Elainelingyip的個人專頁

繼續發掘屯元天既cafe今日入左屯門 #新墟站 搵食又係叫左我最愛既All day breakfast 同埋Dirty🥰呢個All day真係極極極豐盛，除左有牛排之外仲有煙鴨胸、三文魚、牛角窩夫、薯餅等等…每樣野份量都好足又好食。@fathung423 揀左最出名既豬柳強，切開隻蛋係半熟架，配埋芝士薯格真係好邪惡呀！#cafe #dirty #latte #alldaybreakfast #屯門 #新墟 #屯元天 #美食 #打卡 #新墟咖啡 …查看更多

難得過黎銅鑼灣做野，當然唔少得搵番間Cafe試下啦。一開始點餐既時候已經覺得呢度既選擇好多，除咗我最中意叫既全日早餐之外，仲有前菜、小食、Pizza、飯同意粉類；仲有就係有唔同種類既甜品，樣樣都好吸引😆最後我都係揀左全日早餐，值得一讚既係佢全日早餐都可以跟據番個人口味去選擇主食、包括牛扒、煙三文魚、慢煮雞胸同埋吉列鱈魚柳；最後我揀咗燒烤汁牛肉，牛扒煎得啱啱好唔會太熟，成份早餐份量好足，最後係食唔哂架！不過跟餐配果舊包同南瓜湯就有啲失色，個包係勁油～之後仲叫左一份炸蟹肉球拼薯餅配蜜糖芥末醬及茄乾醬，明明蟹肉球先係主角，但係竟然係薯餅加埋個蜜糖芥末醬更加出色，入口有小小微辣，好味😋甜品方面叫咗個榛子醬窩夫、士多啤梨乳酪、朱古力脆脆、雲呢拿雪糕；呢個窩夫食落口較為厚實，唔夠鬆化，但整體配搭都幾夾，加配左士多啤梨乳酪，令到成個甜品唔會太甜。最後叫咗一杯喺出面好少見到嘅cucumber latte,估唔到聞落去已經有淡淡既青瓜味，飲落去仲覺得好fresh，未飲過嘅真係值得一試👍🏻👍🏻…查看更多

最近有好多推廣介紹呢間韓國燒肉，話可以1蚊加醬油蟹或者其他野，我地成班同事過去叫左午市定量燒肉，問佢地係咪有得加，就話要放題先有。再問四人以上生日優惠呢？都係話要食放題先有，明明啲推廣都係做擺緊定食set，再話有優惠，無寫明條款要食放題，擺明就係利用呢啲漏洞黎吸引消費者。除左無優惠之外，跟定食既小菜只有三款，當中既泡菜有種霉霉地既味，好似放左好耐咁，我果個套餐既肉還好，但同事果份係碎上咁，最後變咗炒牛肉咁款。…查看更多

難得走入屯門,問左身邊既朋友有咩好食又打卡able既 cafe推介,最後揀左呢間By The Tray，果然最後都無失望呀;除左室內無位搞到要坐出面餵蚊之外都真係無咩 大問題1. A big breakfast 大盤子早餐 一上枱果下第一個諗法係咁大份食唔食得哂,好彩有人 同我 share個炒蛋好滑同埋真係勁多,同埋牛角窩夫 好食,啱晒中意食牛角包既我。2. Egg Benedict 班尼迪克蛋早餐 有齊另一半中意食既pancake、三文魚同埋 牛油果,pancake 好軟身同埋牛油果/三文魚一齊食 估唔到係咁夾。3. Handmade Caramel 自家製焦糖鮮奶咖啡 視覺加埋味覺既享受,睇住啲焦糖塊慢慢溶落去,一開 頭飲無咁甜到最後濃縮左啲焦糖既香甜,有別於出面飲 既焦糖鮮奶咖啡。4. Mocha 朱古力鮮奶咖啡 呢杯 Mocha 就比較普通,下次可以試其他新野。…查看更多

呢度既環境好舒服，lunch set有埋湯同餐飲試左個紫椰菜湯，粉紫色既湯好特別，飲落都幾好飲；我叫左個葡萄牙海鮮湯飯，無想像中咁多湯似燴飯多啲，用左蕃茄做底所以酸酸地好開胃，海鮮就得蝦同埋青口比想想中少，睇落細細碗咁但食完都好飽。Lunch 黎講價錢偏貴但勝在少人同坐得舒服可以慢慢hea下～…查看更多

