喂喂子的个人专页

第一次食，都坐滿人，紅豆冰硬件好大杯，公司三文治睇落都唔錯，我入到嚟梗係試吓佢嘅燒味，叫咗一個肥叉飯+一個燒鴨飯，覺得唔錯，燒鴨比較少肉，叉燒好好味😋下次有機會再嚟食…查看更多

老公未食過呢間想試下，本身以為好遠，原來系正荃灣廣場對面，都算方便。8點半去到都幾乎坐滿人，試下叫左碟鰻魚壽司，睇外表平平無奇，點知一食落口「sharp」一聲🤣好香脆好好味😋🤤 到老公依呢個香蔥拖羅壽司，佢大讚好味😋份量都算足料！至於三文魚同火炙三文魚壽司，我認為三文魚壽司比較好食，因為肉質較鮮甜及厚身，相對火炙有咬口。見到隔離台叫到成台都係海膽先知原來呢度有限時海膽set，價錢係貴左少少但都幾吸引我下次一試！…查看更多

之前一直都有幫襯開呢間舖頭，然後發現餐牌唔同咗，原來轉左手望一望入面嘅環境，同以前一樣，環境乾淨老闆娘同埋老闆好熱情招待，話佢哋啲牛腩客人試過都會再返來幫襯，叫我俾啲信心試吓佢哋嘅牛腩，比之前上一手（中興牛腩）更加好食，所以我就信佢哋，叫咗一個牛坑腩飯個牛坑腩飯果然份量唔錯，牛腩份量多，配上幾件蘿蔔， 10分入味，港式奶茶依舊好飲，我覺得比起上一手（中興牛腩）的牛坑腩更加好食我覺得香港好味嘅牛腩好難搵到，難得呢一間舖頭轉手之後俾上一手更好食，我覺得佢哋值得一個好評，有競爭先至有進步，希望佢能成為石籬最好食嘅牛腩…查看更多

覺得個泰式炒金邊粉唔夠正宗，唔夠酸及欠缺鮮味但環境坐得好舒適店員服務態度有禮芒果糯米飯的芒果太酸，令到整個甜品的口味麻麻喇沙的湯底較鹹，但是分量十足地點算方便，在鵝頸橋附近，但是食物味道有進步空間…查看更多

平時有食開呢間中興牛腩，今次見佢哋仍保持水準，所以幫手寫下食評啦。我同朋友叫咗牛腩河同埋牛坑腩可，啲河粉就比較林，不過成碗都算大碗，牛腩分量足夠，味道比較龍，牛坑腩肥瘦均勻，而五香牛腩比較瘦，不過都算OK。另外叫咗杯凍檸茶，都係一般茶餐廳應有的水準，整體來講其實呢間野喺街市入面都算係好食，希望佢哋可以keep住水準，唔好令街坊失望呀備注：入面的侍應叔叔都好有禮貌會keep住幫襯不過希望外賣的份量可以多少少，今次堂食就更加覺得外賣的份量比較少…查看更多

一間值得知識嘅餐廳梗係要去支持下啦啱啱今日路經中環，就去試吓呢間一直好想食嘅餐廳，去到門外都需要排隊，等咗大約10分鐘就有位啦但係入去奇怪嘅係佢有間餐廳唔算好多菜式可以揀，有少少長澳洲牛奶公司，都係得嗰幾款15餐俾你揀，對於老人家來講可能就唔係好啱食呢間餐廳，因為想食飯的只有好少選擇啊個炒蛋炒得唔錯，好滑，多士都OK好食，個沙嗲牛肉麵湯底非常濃郁，對我來講覺得鹹咗少少，但係牛肉嘅份量非常足夠滑蛋牛肉飯嘅份量就比較細，對於一個成人男人來講，佢覺得唔係好夠食，但係牛肉都算嫩滑！雞蛋嘅份量都足夠，幾好食…查看更多

我本身都好鍾意食燒鵝飯，呢間馬鞍山嘅大壹燒鵝我喺半年前食過之後就10分難忘，因為佢啲燒鵝係真係新鮮燒，口感一流入到去諗都唔諗就決定要食燒鵝，今日揀燒鵝飯，薑蔥分量十足，燒鵝外脆內軟，凍奶茶夠味其實佢個餐牌仲有好多其他燒味飯可以揀，我之前食過佢嘅燻蹄飯，份量唔算多，但叉燒就10分出色，油雞就不過不失啦但呢間餐廳我估算係區內其中一間受歡迎嘅餐廳，因為每次下午茶時間都大排長龍，今日就等咗大約10分鐘就有得入座，建議想去嘅人可以早啲去排定隊攞位…查看更多

其實之前都聽過呢間野好多次，但係一直都未有時間去，所以趁今日放假就同男朋友去呢一間蕭生嘅茶餐廳試吓。晏晝兩點幾去到都唔算好多人，一去到就有位入座。餐牌都算好多嘢間，有日式嘅港式嘅或者意粉嗰啲都有，都算多元化㗎啦。男朋友揀咗呢個海南雞飯，雞肉嘅份量的確比較少，但係下午茶來講都算係咁，不過下次應該唔會再食呢個海南雞飯啦，男人食完都唔夠飽。我就揀咗呢個蛋包飯，漢堡扒份量的確較細，啲汁亦都唔夠多，大個炒蛋上手都幾好，唔算太乾身。由於男朋友唔夠飽嘅關係佢叫多一份下午茶頂肚，但係呢個口多士實在超級普通，彷彿係一片非常普通嘅方包夾住一夠炒蛋，我本身食慣清淡但都覺得呢個多士太過清淡啦。總結來講第日如果有機會都仍然會食呢間野嘅，因為頌安商場好食嘅嘢真係唔算多，而佢又輸好多嘢揀，同埋坐得好舒服。不得不讚餐廳裏面有個20幾歲嘅哥哥仔侍應，非常有禮貌，又細心，所以就算啲嘢唔好食都會記得有一個好有禮貌嘅侍應。…查看更多

