heyoimL的個人專頁

上個星期尾，同班friend去咗荃灣大鴻輝中心嘅漁樂場食飯，呢度裝修好有拉斯維加斯feel，燈光閃閃，仲有live band唱歌，氣氛超high！一入去就覺得好玩，適合聚會或者慶祝生日。食物方面，主打川菜同燒烤，但佢哋嘅小菜都出色，我哋點咗幾款。海哲前菜作為開胃菜，新鮮海哲Q彈，蝦醬蒸五花肉蒸得入味，微微鹹香，乾炒牛河炒得有鑊氣，牛肉嫩滑大片，河粉煙韌唔黏。濃湯勝瓜浸魚腐，熱辣辣上桌最加分！湯底鮮甜濃郁，勝瓜軟糯，仲有試咗水果茶，超級大杯裝滿新鮮生果，解渴一流！總括嚟講，漁樂場食物質素穩定，環境娛樂性強。.味道：😋😋😋環境：🍽🍽🍽🍽服務：🤵🏻🤵🏻🤵🏻🤵🏻抵食：🤑🤑🤑🤑5分滿分.漁樂場荃灣衆安街55號大鴻輝(荃灣)中心6樓.By IPhone 14 Pro Max2025.08 Photographs…查看更多

前排同朋友去咗旺角嘅 御滿屋日本料理 試吓佢嘅放題，感覺還好。食物方面，刺身算係新鮮，三文魚同甜蝦都OK，入口幾滑。熟食選擇多，鹽燒牛肉粒內同炸物都幾好食。環境係日式風格，坐得仲算舒服。服務就正正常常，可以自己用QR code點餐上菜都幾快，桌面清理都要等一陣。甜品有Häagen-Dazs，Movenpick 等等唔同牌子雪糕。自助區有清酒可以飲都算特別。整體嚟講，鍾意放題嘅可以一試.2小時放題 - HKD$308.味道：😋😋😋環境 ：🍽🍽🍽服務 ：🤵🏻🤵🏻🤵🏻抵食 ：🤑🤑🤑🤑5分滿分.御滿屋日本料理旺角彌敦道655號胡社生行1樓.By IPhone 14 Pro Max2025.08 Photographs#食 #food…查看更多

最近去咗位於西九龍中心紅蔥頭，呢度嘅菜都唔錯，法式香草牛油焗田螺肉，味道幾好，鐵板肉眼扒煎得啱啱好，內裡多汁嫩滑，食得過癮！意大利魷魚墨汁意粉彈牙有嚼勁，墨汁醬濃郁帶海鮮風味，層次分明又唔會太膩，雪糕球就清甜爽口，黑熊飲品造型可愛，味道清新。.二人套餐 - HK$183 per one.味道 ：😋😋😋環境 ：🍽🍽🍽🍽服務 ：🤵🏻🤵🏻🤵🏻🤵🏻抵食 ：🤑🤑🤑🤑5分滿分.紅蔥頭西九龍中心6樓601C.By IPhone 14 Pro Max2025.07 Photographs…查看更多

今次試咗幾款火鍋招牌菜，首先係手切牛拼盤，牛肉薄切得好好，新鮮彈牙，手工切割真係有水平，煮熟後入口即化，肉香同湯底混在一起真係一流。 雪花牛單獨另上，油花分佈勻，口感軟滑多汁，煮熟後牛肉嘅甜味爆發，係火鍋嘅焦點。豪華海鮮拼盤都好出眾，入面有新鮮蝦、蜆等海鮮，鮮味十足，喺湯底煮出嚼勁同海鮮嘅天然甜味。牛拼盤有湯匙肉、匙柄、牛朴肉同匙仁，每個部位各有特色，食落層次感十足。湯底係美人花膠鍋，用高級花膠同滋補食材熬出嚟，湯清甜鮮美，膠質豐富，飲落滑溜又有營養。配上雪花牛、豪華海鮮拼盤同多款牛肉，湯底同食材嘅鮮味互相提升，煮到後期仲有花膠嘅淡淡香，滋潤又唔膩，特別啱啱鍾意養生嘅人。.美人花膠火鍋 -328.味道 ：😋😋😋😋環境：🍽🍽🍽🍽服務：🤵🏻🤵🏻🤵🏻抵食：🤑🤑🤑🤑5分滿分 5 is full marks.淥鼎記旺角彌敦道601號創興廣場5樓.By IPhone 14 Pro Max2025.06 Photographs…查看更多

喺沙田行街，見到小野人燒烤呢間餐廳，氣氛好chill，啱晒同朋友一齊聚會放鬆嘅心情。點咗唔少嘢試，開頭叫咗大漢烤羊肉，牛肉同雞肉串，肉烤得香噴噴，肉質嫩滑，調味濃而不膩，啖啖肉香。然後金針菇牛五花肉卷，五花肉肥瘦均勻，烤出少少焦香，肉汁鎖得好好，食落好滿足。至於烤新鮮生蠔，Q彈大魷魚同扇貝就新鮮又有蒜香味。小鐵鍋蒜香金針菇嘅鮮味好突出，份量啱啱好。烤鮮韭菜就爽甜有少少煙燻味，簡單但好味。小野人燒雞翼雖然細細隻但好入味，烤得香脆，係一個唔錯嘅小食。飲品試咗元氣森林李水果茶，茶味清香，水果味濃，飲完好解膩。整體黎講，價錢公道，喺沙田真係值得一試！.大漠烤羊肉（5串） - 48烤小牛肉串（5串） - 48金正菇牛五花肉卷 - 28蒜蓉烤新鮮生蠔 - 36小鐵鍋蒜香金針菇 - 48烤鮮韭菜 - 23Q彈大魷魚 - 45蒜蓉粉絲烤扇貝 - 42烤雞肉串（2串）- 28小野人燒雞翼（2隻）- 28元氣森林水果茶 - 48.味道 ：😋😋😋😋環境 ：🍽🍽🍽🍽服務 ：🤵🏻🤵🏻🤵🏻🤵🏻抵食 ：🤑🤑🤑🤑5分滿分.小野人燒烤烤 KOKA沙田沙田正街2-8號新城市廣場三期3樓326A號舖.By iPhone 14 Pro Max
2025.04 Photographs…查看更多