MarleneSea的個人專頁

天氣轉涼，感冒前清清腸胃～見網上外賣平台有免運費優惠，即刻落單～瑤柱白粥（加鹹蛋半隻、加魚片）評分：4/5 同自己煲嘅白粥唔同，大師傅嘅瑤柱白粥粥底相當入味，一碗有成十幾粒瑤柱，加埋隻鹹蛋一啲都唔寡口。第一次加魚片，發現有少少細骨，如果比小朋友食嘅話未必適合加魚片。凍豆漿評分：3/5正常豆漿味，但因為加左冰，外賣送到時已經有少少溶，有種對得太多水嘅稀釋感，如果堂食或者外賣走冰嘅話會好啲。價格：$55（$30 瑤柱白粥 + $5 鹹蛋半隻 + $5 魚片 + $15 豆漿）…查看更多

週末午餐黎新都城食壽司郎，適逢有期間限定嘅「赤醋飯」。我哋仲試咗佢哋嘅新版玉子燒。「赤醋飯」：評分 2/5呢個期間全部嘅壽司都用「赤醋飯」黎配搭，比起普通嘅醋飯，更酸&鹹，掩蓋咗墨魚、蝦等食材嘅鮮味，又同火炙等濃味壽司產生衝突。唔知係分店嘅問題定係配方嘅問題，個人唔鍾意太重醋味既壽司飯，有種喧賓奪主既感覺。「壽司郎新版玉子燒」：評分 1/5睇到社交平台同餐牌上都大肆宣傳「六層鬆軟口感」，但試食落嚟完全唔同，好似放喺雪櫃好耐嘅蛋糕咁濕濕地凍凍地，又冇高湯味。總結：呢次嘅壽司郎午餐體驗唔係好理想，期間限定嘅「赤醋飯」同新版玉子燒都令我失望。希望呢樣嘢只係個別分店嘅問題，同埋快啲變返正常既醋飯。…查看更多

工作後買杯茶回家，店面點單後等約5分鐘。點的是「307茶王，加珍珠，去冰，不再加糖（無糖）」評分：5/5（1）茶澀味明顯，喜歡喝濃茶的人會很喜歡。只喝純茶不加奶的話建議選微糖，或者無糖加配料。（2）珍珠有彈性，微微帶點甜味，不會太甜/死甜，搭配濃味的307茶王非常夾。（3）喝完茶剩下5粒珍珠，份量剛好。價格：$28（$24 307茶王+ $4 珍珠）；總結：307茶王的茶澀味道搭配珍珠的彈牙口感非常不錯，價格合理，值得回訪…查看更多