呢日同屋企人食飯慶祝生日，所以搵左間坐得舒服既泰國菜試下，上網search荃灣泰國菜，好多人都推介呢間。唔知係咪因為限時個半鐘既原因所以上菜速度都幾快👍🏻豬頸肉咬落彈牙又juicy, 炸蝦餅同生蝦都係必食，蝦餅好彈牙同有口感，生蝦就好新鮮爽口，加埋啲秘製辣汁好惹味；仲有叫左個軟殼蟹咖哩，份量好足好啱一大班人食，佢既咖哩帶有小小甜味勁好食，用黎配飯同薄餅真係一流。海南雞要訂位果陣預先落order留，第一啖咬落去有驚喜，因為真係好嫩；生菜豬肉包辣辣地好開胃，青芒沙律有啲魚乾同埋腰果配埋，口感幾豐富但係就太辣啦！跟住仲叫左串燒，無咩特別；椰菜苗勁老同勁硬，唔推介；反而蒜茸包即叫即整，上枱果陣熱辣辣外脆內軟咁，勁好食😋…查看更多

Lab Zero at TST一間好啱打卡既雲朵cafe，杯dirty幾好飲，飲到冷熱既唔同層次，另外仲叫左tiramisu法式吐司，明明唔多人但製作時間勁耐🤦🏻‍♀️味道方面個吐司唔夠脆口，雪糕幾香幾creamy，整體黎講比較普通唔值呢個價。 …查看更多

Cat姐話想玩貓貓，即刻安排之前去過既URBAN Cafe🙆🏻‍♀️經過呢間分店好多次但都係第一次幫襯，估唔到咁多人，不過好彩都算多貓貓，成勁用頸巾捕獵左貓貓，佢地仲訓到竹地走都唔捨得起身🤣野食就叫左原條鰻魚明太子忌廉扁意粉、滋味拼盤、特濃朱古力Oreo，意粉同鰻魚都好好食，拼盤就所以野都炸得好乾身，硬梆梆咁唔係咁推介，推介特濃朱古力；好濃味打卡又靚🤭🤭星期六日發公眾假期人均最低消費$100，叫杯野食同野飲基本上都過，不過唔好既係限時2個鐘，未玩夠就已經要走啦🤦🏻‍♀️#貓貓cafe #cafe #打卡cafe #hongkongcafe #hkig #hkgirl #meow #cat #catcafe #urbancafe #chill #enjor #relax #instafood #potraits #photography…查看更多

前排睇完黑白大廚，朋友介紹左呢間fusion 菜，可以試到啲好新穎既菜式，重點係用料新鮮；上一次同朋友食果個舊menu比較多特別野，今次再食已經換左menu~試左個青口意粉同埋好似係蕃茄豬頸肉意粉，賣相好似好普通咁，但係食落有驚喜，個青口唔似平時出面食果啲無味既青口，佢係帶有海水味，食落好juicy，而豬頸肉就好爽口；我個人就覺得青口果個正啲😆希望下次再去又有其他新菜式啦🤭#搵食 #旺角 #旺角美食 #小店 #吃貨 #西餐廳 #fusion菜 #lunch #foodblogger #foodstagram #instafood #chill…查看更多

係青衣運動跑完步之後跟左地膽去搵食，帶左我地黎呢間隱世既日式串燒店，平時真係唔會經過呢度，更加搵唔到呢間咁高質既串燒店😍叫左好多款串燒一齊share黎食，當中最最最推介既係豬肉釀雞皮餃子，真係必食，表皮燒到脆卜卜入面就鎖住左啲肉汁；另外就係燒粟米🌽，老闆話佢地用左隻靚既牛油黎燒，聽完唔記得左，但最緊要好食😋仲有一個推介既係秋葵蝦滑，因為好少蔬菜類，所以都好推介要食呢個😋牛舌就好大塊但係一啲都唔韌，我本身麻麻地食牛舌都覺得唔錯，其他串燒正常發揮，係雞皮餃子同粟米太好食，所以唔記得咗其他既味啦🤣…查看更多

One 🍋 One （壹檸壹鮮果茶飲）觀塘第二分店主打新鮮製作既鮮果茶飲，即叫即切，即捶即搖。每款茶飲都拼配黃金比例，可選擇甜度和冰度配合自己的口味，我地揀左招牌必點既蜜桃冰茶同同好邪惡既榴蓮甘露，蜜桃味清甜加埋啲茶好幫助消化，啱哂食完野飲；榴蓮甘露既榴蓮味好濃郁，加埋椰奶感覺更加濃烈。#手搖 #茶飲 #吃喝玩樂 #食玩訓 #鮮果茶專門台 #foodie #hkgirl #hkig #reels #reelsinstagram #instafood #hkfoodie @oneoonehk …查看更多

