Helana的個人專頁

尋晚自己一個喺旺角度行街散心，咁啱行過見到靚煲皇，諗住天氣咁凍打邊爐暖下身都好，入到去同個店員講一位，個店員都照比張大枱我坐，等我坐得舒服啲，服務好周到👍尋日天氣都幾凍，我就叫咗個特香胡椒豬骨煲，個湯好夠胡椒味，飲完之後成個身暖笠笠，而且個湯仲好香豬骨味，啲筒骨唔係淨係得骨，係有啲軟骨黐住，同埋入邊係有骨髓嘅，舊舊都有肉！我仲叫咗細嘅手切肥牛，肥鵝腸，同埋新鮮海蝦，個手切肥牛，十足牛香味，啱晒我唔鍾意好肥膩嘅牛肉，係新鮮嘅牛頸脊位，肥鵝腸夠晒爽口彈牙，個海蝦feel到係新鮮嘅蝦，肉質唔會霉有彈性，淥完啲蝦之後個湯底仲多咗蝦鮮味，令到個湯更加鮮味十足，啲份量都好足料，加上個煲有好多材料，有粟米同埋白紅蘿蔔，啲豬骨每嚿都好大嚿，搞到最後要打包食物拎走🤣會有下次！…查看更多

這幾日天氣時晴是雨，搞到人好無胃口，睇到食評介紹呢個冬瓜海參清雞湯，就同三個朋友一起去試試！一上枱，半隻雞放咗喺煲湯度，已經非常吸引，我和朋友幾人馬上去喝這個雞湯，發覺清甜得來有冬瓜味，非常消暑，後來侍應幫我把半隻雞用刀叉分件，雞肉非常亂畫而且好有雞味，不到2分鐘我哋三個人已經將個半隻雞食晒，開始慢慢覺得胃口大開，叫了粉絲，用來吸收個湯底嚟食，海蝦，台灣鴨血，仲有粟米，可能加咗粟米，個湯特別清甜，我哋飲到乾晒之後服務會再幫我地再加個新嘅雞湯，其後再加埋細的極上肥牛，終於我哋食到飽飽！ 個雞湯真係好好飲，好足料好有雞味，還有花膠和冬瓜，清甜得來好啱咁熱嘅天氣食，我真係極力推薦大家一定要來食呢個煲！保證你哋唔會失望！…查看更多