之前都有留意呢間舖頭，一直都未試過，就入去試吓..原來每種餃子+$8就可以加米線或者上海麵，我建議可以加返落個菜單度而唔係下下都要人客去問再望遠啲見到有另一張紙寫住有西洋菜餃子$5X/8隻，好耐冇試過，就試吓啦，初初都驚啲西洋菜會洗得唔乾淨，但係到左時候食落去又OK，個湯底都幾清甜，有玉米🌽可以揀湯餃子或者煎餃子，一個人食八隻都好夠了，最後$60埋單有將佢同附近嗰間「餃子屋」對比，我覺得「餃子屋」好似好食啲，我覺得餃子屋個湯冇咁多味精（好似），因為到咗傍晚的時候可能啲湯太多味精，成日感到口渴但係佢哋啲餃子都真係唔差，好大隻又算足料，下次會再去食:)…查看更多

好耐冇食燉奶，呢日要去尖沙咀，專登早啲出門口，去澳牛食燉奶！真係好耐冇黎，仍然係咁受歡迎，平日下午都要排隊，不過好快就有位喇！天氣咁熱，緊係要食凍燉奶朋友就叫左茶餐通粉、炒蛋、多士、凍奶茶話明光速餐，好快就有得食！好滑好滑，而且奶味好濃，超級好味呀茶餐都到喇！最鍾意食厚多士，呢度整得夠晒脆，又唔會太燶炒蛋都好滑，不過食到最後會覺得有少少油膩，同朋友share就啱啱好叉燒通粉個湯就咸左少少，如果淡啲會更好奶茶就一如以往的好啦…查看更多

新都會廣場已經裝修得八八九九，呢日同朋友行下，發現多左好多舖頭，行到晚飯時間就搵下有咩食，經過北京樓見到未夠六點就有好多人等入座，而且某信用卡有九折，今次一於去試試六點準時入座，即刻睇睇餐牌有咩好食！最後叫左北京填鴨、紅油抄手，落單時侍應話北京填鴨要等45分鐘，一場黎到就等等啦足足等左九個字，終於有野食紅油抄手，非常一般，同行朋友就覺得十分唔掂:(北京填鴨，本身好期待，點知食落實在太令人失望最後食剩好多，實在無辦法繼續食埋佢⋯⋯希望以後如有機會再黎，食物質素會改善！…查看更多

好耐冇食冬陰公公喇！呢日行過見到冇乜人就坐低回味下本身諗住叫返以往食開嘅雞扒，點知搵黎搵去都見唔到，好失望最後叫左肥牛，冬陰公湯BB辣，米線食落覺得冇以前咁好食，肥牛同冬陰公湯唔係好夾，都係以前嘅雞扒好食啲:)…查看更多

今日黎呢邊搵朋友，第一次黎呢個商場，本身以為好大，原來冇工只得兩層行左一陣想食啲野，見到呢間餐廳門口好多人排隊，望下menu覺得都ok，咁就一於排隊試下啦！好彩排左一陣就有位入到去坐低就叫野食啦，全場坐滿，見其他食客通常都係叫常餐/炒粉炒飯，今日就叫個常餐試下食物好快就黎到喇！先黎叉燒湯通粉，menu寫明係文華自家叉燒，睇落同平時燒臘檔既叉燒真係有分別，又真係幾好食再黎沙茶牛肉通粉味道比一般茶餐廳既沙嗲牛肉好味炒蛋都好滑，多士夠曬厚，好食！總括黎講都算唔錯，如果價錢平少少就更好啦…查看更多

一直以來都有留意到有間餐廳係新都會最高嗰層，今次終於去試吓，我哋六點幾去到都唔使等位，餐廳裏面冇乜人，:)好快就可以有座位了！侍應提醒我哋，原來七點半前買單可以有折扣，另外有一些晚餐是買一送一的，價錢會計最貴果一個晚餐，所以我哋揀咗牛扒同埋炸魚薯條！牛扒梗係要五成熟啦，我哋等咗大概10分鐘，終於上菜了！先講下牛扒，牛扒非常幼溝，入口即溶，有少少血水，非常正！一啲都唔覺得好heavy! 而且牛扒大大塊，覺得性價比十分高！下次都一定會來試多次！而炸魚薯條就比較普通，但是份量十分足夠，炸魚十分大塊！總括來說這間西餐廳有折扣後的確十分吸引，若果折扣繼續持續，我們下次一定會再去…查看更多

星期日好得閑，諗起好耐冇行元朗啦，所以就坐西鐵去元朗行下！之前來呢度行嘅時候都有留意呢一間學店架，發現有好多人都幫襯，成日都人頭湧湧，座無虛席。今次去到難得一場，見到有位即刻坐低，叫了一碗牛腩麵、牛腩咪、雲吞麵！喺等候期間我哋留意到師傅再次牛雜，鍾意食牛肚嘅朋友見到師傅夾起牛雜，就知道好好食！我哋大約等左5分鐘，就可以開餐啦！首先講吓牛腩麵，佢嘅面好煙銀， 10分爽口，軟硬適中，而且牛腩是半肥瘦，分量十足，完全唔會覺得好少牛腩！之前食過一啲潮州粉面店，估唔到最好食嘅牛腩係呢一間然後到雲吞麵，雲吞麵內的鮮蝦10分爽口，而且每粒雲吞大大粒， 10分飽肚！下次會再來， ＄30一碗麵現在很難得，算係性價比很高…查看更多