做完野去左九龍城呢間意大利手工Pizza店，所有麵團都經過二十四小時發酵，pizza即叫即整，熱辣辣咁送上黎～因為間野既名所以揀左佢地既招牌Pizza Mama Mia!材料有芝士、意式煙肉、意大利香腸、辣肉腸、意式肉醬，勁豐富同埋好惹味，唔同既腸有唔同既口感，啲煙肉焗完脆脆地好香口。跟住叫左水牛芝士條，因為見到其他人分享可以拉絲，所以真係好想試，建議熱辣辣果陣食可以做到拉絲嘅效果，擺耐左啲芝士就會變硬，因為屋企人唔食辣所以無試到余均益雞翼，試左BBQ雞翼，勁多BBQ醬，好夠味😋…查看更多

好耐無食韓燒啦😋呢日去左濟州燒肉食堂試下近排個個都叫既一級五花肉套餐，聽個名係咪以為得豬肉呢？其實呢個餐有齊哂豬，牛，雞同海鮮架啦！跟餐仲會送埋一份三色頭盤，而其餘既小菜、爐邊燒泡菜蛋同埋粟米芝士就可以再添加。燒肉包括：🔹一級五花肉🔹和牛牛五花🔹安格斯牛外裙邊🔹牛小排🔹一口鱈魚肉無貨轉左做鰻魚🔹蘋果梨汁雞肉另外仲有一份薯仔排骨湯所有肉類都好有質素，個人最中意食一級五花肉，燒到啲油花出哂黎又有小小焦香，用黎整生菜包食一流。薯仔牛骨湯有驚喜，估唔到咁好飲同埋啲排骨燉得好腍好入味，如果有碗飯就更加不得了😋仲想分享一下因為我食野期間唔小心倒瀉左杯野飲搞到周圍都係，多謝店員即刻過黎幫我手清理現場，同埋佢地個個都面帶笑容勁nice, 服務態度十分之好，再次講聲謝謝同埋唔好意思🙏🏻@jeju_bulgogi 📍北角渣華道123號北角匯2期2樓210號舖#濟州燒肉食堂 #Jeju_bulgogi #韓燒 #燒肉 #韓國菜 #韓國餐廳 #韓國燒烤 #韓牛 #濟州黑毛豬 #吃喝玩樂 #食玩訓 #美食 #hkgirl #hkig #instafood #foodie #hkfoodie #reels #reelsinstagram …查看更多

超級親民既貓貓Cafe, 呢日機緣巧合同同事一齊去左呢間位於旺角既小店，同店員溝通嘅時候了解到原來好多貓貓都係比人遺棄再由佢地收養同照顧，果日我第一次見到呢隻緬因貓，一開頭覺得佢好惡，因為佢個樣好似獅子咁，後尾見佢流鼻水同店員講先知原來佢有痛所以眼同鼻都唔係咁好，所以成日都會流鼻水；仲話佢個樣雖然好惡，但係呢就係鱷魚頭老襯底，其實內裡不知幾咁純，所以我之後就嘗試左抱佢啦，好大隻同埋比我想像中重呀！野食方面有沙律、意粉、飯同小食類，選擇唔算太多但我覺得去玩貓貓既話貓重要過野食啦😆我叫左杯摩卡咖啡同埋意粉，野食同埋器皿方面都有貓貓造型好啱打卡👍🏻#貓cafe #貓 #主子 #旺角 #旺角貓cafe #店長 #緬因貓 #吃喝玩樂 #打卡好去處 #食玩訓 #cafe #instafood #foodie #hkfoodie #hkgirl #hkig #reels #reelsinstagram #cat #catlover #cute #meow…查看更多

超級抵食份量又多既上海餐@上海萬家村小館因為食過呢間既松子魚一直都念念不忘，今次飯聚同朋友一齊去食，好彩佢地都覺得好食😋超級推介松子魚二人餐，我地叫左兩個餐：冷盤點揀左海蜇同埋雞絲粉皮，清爽開胃；小籠包皮薄多汁、主菜松子魚酸酸甜甜好開胃，起哂骨咁食啖啖都係魚肉又炸得好脆；小炒叫左梅子骨同埋西蘭花蝦球，梅子骨整得好香口又唔會太咸，西蘭花蝦球既大蝦爽口彈牙，湯品就叫哂海鮮湯同酸辣湯各一，兩款既味道都好特別，好飲👍🏻甜品都係豆沙鍋餅同高力豆沙各一，高力豆沙好鬆軟好食；最後仲有楊州炒飯，不過無影到相同埋太飽無食到🤭#吃貨 #吃喝玩樂 #食玩訓 #深水埗美食 #上海菜 #松子魚 #小籠包 #吃貨人生 #hkgirl #hkig #reels #foodie #instafood #instareels #instagram #hkfoodie #gathering…查看更多