kathfung666的個人專頁

話說收咗工男朋友出嚟同我去食飯，本來諗住去大角咀街市樓上間大排檔食點知太多人，即刻上返OpenRice睇吓邊度有好嘢食，結果最後揀咗行一大段路，去食一間咁嘅雞煲，喺OpenRice度睇到好評都幾多諗住冇死啦，咁咪入去坐低開席囉，正常你入到去一間食雞煲嘅店，店員都會大概同你介紹點樣order點樣食，不過唔好意思呢間店係完全任你自己自生自滅同你講多兩句都嘥氣，所以我哋就戇居居order咗個雞煲同埋個湯底，然後擺上你個枱上面就係一個雞煲+1個湯底😂😂😅然後你就會知道如果你下次再好白痴咁走入嚟呢間餐廳度食就要記住一定要食完雞煲先至好叫個湯底😆講真，雞煲就真係冇乜特別，好過佢嘅一定係多多聲，所以我都唔特別多講。不如講下個火鍋啦，呢度係用QR code點餐的，20:00入去食，牛肉剩返最差嘅嗰種，即係佢所謂嘅特級肥牛，肥牛上面嘅白色油脂多過紅肉嗰種，朋友你收三百幾蚊你俾啲咁嘅肉人哋，即係叫人下次唔好再去幫襯你，ok!!!冇牛肉食都唔緊要，咁食菜囉，真係好嘢，啲菜俾人夾晒乜都冇你都唔fill, 體諒你哋都好忙嘅，不過唔忙嗰陣就顧住企喺隔離傾偈，傾吓第二日邊個返邊個唔番，朋友你fill咗嘢先啦,全村人等你哋,食物種類少都唔緊要，連呢啲基本嘢都做唔好🫠🫠唔理你哋啲好評係點樣嚟，改善下呢啲嘢啦，如果唔係只會越嚟越冇人幫襯，不過我就唔會再去幫襯㗎啦。…查看更多

入咗船灣淡水湖釣魚，另一半介紹咗呢一間cafe話啲咖啡唔錯,再加上其實我都真係幾肚餓，除咗杯凍美式之外，我外加咗一碟菠菜忌廉三文魚意粉1 ） 杯咖啡好飲，我沒有太多花巧的形容，該咖啡豆應有嘅風味，佢完全沖到出嚟，對於做開咖啡行業嘅我，完全合格.2) 菠菜忌廉三文魚意粉ok的，原本我主要目的唔係食嘢，結果到最後我嗌多咗個蘋果撻，職員仲介紹我加多個ice-cream一間有heart嘅cafe,不用太多花巧野，但職員同顧客嘅互動，已説明一切。…查看更多

由疫情爆發到而家已經有好耐冇出過去堂食，基本上已經去到忍無可忍嘅地步，而且亦都有好耐冇食過我最愛嘅生蠔，其實原本我冇諗住嚟蠔站，咁啱另一間食蠔嘅餐廳book唔到位，或者連個天都知道我太想食生蠔啦，就畀我睇到位於銅鑼灣嘅呢一間蠔站有10蚊生蠔食，當下冇諗咁多直接book咗呢一間餐廳。一入到餐廳就有一位短髮女侍應（我認為佢應該係經理級）非常熱情咁招待我哋,佢亦都非常專業咁介紹咗十蚊生蠔同埋一支非常唔錯嘅白酒（呢支白酒我下次會再叫），佢嘅專業態度以及幽默感令到我好心甘情願再嗌貴啲嘅生蠔食🤣🤣🤣🤣，而事實上佢哋嘅生蠔亦真係唔會令人失望，而且由於佢嘅熱心同埋專業，我決定咗放棄另一間餐廳下次再嚟食🤭🤭，除咗生蠔之外我地亦有嗌咗雞胸沙律，呢個正正常常亦都唔錯，今次真係冇嚟錯🥰…查看更多