兩人同行只叫咗煎雞翼，炒蟶子同生滾牛肉粥
先嚟雞翼，本身期望不太大，誰不知食落不得了
那在雞翼上散發椒鹽香味，加上雞翼不大亦不小，剛好一口一隻，一定要比讚佢每次去都必定要order
再嚟炒蟶子，辣度適中 ，加上肉質肥美，絕對超值而且份量亦不似其他大牌檔，今次食到嘅係肉比殼多最後上枱嘅係生滾牛肉粥依個都非常好味道牛肉雖然醃得咸咗少少，但配上綿綿嘅粥底則令人食不停口…查看更多，始終搵唔到一間令本人心郁郁想內進嘅餐廳，直至嚟到太子突然見到依間點心舖，客人好似不少嘅情況下便試一試。果然一試便知龍與鳳，令我不得不寫一篇劣評。
由於第一次光顧，先叫四個點心一試。但坐低後發現環境比較擠迫，可能餐廳於旺區開業吧。不過餐廳已盡量給予客人最太嘅空間，因而枱上亦沒有茶壺，只有一杯茶，店員會不停為你添滿。招呼還是可以的。
不過茶非常的熱，令人難以飲用。第一樣先嚟嘅係燒賣，味道上與市場上其他點心專門店無太大分別。但食到中間仍有肉汁流出。第二樣係脆皮奶黄包，此點心真可以做到脆皮而不失奶黄香味。咬落有食炸饅頭嘅感覺，比較少見。唯此製法太過油膩，而且有其中一件嘅餡料特少，該件好似變相食緊一件沒有媡奶嘅炸饅頭一樣。
第三樣係燒汁蒸釀茄子。平曰喺其他地方只會食到煎釀茄子，感覺並不會太多油份。需知道茄子係一樣比較索油嘅食材，相信餐廳採用左先煎後蒸嘅做法，因為咁可以令茄子變腍。可惜蒸過後嘅茄子因為變得腍身，最後用一夾即散，釀喺上面嘅魚肉亦 與茄子分離。加上先煎後蒸，將油份由茄子迫返出嚟，點心變成油浸茄子魚肉。最後喺XO醬炒腸粉，點心嘅重點在XO醬上，雖然上枱嘅時候有XO醬嘅香味，但食落卻只係覺得佢似豉油王炒腸粉加XO醬，整體感覺偏鹹。
原本想試下此處嘅蒸飯，但點心給予的感覺太差，最後亦沒有給予機會。特別一提，是晚兩人用餐，原本被安排坐於六人座位，但原來有人已一早留坐。當時已訂枱者一行五人嚟到，立時令座位不足，原本較迫嘅地方亦變得更擠擁。
幸好有四位食客離去，店員亦非常醒目，安排我二人轉枱，縱使店外有三至四對食客等位中。如此先記掛食客感受，值得一讚！…查看更多
雖然此店於佐敦、尖沙咀旺區營業，但感覺上較為隱蔽。一入店舖，燈光較為昏暗，被招呼至近窗的位置，由於二人枱關係，感覺上仍較為狹窄。但整體感覺上仍可以接受，且乾淨整齊。是次選擇咗 2件帶子花之戀(A)，蟹棒，鰻魚八吋長壽司各 1件(B)，以及金田和風刺身龍船 1份(C)。A：以帶子配上花之戀還是第一次見，所以立即落單。落單後隔咗五分鐘就上枱。乍看整件份量不大，可惜我還是未能將之完好無缺夾起。其實依個同普通的無甚分別，只係師傅放沙律醬及蟹子前加上帶子，但少少嘅變化已令整個食物嘅感覺唔同晒。帶子非薄切，而且咬落仍有其鮮味，但三文魚卻只是一般而已。B：點了兩款不同嘅壽司，亦好快上枱。終於可以食到八吋鰻魚壽司，感覺上的大滿足。味道方面，燒鰻魚汁夠稠，味道剛剛好，不會太甜或過鹹。至於蟹棒當然由我另一半品嚐，根據其餐後結論，蟹棒感覺上不太好，而且質感比較似蟹柳。八吋長更顯得有啲狼狽。故此不推依款壽司。C：此套餐先嚟一份蟹子沙律，份量剛好適合二人，且蟹子蟹柳都唔少。特別嘅地方在於嗰沙律醬並非已一早落定，而係另外分開上，變相由客人自己控制份量。賣相與一般日本料理無疑，沙律醬比較較好，較一般所用的香一點。用畢之前三樣菜後，刺身龍船上場。刺身有三文魚，八爪魚，螺肉。然後有三文魚小卷，5件八吋長壽司(三文魚，八爪魚，鱆紅魚，魚及玉子)，雜菜天婦羅，3式串燒(茄子，雞軟骨，雞腎)，1份和風牛肉煮。刺身較新鮮唔乾身，但亦非太過濕潤，食材本身味道令人極想追加，但雙眼已望見下一樣食物 - 三文魚小卷。雖然是小卷，但所用之三文魚並非下等，食落仍有魚嘅油香。至於 5款壽司嘅感覺都唔錯，用料新鮮，食落當然此頰留香。但當中仍有不足之處，玉子可能因太長關係變得易散，且味道過甜已失去蛋味。而天婦羅及串燒則比較一般，唯獨茄子串燒較特別，燒得特別出色，不會太乾身，惹味非常。最後就係和風牛肉煮，如果配上飯則比較好，否則現在嘅情況變成太咸，令人得不到完美嘅感覺。或於當中加上烏冬已不錯。另外，店員較好嘅招待態度令人欣賞。本身坐於窗邊位置，因為龍船關係而轉枱，提議時態度良好，感覺舒服。加上餐廳備有wifi及外置充電器，更值一讚！…查看更多
牛腩：瘦多肥少，不錯嘅選擇。最緊要唔痴牙。由於嗰size被切成細細粒咁，所以都比較腍身。麻辣豬肚：雖然名叫麻辣，實際上係麻多於辣，但加上秘製汁，令人欲罷不能。而豬肚雖然浸湯，但食落爽口，滋味無窮。秘製辣汁加河粉：辣汁加入湯令湯底更香。而且嗰汁辣得嚟香味較多，即使唔受得辣嘅人士亦可接受。湯底加完秘製汁後配以河粉一齊食，當然係有目的啦。咁樣可以令我食粉嘅時候享受依個超好味湯底。食完都唔會覺得口乾更加係較少車仔麵檔能夠做到。至於環境方面，本人只會覺得不可奢求太多，始終佢都係賣緊港式車仔麵，基本清潔已是不錯。而由始至終樓面只有一人，但招呼嘅速度完全無受影響，可以應付完店內嘅堂食客人，再要處理外賣，等位嘅客人。激讚！！…查看更多
