茶啦茶味好濃 同埋幾香滑 不過價錢相對上係有D貴冇跟餐價要單買 都要$2X一枝不過勝在佢係成枝雪凍既 就算飲都後來都唔會因為有冰而變淡!跟住就上左招牌芝士咸牛肉蛋豬仔包咸牛肉既調味岩岩好唔會太咸而成個包夾埋一齊都好香口 個包好脆口跟住就上埋招牌菠蘿包入面有蛋 牛油 同埋番茄菠蘿包幾鬆脆同香甜夾埋入面既配料食係唔錯既不過又未去到好驚為天人咁呢個番茄牛通粉都係好出名既番茄湯幾杰身 不過味道唔會濃到好似茄膏咁 都易入口既牛肉片煮得幾軟林 唔會太UN而最後上既係呢個喇沙米線呢個好似唔係間間華嫂都有呢個係有驚喜豬扒幾大塊同香口 而最重點係個湯底既椰汁味好香濃豆卜索晒D味 好出色米線掛湯能力充足 同埋煮得仲係煙韌既唔會煮到林晒冇口感呢個就值得一試!不過華嫂價錢其實唔算平同埋都多遊客食試下都唔錯既…查看更多

呢間CAFE人少少咁 主要係環境係幾好雖然位子係唔多 但坐得幾舒適同埋有部電視係播日本電視台既節目坐得耐都唔會有時限可以同朋友慢慢食嘢飲杯嘢吹下水晚市佢有唔同既SET大約都係100左右 包埋飲品 仲可以用好抵既價(~$5)加購個雪糕球食同朋友黎就叫左唔同既嘢飲花茶既茶壺同杯SET都幾靚味道淡淡既花香 係幾易入口另一杯就係乳酪飲品黎味道唔太濃跟餐主食我就叫左芝士咖哩雞肉焗飯!果然焗嘢通常都好味既芝士同雞肉既份量都多D醬汁都會夠撈晒D飯呢個CAFE比其他樓上CAFE唔同既係仲會有鸚鵡係到震場!好可愛 可以睇下佢地既互動實在係太治癒啦!…查看更多

一開頭得尖沙咀呢間分店既時候係要大排長龍 聽講果陣拎飛再等位晚市既話要等2個鐘不過果日我就3-4點呢D非繁忙時間去食就唔洗點等位既呢間店最大既GIMMICK就係可以自製~又有得食又有得玩!同朋友一齊黎又食又玩都幾開心呢到有分御好燒 廣島燒等等出面會放左D個樣既SAMPLE比D客睇跟住就會一兜兜整好晒既料咁上同埋會有張牌指示點整真係唔識都可以問員工佢地都好NICE好肯解答D材料其實都準備好晒都唔會點失手都整得似模似樣咁哈哈係反果下要D技術!!落埋醬就好似出面整果D了跟住仲叫多左個甜品整黎食個CREAM係幾唔錯 唔會太漏 醬汁都夠夾埋個PAN CAKE食就一流!個蛋漿可以自己調較想整厚D又得~薄D又得 得左!整體黎講雖然係唔平 不過有得自製呢點係幾得意可以試下既!…查看更多

去牛陣打邊爐最吸引就一定係哈根大師啦!一入到去即刻不番幾杯食先!!我地就叫左番茄湯底湯底唔算特別濃郁d牛都上得好快手打邊爐料就自己係出面拎既邊爐黎講其實成個都好普通不過不失而最吸引既就係哈根大師!!!呢個就係牛陣邊爐最回本既位(除左肉之外)佢提供既味都唔少 都大約有8-10款!!滿足晒想食雪糕既我啊~…查看更多

黎到油塘想同朋友搵個地方食嘢係舒舒服服既又想平平地就黎到EURO GO GO喇!!!!!!同朋友一行三人我地3個都叫左唔同既意粉我就叫左肉醬意粉朋友就叫左芝士吞拿魚意粉同埋香蒜蜆肉意粉肉醬意粉係最普通同大X活既肉醬意味差不多而芝士吞拿魚意粉係三個入面最好食芝士同吞拿魚既份量好多撈落個意粉同一齊焗好惹味香蒜蜆肉意粉都唔錯 炒得幾香同乾身 唔會太油 味道唔太濃另外仲叫客蜜糖雞翼雞翼好入味 蜜糖都好香呢到既雞翼都係出左名係幾好既…查看更多

呢間九分茶舍係有似主要係賣飲品多芋圓就淨係可以一係搭豆花一係就搭仙草我地揀左仙草但因為冇晒4色芋圓 得3色我地就叫左3色仙草凍佢既份量都幾多而加做緊PROMOTION學生帶學生證/著校服就可以減$2但果陣唔記得左出示冇減到...D芋圓係好大粒冇左既係抹茶味而我地就叫左番薯、紫薯同埋香芋得番薯係有味紫薯同香芋係一D味都冇同埋佢D芋圓同出面食既有D唔同係好大粒既 好煙煙UNUN同埋有少少透明咁樣但仙草凍係好好食好有涼粉味 唔會淡到冇咩味咁同埋都好滑有機會我都會再食…查看更多